Bjartur og frú Emilía: tímarit um bókmenntir og leiklist - 01.07.1995, Qupperneq 15

Smiðjukaffi, 1.4. 1994
I ljósaskiptunum flugu tveir krunkandi hrafnar upp
af marmarasúlunum í portinu á bak við legsteina-
smiðju S. Helgasonar. Keypti mér samloku og
pilsner í Bláhorninu á leiðinni niður í Blesugróf.
Þræddi þar allar götur og stíga. Sum húsin
upphaflega byggð í lok seinna stríðs, utan við allt
skipulag og vita ekki alveg við hvaða götu þau
standa. Mætti gömlum manni í Stjörnugróf með
ullartrefil bundinn fyrir vitin í blíðviðrinu. Opnar
skúrdyr, einhver að gera við gamlan bíl
með ljóshund á krók á veggnum.
Afdankaður leikvöllur eins og týndur
bernskuheimur á auðu svæði milli húsanna.
Rúllugardínur dregnar niður til hálfs, hönd
að vökva rykfallin blóm.
13