Fréttablaðið - 14.01.2017, Side 84

Fæddur: 26. október 1968.
Maki: Helga Hákonardóttir.
Börn: Atli Freyr, Ásdís Elfa og Lilja
(og afastelpan Eygló Aría).
Foreldrar: Brynjólfur Jónsson frá
Rauðhúsum í Eyjafirði fram og
Guðný Halldóra Árelíusdóttir frá
Geldingsá á Svalbarðsströnd.
Menntun: Magister Artium
próf í sagnfræði og þýzku,
kennsluréttindi fyrir
framhaldsskóla. Hef auk þess
stundað nám í íslenzku á BA-stigi og
doktorsnám í norrænum fræðum.
Fyrri störf: Hef verið
framhaldsskólakennari að
aðalstarfi frá árinu 1998 við FNV,
VMA og MA. Auk þess hef ég
starfað við leiðsögn, prófarkalestur,
ritstjórn og ýmislegt fleira.
Áhugamál: Fótboltagláp, bækur,
útivist.
Hver hefur þinn ferill í stjórn­
málum verið? Hvar byrjaði
þetta allt? Ég hef í gegnum tíðina
kosið allt mögulegt, en fann að
lokum fjölina mína þegar ég
skráði mig í Pírata 30. janúar 2016
og fór að sækja fundi á þeirra
vegum í minni heimabyggð,
Akureyri. Ég var kosinn í stjórn
Pírata á Norðausturlandi 12. marz
2016 og hef síðan þá verið á kafi í
pólitísku vafstri.
Hvernig lýst þér á þingmanns­
starfið? Mér lízt sérlega vel á
þingmannsstarfið, a.m.k. enn sem
komið er, enda nýjabrum á þessu
öllu og ótrúlega skemmtilegt að
lenda í hringiðu stjórnarmynd-
unarviðræðna.
Kvíðirðu fyrir einhverju
varðandi starfið? Hverjar verða
hindranirnar? Ég kvíði einna
helzt illmælgi og dónaskap frá
fólki sem gerir engan greinarmun
á þingmönnum mismunandi
flokka. Ég hef fengið fúkyrði og
skammir, aðallega í tölvupósti,
frá fólki sem telur ekki ómaksins
vert að kynna sér hvaða afstöðu
ég hef tekið og hvort ég eigi sök á
því hvernig komið er í viðeigandi
máli.
Hindranirnar felast í starfsað-
ferðum þingsins, sem eru úreltar
að hluta til, og í varðstöðufólkinu
sem gengur erinda hagsmunaað-
ila og vill viðhalda bjöguðum
kerfum samfélagsins þeirra vegna,
þ.e. hagsmunaaðilanna.
Hvað úr reynslubankanum
mun nýtast þér í nýja starfinu?
Ég hef lært að umgangast fólk af
öllum stærðum og gerðum í starfi
mínu hingað til. Sú reynzla mun
örugglega nýtast mér rétt eins og
menntun mín, sérstaklega sagn-
fræðimenntunin, enda er staðgóð
þekking á fortíðinni nauðsynleg
við mótun framtíðarinnar.
Sérðu fyrir þér að gera stjórn­
mál að ævistarfinu? Ég þori
engu að spá um það. Ég er ekki
viss um að stjórnmálmenn sem
eru „of“ lengi í þessu harki séu
góðir stjórnmálamenn. Nýir
vendir sópa bezt, er stundum sagt.
Hvar ólstu manninn og hvernig
var æska þín? Ég er fæddur og
upp alinn á Akureyri og hef búið
þar mestan hluta ævi minnar. Á
sumrin var ég í vegavinnu, sem
var að flestu leyti mjög góður
skóli, frá sjö ára aldri og fram á
fullorðinsár. Ég held að mín æska
hafi ekki verið frábrugðin æsku
annarra krakka á Akureyri, en
fjölskylduaðstæður hefðu vissu-
lega mátt vera okkur bræðrum
hagfelldari.
Hvernig nærir þú þig andlega?
Andlega næringu fæ ég fyrst
og fremst úr bókum, og útivist
reyndar líka.
En líkamlega? Ég hef reynt að
hreyfa mig eitthvað, t.d. með því
að stunda gönguferðir um dali og
fjöll. Ég hef þó verið allt of latur
við það síðustu mánuðina.
Hver er fallegasti staðurinn sem
þú hefur komið á? Mývatnssveit
í froststillum verð ég að segja. Hef
þó bara upplifað það einu sinni.
Uppáhaldsborg utan landstein­
anna? Berlín.
Hvert langar þig mest að
ferðast? Á framandi slóðir, utan
Evrópu helzt.
Hvernig verðu helgarfríum? Ég
fer heim til Akureyrar til að dvelja
í faðmi fjölskyldunnar minnar.
Hvaða hljómsveit eða tónlistar­
maður er mest spilaður á Spot­
ify­aðganginum þínum? Nota
Spotify reyndar mjög lítið. Síðast
hlustaði ég á Adele og Óskar
Pétursson. Annars hlusta ég frekar
á klassíska tónlist.
Hvað er síðasta myndband sem
þú horfðir á á Youtube? TEDX-
myndbandið Beyond the Culture
of Contest með Michael Karlberg.
Hvert er uppáhaldsjólalagið?
„Ég og þú“ í flutningi Höllu Mar-
grétar og Eiríks Haukssonar.
Hefurðu lent í lífsháska eða
annarri dramatískri lífsreynslu?
Ég hef ekki lent í lífsháska en
einhver óþægilegasta lífsreynzla
mín tengist Auschwitz-fangabúð-
unum í Póllandi. Ég dvaldi þar í
fjóra daga árið 1994 ásamt öðrum
sagnfræðinemum við Háskólann
í Göttingen í Þýzkalandi og fékk
að kynnast þeim hryllingi sem
þar hafði viðgengist enn nánar
en aðrir safngestir. Ekki bætti svo
úr skák þegar aldraður maður
horfði á mig einhverjum mestu
hatursaugum sem ég hef nokkru
sinni verið litinn. Líklega hefur
þarna verið um að ræða einhvern
sem hefur lifað helförina af og
talið að ég og danskur félagi minn
værum Þjóðverjar, þar sem við
töluðum þýzku. Þess má geta að
við töluðum ensku, lágum rómi,
það sem eftir lifði dvalarinnar á
þessum skelfilega stað.
Ertu ekki frekar ódæmigerður
Pírati, bæði í tengslum við
aldur og fyrri störf? Hvar
stóðstu í pólitík áður en Píratar
voru stofnaðir? Ef staðalímynd
Pírata er notuð sem viðmið
sker ég mig svo sannarlega úr
hópnum. Ég hef t.d. aldrei fengist
við forritun og er frekar ósjálf-
bjarga þegar kemur að tölvum
yfirleitt. Það hefur þó komið mér
skemmtilega á óvart að Píratar
og kjósendur þeirra eru ekki jafn
eins leitur hópur og margir hafa
talið. Hvað þingflokkinn varðar
þá er ég næstelztur og reyni að
miðla af reynsluforskoti mínu til
hinna þegar ég get.
Ég hef, eins og áður sagði, kosið
ýmsa flokka í gegnum tíðina, en
þegar ég kynntist Pírötum fann
ég að ég var kominn heim. Hérna
hafði ég kynnst stjórnmálaafli
sem vill breyta gangi sögunnar.
Vonandi munu komandi kynslóð-
ir rifja upp mín verk og annarra
Pírata með velþóknun þegar þær
líta yfir söguhlaðborð fortíðar.
Litinn
hornauga í
Auschwitz
Einar Brynjólfsson, þingmaður Pírata í Norðausturkjördæmi, er
ekki hinn dæmigerði Pírati. Hann kvíðir helst dónaskap og illmælgi í
nýja starfinu og segir starfsaðferðir þingsins oft og tíðum úreltar.
Einar Brynjólfsson alþingismaður segist ekki vera dæmigerður Pírati. Hann hafi þó upplifað sig kominn heim þegar hann gekk til liðs við flokkinn. FréttaBlaðið/EYþór
Snærós
Sindradóttir
snaeros@frettabladid.is
Þekktu þingmanninn Einar Brynjólfsson
Úr fjölskyldualbúminu: Við fjölskyldan á römblunni í Barcelona árið 2016. ég ásamt lilju minni í Prag árið 2015. Fjölskyldumynd frá því þegar dóttir mín útskrifaðist árið 2014.
1 4 . j a n ú a r 2 0 1 7 L a U G a r D a G U r32 h e L G i n ∙ F r É T T a B L a ð i ð
1
4
-0
1
-2
0
1
7
0
4
:2
4
F
B
1
1
2
s
_
P
0
9
3
K
.p
1
.p
d
f
F
B
1
1
2
s
_
P
0
8
4
K
.p
1
.p
d
f
F
B
1
1
2
s
_
P
0
2
0
K
.p
1
.p
d
f
F
B
1
1
2
s
_
P
0
2
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
B
F
2
-1
0
F
4
1
B
F
2
-0
F
B
8
1
B
F
2
-0
E
7
C
1
B
F
2
-0
D
4
0
2
7
5
X
4
0
0
.0
0
1
4
B

F
B
1
1
2
s
_
1
3
_
1
_
2
0
1
7
C
M
Y
K