Fréttablaðið - 14.01.2017, Síða 86

Leikvangurinn
Knattspyrna er gríðar­lega vinsæl í Kína og það veit Kommún­istaflokkurinn og for­setinn Xi Jinping. Hug­myndafræði flokksins
er að gera Kína að stórveldi á næstu
50 árum og er pólitísk samstaða um
málið. Kommúnistaflokkurinn á sér
ákveðinn draum og til að framfylgja
honum hefur ekki aðeins verið fjár­
fest til skamms tíma. Seint á árinu
2014 var það tilkynnt að fótbolti
væri orðinn skyldufag í grunnskólum
landsins og fengu 20 þúsund skólar
nýja æfingavelli. Sérstakir knatt­
spyrnuskólar fóru að rísa og eru nú
um 50 þúsund slíkir skólar í landinu
en þeir voru fimm þúsund árið 2013.
Xi Jinping, forseti Kína, kynnti svo í
fyrra 50 ára áætlun um hvernig Kína
ætlar sér að verða stórveldi í knatt­
spyrnunni. Áhuga forsetans skal ekki
vanmeta en hann nánast sprengdi
Internetið þegar hann tók sjálfu af
sér með Sergio Aguerro, leikmanni
Manchester City, sem kínverskir fjár­
festar eiga einmitt 13 prósent í.
Í nóvember var kynntur fimm ára
fótboltasamningur við þýsk stjórn­
völd og þýsku deildina um þjálfun,
fræðslu, dómgæslu og skipulagningu
deildanna í Kína. Angela Merkel og
Xi Jinping skrifuðu undir. Í desember
var álíka samningur gerður við Breta
um að enska deildin leiðbeini þjálf­
urum og kenni ungum krökkum.
Hvort það sé sniðug hugmynd á eftir
að koma í ljós, en eins og flestir vita
eru hlutabréf í enskum leikmönnum
og þjálfurum í sögulegri lægð þessa
stundina.
Kínagullið
glóir og
heillar þá
bestu
Kína ætlar sér að verða stórveldi í knatt-
spyrnuheiminum. Stöðugar fréttir berast af
leikmönnum sem halda til Kína að spila fót-
bolta fyrir fáránlegar upphæðir. Launin eru
há og stórliðum í Evrópu er hafnað í staðinn.
Fyrir utan allt þetta er stefnan sett á
að setja á laggirnar nýja ofurmeistara­
deild. Ríkasti maður Kína, Wang Jian­
lin, er sagður vera á bak við áætlunina
og vera þegar búinn að tala við félög
eins og Real Madrid, Manchester Uni­
ted, Barcelona og Mílanórisana Inter
og AC Milan sem voru nýlega keyptir
af kínverskum fjárfestum.
Fótbolti er í raun fundinn upp í
Kína en Kínverjar spiluðu leikinn
cujul löngu fyrir Krist sem FIFA
hefur viðurkennt að sé fyrsta form
af fótbolta. Kínverjar tóku þessu
fagnandi og Kommúnistaflokkurinn
vill að knattspyrnan komi heim.
Og það á að taka boltanum fagn­
andi með öllum tiltækum ráðum.
Kínverjar eru númer 81 á heimslista
FIFA og töpuðu fyrir okkur Íslend­
ingum á þriðjudag. Draumurinn er að
sjálfsögðu að vinna Heimsmeistara­
keppnina en einnig að byggja upp
deild og félög sem eru nógu freistandi
fyrir bestu leikmenn heims. Ekki
er mjög langt síðan Evrópa var eini
staðurinn þar sem bestu leikmenn
heims vildu spila en eins og fyrrver­
andi miðjumeistari Barcelona, Xavi,
benti nýlega á er það að breytast. „Í
langan tíma hefur metnaður knatt­
spyrnumanna snúist um að spila í
fjórum eða fimm stærstu deildum
Evrópu og komast í Meistaradeildina.
En ef Kína ætlar að búa til keppnis­
deild með bestu leikmönnunum og
bestu þjálfurunum, þá verður það
kannski þannig að Evrópa verður
ekki eini áfangastaðurinn fyrir bestu
leikmennina.“
Það er varla hægt að gúggla nokk­
urn leikmann í dag án þess að hann
hafi verið orðaður við ferðalag til
Kína. Jafnvel félög eins og Liverpool
og Southampton hafa verið orðuð
við sölu til Kínverja í sumar. Mið­
Tölur í milljónum
Launahæstu knattspyrnumenn heims
Carlos Tevez FC Shenhua 85 á viku 12,2 á dag
Cristiano Ronaldo Real Madrid 50 á viku 7,1 á dag
Lionel Messi Barcelona 49 á viku 7 á dag
Gareth Bale Real Madrid 44,5 á viku 6,4 á dag
Hulk Shanghai SIPG 44,5 á viku 6,4 á dag
Oscar Shanghai SIPG 40,3 á viku 5,6 á dag
Neymar Barcelona 40 á viku 5,7 á dag
Axel Witsel Tianjin Quanjian 37,5 á viku 5,4 á dag
Luiz Suarez Barcelona 33,4 á viku 4,8 á dag
Paul Pogba Manchester United 36 á viku 5,1 á dag
Wayne Rooney Manchester United 36 á viku 5,1 á dag
*Allar tölur eru í krónum.
Laun Messi og Ronaldo
eru reiknuð eftir skatt.
Inni í þessum tölum eru
einnig bónusar og annað
sem gæti hækkað launin.
Auglýsingasamningar eru
ekki teknir með. Heimild:
financefootball.com
landsliðin WBA, Aston Villa, Wolves
og Birmingham eru öll í eigu Kínverja.
Carlos Tevez varð launahæsti
knattspyrnumaður heims þegar
hann samdi við Shanghai Shenhua
og þiggur hann 615 þúsund pund á
viku fyrir það eða 85 milljónir króna.
Sjöfaldur lottópottur árið 2014 var
einmitt 85 milljónir króna og má því
segja að Tevez vinni sjöfaldan vinning
í hverri viku.
Oscar kom einnig með risalaun í
rassvasanum og Axel Witsel hafnaði
ítölsku risunum í Juventus til að fara
til Kína. Alexis Sanchez er orðaður
við 500 þúsund pund á viku hjá Hebei
China Fortune og Englendingarnir
Wayne Rooney og John Terry hafa
fengið góð tilboð. Samkvæmt nýjustu
fréttum hefur Rooney fengið boð um
700 þúsund pund á viku frá tveimur
félögum. Fréttirnar um kolbrjáluð
laun og félagaskipti eru í raun það
margar að það þyrfti aðra síðu til að
skrifa um það.
Hvort hægt sé að láta knattspyrnu­
drauma rætast er önnur saga en
með nánast óþrjótandi brunn af
peningum, stuðning forsetans og
flokksins sem og langtímamarkmið
er allt hægt. Það má ekki gleyma að
deildin í Kína er aðeins 12 ára gömul
en hefur tekið gríðarlegt stökk á milli
ára. Þegar Sölvi Geir Ottesen og Viðar
Örn Kjartansson spiluðu með Jiangsu
Suning árið 2015 urðu þeir bikar­
meistarar en voru samt seldir. Næstu
skref voru nefnilega landsliðmenn­
irnir frá Brasilíu Ramires frá Chelsea
og Alex Teixeira frá Shakhtar Donetsk
sem hafnaði fjölmörgum risaliðum í
Evrópu.
En hvað skyldi gerast ef peningarnir
klárast, fjárfestarnir nenna ekki lengur
að leika sér í mannlegum Champions­
hip Manager eða spillingin verði svo
mikil að leikmenn nenna ekki lengur
að spila þarna? Þá gæti allt farið, jafn­
vel 50 ára áætlun forsetans.
Stefnan er Sett á nýja
ofurmeiStaradeild.
ríkaSti maður kína
er Sagður á bak við
áætlunina.
Benedikt Bóas
Hinriksson
benediktboas@frettabladid.is
KOMDU
Í
– dásamleg deild samfélagsins
OPIÐ UM HELGAR FRÁ KL. 11 – 17
1 4 . j a n ú a r 2 0 1 7 L a U G a r D a G U r34 h e L G i n ∙ F r É T T a B L a ð i ð
1
4
-0
1
-2
0
1
7
0
4
:2
4
F
B
1
1
2
s
_
P
0
9
1
K
.p
1
.p
d
f
F
B
1
1
2
s
_
P
0
8
6
K
.p
1
.p
d
f
F
B
1
1
2
s
_
P
0
2
2
K
.p
1
.p
d
f
F
B
1
1
2
s
_
P
0
2
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
B
F
2
-2
4
B
4
1
B
F
2
-2
3
7
8
1
B
F
2
-2
2
3
C
1
B
F
2
-2
1
0
0
2
7
5
X
4
0
0
.0
0
1
6
B

F
B
1
1
2
s
_
1
3
_
1
_
2
0
1
7
C
M
Y
K