Orð og tunga - 01.06.2012, Qupperneq 77

Anna Helga Hannesdóttir
Orðfræðirit frá fyrri tíð
Magnús Ólafsson ofLaufás: Specimen lexici runici and Glossarium priscæ
linguæ danicæ. Ritstjórar Anthony Faulkes og Gunnlaugur Ingólfs-
son. Orðfræðirit fyrri alda V. Reykjavík: Stofnun Arna Magnússon-
ar í íslenskum fræðum og London: Viking society for northem
research, University College. 2010. (xlvi + 492 bls.) ISBN 978-9979-
654-08-7 (ísl. ú tgáfa)/978-0-903521 -80-2 (bresk útgáfa).
1 Inngangur
í ritröðinni Orðfræðirit fyrri alda er nú 5. bindið komið út. Það felur í sér
tvö rit sem bæði urðu til um miðja 17. öld: orðabókina Specimen lexici
runici og handritið DG 55. Orðabókin var gefin út í Kaupmannahöfn
1650 og þar er því um endurútgáfu að ræða. Handritið DG 55, sem
geymir „Glossarium priscæ linguæ danicæ", hefur aftur á móti ekki
verið gefið út áður og birtist hér í fyrsta sinn. Að útgáfunni standa
Stofnun Árna Magnússonar í íslenskum fræðum og Viking Society
for Northern Research. Ritstjórar eru þeir Anthony Faulkes og Gunn-
laugur Ingólfsson.
I orðabókum þeim sem gefnar hafa verið út í ritröðinni hingað til
hefur áhersla verið lögð á að fjalla um einkenni þessara gömlu orða-
bóka og gildi þeirra fyrir íslenska mál- og orðsögu. Utgáfurnar eru
m.a. ætlaðar sem „framlag til íslenskra orðfræðirannsókna" (Orð-
fræðirit IV:[vii]). Sjónarmiðið hefur því einkum verið orðfræðilegt.
I útgáfu þeirri sem hér er til umfjöllunar er markmiðið þó aðeins
annað en það sem áður hefur verið ríkjandi. Ritstjórarnir láta sér ekki
Orð og tunga 14 (2012), 67-75. © Stofnun Áma Magnússonar í íslenskum fræðuni,
Reykjavík.