Náttúrufræðingurinn - 2016, Blaðsíða 33

33
Tímarit Hins íslenska náttúrufræðifélags
Einars dóttir, Veiðimálastofnun,
Selfossi. Vatnamýsnar fundust í
flæðarmálinu þegar unnið var að
umhverfismati vegna fyrirhugaðs
vegstæðis um Öxi.8 Núverandi
vegur (nýr vegur enn ekki kominn)
var á sínum tíma lagður þvert yfir
tjörnina. Staðurinn var kannaður á
ný 5. júlí 2012 (Ævar Petersen) en þá
var hluti tjarnarinnar sunnan vegar
skrælþurr og stærri hluti hennar
norðan vegar nálega þurr. Engar
vatnamýs fundust.
11. Nýlenduvatn, Ökrum,
Mýrum, Mýr. (64.630893°N;
22.371529°V), 8. júní 2009.
Eitt eintak. Ib K. Petersen,
Árósaháskóla, Danmörku. – Dvalist
var marga daga við Nýlenduvatn
á ári hverju frá 2007 til 2015.
Vatnamýs hafa aldrei fundist nema
í þetta eina sinn og aðeins eitt lítið
eintak. Ennfremur hafa margir tugir
tjarna og vatna verið skoðaðir á
Mýrum síðustu ár en vatnamýs
hvergi fundist annars staðar (Ævar
Petersen, óbirt gögn).
12. Þórshöfn, Langanesi,
N.-Þing. (66.197272°N;
15.333350°V), 23. mars 2012.
Um 100 m löng og tveggja metra
breið röst uppgötvaðist í fjörunni
neðan við þorpið innan hafnargarða.
Þar voru líklega nokkur þúsund
vatnamýs (5. mynd) og var 84
eintökum safnað. Sóley Vífilsdóttir,
Þórshöfn. – Einn höfunda (Skarp-
héðinn G. Þórisson) fór á staðinn 11.
apríl 2012 og safnaði 144 eintökum
til viðbótar, öllum innan hafnar.
Þetta er óvenjulegasti fundur–inn
að því leyti að vatnamýsnar voru
í sjávarfjöru langt frá næstu á og
hafa því flotið langa leið. Í upphafi
fundust mosavöndlar einungis
innan hafnar en vatnamýsnar
hafa aðeins getað flotið eina
leið, þ.e. inn um hafnarmynnið
sem er aðeins um 100 m breitt. Í
hvassviðri daginn eftir dreifðust
vatnamýsnar, sumar út fyrir höfnina.
Þremur vikum seinna höfðu margar
kastast upp á gróinn fjörukamb.
Fljótlega eftir fundinn á Þórshöfn var
talið líklegast að vatnamýsnar hefðu
borist úr Hafralónsá en ós hennar
er í um fimm kílómetra fjarlægð
frá höfninni. Því var gerð sérstök
ferð að Hafralónsá um sumarið, 6.
júlí (Ævar Petersen), sjá umfjöllun
um næsta fundarstað (13). Annar
möguleiki var Ormarsá sem er tæpa
40 km í burtu, og fleiri ár koma til
greina.
13. Hafralónsá, Syðri-
Brekkum, Þistilfirði, N.-Þing.
(66.147172°N; 15.370583°V), 6.
júlí 2012.
Hundruð eintaka og var 82 þeirra
safnað. Ævar Petersen, Reykjavík.
– Vegna fundarins á Þórshöfn í
mars 2012, sjá um 12. fundarstað,
var vatnamúsa leitað við ósa
Hafralónsár um sumarið. Skoðað
var um eins kílómetra svæði með
ströndu ósasvæðisins (Leirunni)
sem er óvenju breitt af árósi að vera.
Hvergi var mikið af vatnamúsum á
sama stað heldur ein eða fáeinar á
víð og dreif (6. mynd). Má gera ráð
fyrir að vatnamýs hafi verið mun
víðar meðfram árósnum, ekki síst
neðan við það svæði sem skoðað var.
14. Nýpslón, Vopnafirði,
N.-Múl. (65.769877°N;
14.825425°V), 11. júlí 2013.
Tugir eintaka og var þremur
safnað. Kristín Jónsdóttir, Skógum
1, Vopnafirði (nú Hvammi 2 í
Þistilfirði). – Vatnamýsnar voru
í fjöruborðinu innst í Nýps lóni,
í króknum utan við Straums-
eyrarbrúna á mótum Skógalóns og
Nýpslóns.
5. mynd. Röst vatnamúsa í fjörunni innan
hafnar við þorpið á Þórshöfn á Langanesi.
Röstin var um 100 m löng og tveir m að
breidd. – False lake balls found at village
Þórshöfn on Langanes. They formed ca 100
m long and two m broad line along the coast
inside the harbour. Ljósm./Photo: Sóley
Vífilsdóttir, 23.3. 2012.
6. mynd. Vatnamýs við ós Hafralónsár neðan Syðri-Brekkna í Þistilfirði. Þær fundust
dreifðar á skoðuðu svæði. – False lake balls on the beach of river Hafralónsá in Þistilfjörður
a short distance from where the river opens towards the sea. Ljósm./Photo: Ævar Petersen,
6.7. 2012.