Dagblaðið Vísir - DV - 20.03.2015, Side 49

Helgarblað 20.–23. mars 2015 Sport 49
VÍKURVERK EHF • VÍKURHVARF 6 • 203 KÓPAVOGUR • SÍMI 557 7720 • WWW.VIKURVERK.IS
Fornir fjendur mætast í Liverpool
Liverpool getur komist í 4. sætið með sigri á Manchester United
L
iverpool og Manchester United
mætast í stórleik helgarinnar í
enska boltanum. Óhætt er að
segja að mikið sé undir enda
eru bæði lið í harðri baráttu um sæti í
Meistaradeild Evrópu. Sex lið berjast
um þrjú laus sæti; Manchester City,
Arsenal, Manchester United, Liver­
pool, Southampton og Tottenham.
Manchester United er í 4. sæti
deildarinnar með 56 stig en Liverpool
er í 5. sæti með 54 stig. Fari Liverpool
með sigur af hólmi munu United og
Liverpool hafa sætaskipti í deildinni.
Í undanförnum innbyrðis viður­
eignum sínum hafa liðin yfir­
leitt unnið leikina á heima­
velli. Í síðustu sex leikjum
liðanna í deildinni á An­
field hefur Liverpool
unnið fjóra leiki, United
einn og einn hefur end­
að með jafntefli. Að sama
skapi hefur United unnið
fimm af síðustu sex leikjum lið­
anna á Old Trafford. Bæði lið ættu að
geta stillt upp sínum sterkustu liðum.
Robin van Persie er þó á meiðsla­
listanum hjá United og óvíst hvort
Marcos Rojo verði klár í slaginn. Leik­
ur Liverpool og United hefst
klukkan 13.30 á sunnudag.
Manchester City, sem
hefur átt í talsverðu ba­
sli að undanförnu, fær
kærkomið tækifæri til að
koma sér á beinu braut­
ina þegar liðið tekur á móti
WBA í hádeginu á laugar­
dag. Arsenal heimsækir Newcastle
einnig á laugardag, Southampton
tekur á móti Burnley og Tottenham
fær Leicester í heimsókn. Á sunnu­
dag tekur fallbaráttulið Hull á móti
toppliði Chelsea. n einar@dv.is
A
ndreas Pereira er ungur leik­
maður Manchester United
sem spilaði sinn fyrsta Úr­
valsdeildarleik gegn Totten­
ham um liðna helgi. Breskir fjölmiðl­
ar hafa greint frá ásökunum þess
efnis að hann hafi boðið ungri stúlku
tvær milljónir króna fyrir að fara í
þríkant með honum og öðrum ung­
um leikmanni United, Paddy Mc­
Nair. Fram kemur að McNair var ekki
með í ráðum.
Pereira er Brasilíumaður sem er
fæddur í Belgíu. Hann er 19 ára gam­
all og hefur fengið nasaþefinn af
Úrvalsdeildinni. Stúlkuna sem um
ræðir, Kelly McKinney, hitti Pereira
í jólaboði sem leikmenn Manchester
United sóttu. Eftir boðið fengu vald­
ir gestir aðgang. Þeirra á meðal var
stúlkan.
The Sun hefur eftir stúlkunni að
henni hafi brugðið verulega við boð­
ið. Hún sé ekki sú manngerð sem
fáist keypt fyrir peninga. „Hann er
greinilega örvæntingarfullur og á í
erfiðleikum með að finna sér hjá­
svæfu sem hann þarf ekki að borga
fyrir,“ er haft eftir stúlkunni. Fram
kemur í umfjölluninni að fyrir
nokkrum dögum hafi leikmaðurinn
aftur haft samband við stúlkuna til
að falast eftir kynlífi.
Haft er eftir umboðsmanni leik­
mannsins að hann sé ungur og megi
stunda kynlíf með þeim sem hann
vill. „Á hverju þarf hann að biðjast
afsökunar?“ n
Frumraun Pereira kom við sögu í leik
United og Spurs um liðna helgi. Mynd ReuteRs
Segja leikmann
United hafa boðið
stúlku í þríkant
Spilaði gegn Tottenham um síðustu helgi
S
vo gæti farið að slakur ár­
angur enskra liða í Evrópu­
keppnum í vetur geri það að
verkum að aðeins þrjú lið frá
Englandi fái þátttökurétt í Meistara­
deild Evrópu á næstu árum.
Kerfið sem Knattspyrnusam­
band Evrópu, UEFA, notast við
til að ákvarða hversu mörg lið
frá hverju landi fá þátttökurétt er
nokkuð margslungið. Þrjú lönd
fá að senda fjögur lið til keppni
í Meistara deildinni. Þetta eru
Spánn, England og Þýskaland.
Tekið er tillit til árangurs liða í
keppninni fimm ár aftur í tímann
og stendur Spánn langbest að vígi
sé litið til þess tímabils. Þar á eftir
koma England, Þýskaland og loks
Ítalía sem er í 4. sæti.
Engar líkur eru á að Ítalir verði
með fleiri stig en Englendingar að
loknu þessu tímabili en það gæti
gerst á því þar næsta ef ensk lið
hysja ekki upp um sig buxurnar.
Manchester United lék til úrslita í
Meistaradeildinni árið 2011 en á
næsta tímabili mun sá árangur ekki
telja vegna fyrrgreindrar fimm ára
reglu.
Þegar þetta er skrifað er aðeins
eitt enskt lið eftir í Evrópukeppnum
þetta tímabilið, Everton, á meðan
sex ítölsk lið eru enn í baráttunni.
Það er því ljóst að bilið milli Ítalíu
og Englands mun minnka tals­
vert áður en næsta tímabil geng­
ur í garð. Sky Sports greinir frá því
að litlar líkur séu á að Ítalía nái
að komast upp fyrir England fyrir
tímabilið 2016/17 en gæti gert það
fyrir tímabilið 2017/18. n
England gæti misst
sæti í Meistaradeildinni
Svona gæti Ítalía skotist upp fyrir England
Úr leik Ensku liðin
féllu snemma úr
leik í Meistaradeild
Evrópu þetta
tímabilið. Liverpool
komst ekki upp
úr sínum riðli á
meðan Chelsea,
Man chester City
og Arsenal féllu öll
úr keppni í 16-liða
úrslitum.