Fréttatíminn - 26.02.2016, Side 78

6 | fréttatíminn | Helgin 26. febrúar–28. febrúar 2016
Fermingar
Því ekki að bíða með fermingarveisluna fram á
sumar og halda þá skemmtilega garðveislu?
Þarf veislan að
vera pínleg?
Sumum finnast fermingarveislur frekar vandræðalegar
eða hreint og beint leiðinlegar. En það er hægt að gera eitt
og annað til þess að létta andrúmsloftið og gera þessar 2-3
klukkustundir að hinni bærilegustu skemmtun öllum til
handa, bæði gestum og fermingarbarninu. Það sem skiptir
allra mestu máli er að lesa „krádið“ rétt.
n Það er um að gera að nýta þetta
tækifæri til þess að leyfa barninu
að vera miðpunktur athyglinnar.
Setjið saman myndasýningu með
myndum af fermingarbarninu frá
fæðingu. Svo er líka gaman að hafa
vídeósýningu, börn sem eru að
fermast í dag hafa alist upp við að
hvert fótmál sé fest á filmu svo nóg
ætti að vera til af efninu.
n Spilar fermingarbarnið eða
einhver nákominn á hljóðfæri?
Skemmtiatriði í fermingarveislu
þurfa ekki að vera neitt sérlega
flókin eða kosta neitt. Ef einhver
frænka kann töfrabrögð eða ein-
hver frændi spilar á saxófón er um
að gera að biðja þau um að troða
upp í veislunni. Það þarf ekkert að
vera langt en allt sem brýtur veisl-
una upp er skemmtilegt.
n Foreldrarnir ættu vissulega að
halda tölu séu þeir þannig þenkj-
andi. Engan ætti þó að pína til þess
að halda tölu. Hér er kjörið að fara
yfir farinn veg og stikla á stóru í lífs-
hlaupi barnsins.
n Fermingarbarnið getur jafnvel
haldið ræðu þar sem það þakkar
fyrir komuna. En sama gildir um
börnin og foreldrana – ef barninu
líður illa með að standa fyrir fram-
an alla og tala þá ætti alls ekki að
þvinga það til þess.
n Er stemning fyrir leikjum? Það
er um að gera að fara í einhvern
skemmtilegan leik, jafnvel úti ef
veður og aðstæður leyfa. Skellið
ykkur út og hlaupið í skarðið eða
farið í keppni í flottasta mennska
píramídanum.
n Fjölskyldur eru ótrúlega ólíkar og
misjafnlega samsettar og það þarf
að taka tillit til þess þegar veislan er
skipulögð. Ekki gleyma því að veisl-
an snýst um að barnið njóti sín og
því ekki ráðlegt að setja það í kvíð-
vænlega stöðu. Þetta getur til dæmis
átt við um skilnaðarbörn – hvern-
ig er sambandið á milli barnsins
og þess foreldris sem það býr ekki
hjá? Er barnið vant að vera í kring-
um þennan anga fjölskyldunnar?
Kannski er góð hugmynd að und-
irstinga að haldin sé önnur minni
veisla með fjarlægari fjölskyldunni.
Sem betur fer er það vissulega þann-
ig hjá flestum fjölskyldum að allir
sammælast um að vera saman í sátt
og samlyndi og leggja sig fram við
að gera daginn sem ánægjulegastan
fyrir fermingarbarnið og það ætti að
vera markmiðið í hvívetna.
n Eigið þið stóran garð eða pall? Því
ekki að bíða með veisluna fram á
sumar og halda þá stóra garðveislu.
Bjóða fermingarbarninu út að borða
eða elda eitthvað gott á fermingar-
daginn og bíða með veisluhöldin.
Garðveislur geta verið dásamlegar
og það getur minnkað streitustigið
mikið að bíða þar til sumrar.
n Langar barnið ekkert í veislu?
Sleppið því þá bara að halda veislu,
það er engin skylda. Það má jafnvel
halda litla veislu fyrir nánustu fjöl-
skyldumeðlimina og skella sér svo
í ferðalag, annað hvort innanlands
eða utan.
Faxafen 8 • Sími 567 9585 • www.storkaup.is • storkaup@storkaup.is
Butterfly rækjur
60stk í pakka -1kg
2.999kr/pk
Mini Springrolls
60stk í pakka -900 gr
699kr/pk
Kjúklingaspjót, Satay
50stk í pakka -1,5kg
5.799kr/pk
Vatnsdeigsbollur, fylltar
80stk í pakka -1kg
1.099kr/pk
Piccolinis smápizzur
3 teg
40stk í pakka
1.999kr/pk
Mini Brownies
96stk í pakka
1.999kr/pk
Allt fyrir veisluna
Stórkaup býður upp á fjölbreytt úrval af tilbúnum
réttum á veisluborðið. Einfalt að bera fram!