Tímarit hjúkrunarfræðinga - 01.10.2001, Qupperneq 20

Fram kom að umbun fyrir starfið bæði frá skjólstæðingi
og umhverfi skipti hjúkrunarfræðinginn miklu máli.
Hjúkrunarfræðingum fannst þýðingarmesti þátturinn
vera að geta lokið verkefnum og störfum. Er það í
samræmi við þætti sem þeim fannst mest gremjuvaldandi,
þ.e. ekki nægilegur tími til að Ijúka verkum sínum. Hér kom
fram að hjúkrunarfræðingum fannst erfitt að geta ekki
haldið sig innan fyrir fram ákveðins ramma vinnudagsins.
Tímafrekustu hlutar starfsins voru bein hjúkrun og
hjúkrun alvarlega veikra sjúklinga. Gefur það til kynna að
hjúkrunarfræðingar á bráðadeildum sinni fyrst og fremst
grunnhjúkrun en ekki bara pappírsvinnu og fundarsetu
eins og stundum er haldið fram.
í þessum niðurstöðum kemur fram mikil hjúkrunar-
þyngd á almennum legudeildum en um helmingur hjúkr-
unarfræðinga þar sagði hjúkrun alvarlega veikra sjúklinga
vera tímafrekasta hluta starfsins.
Þrátt fyrir að atriði, sem benda til álags og undirmönn-
unar, séu mjög þreytandi í starfi hjúkrunarfræðinga, þá var
það „neikvætt viðhorf starfsfólks" sem þreytti þá mest.
Það bendir til þess að hjúkrunarfræðingar sætti sig frekar
við álagið ef „deildarmórallinn" er góður.
Hjúkrunarfræðingar
Hjúkrun á Heilsustofnun NLFÍ er fjölbreytt og er
áherslan lögð á heilbrigðiseflingu, forvarnir og
endurhæfingu. Starfshlutfall eftir samkomulagi. Við
leitunr að hjúkrunarfræðingi sem hefur þekkingu og
skilning á heildrænni hjúkrun.
Bæjarfélagið
Hveragerði er lifandi og blómlegur bær, örstutt frá
höfuðborginni þar sem gott er að ala upp börn. Þar er
hægt að njóta kosta þess að búa í litlu samfélagi en
jafnframt hafa möguleika á tíðum samskiptum við
höfuðborgarsvæðið. Aðeins er um 30 mínútna akstur til
Reykjavíkur.
Lítið á heimasíðuna: www.hnlfi.is
Upplýsingar veitir Hulda Sigurlína Þórðardóttir
hjúkrunarforstjóri í símum 483 0300 eða 896 8815.
Heilsustofnun NLFÍ,
Hveragerði
Takmarkanir
í þessari rannsókn var lítil svörun eða 41 % og því ekki hægt
að alhæfa út frá niðurstöðum en rannsóknin gefur þó vissar
vísbendingar. Sumrin eru oft erfið í starfsumhverfi sjúkrahúsa
vegna aukins álags út af sumarleyfum og því má reikna með
minni svörun af þeim völdum. Sumarleyfi hjúkrunarfræðinga
hafa líka truflandi áhrif á svörun spurningalista þó að reynt
hafi verið að draga úr þeirri skekkju með því að senda listana
á heimilisfang viðkomandi. Eins og fyrr hefur komið fram er
þessi grein hluti af stærri rannsókn og því þurfti að leggja tvo
langa spurningalista fyrir. Ókosturinn við það er að langir
spurningalistar draga oft úr áhuga fólks á að svara.
Tillögur að frekari rannsóknum
Sjötíu prósent hjúkrunarfræðinga sögðu „neikvætt viðhorf
starfsfólks" vera mjög þreytandi hluta starfsins. Það má
gefa sér að þetta neikvæða viðhorf hafi áhrif á starfs-
andann á deildinni. Því væri þarft að velta fyrir sér í fram-
haldsrannsókn af hvaða toga þessi neikvæðu viðhorf væru
og hvaðan þau væru upprunnin.
Annað efni, sem vert væri að kanna, er hvers vegna
hjúkrunarfræðingar þola illa óöryggi, þ.e. þegar starfsramminn
fer úr skorðum. Reikna má með því að óvissa og örar breyt-
ingar í starfsumhverfi hjúkmnarfræðinga verði áfram áberandi.
Því má spyrja sig að því hvort verðandi hjúkrunarfræðingar
séu búnir undir það í uppvexti sínum og námi. í seinni grein
minni, sem bíður birtingar, verður komið inn á þennan þátt.
Styrkur
Félag íslenskra hjúkrunarfræðinga og Landspítalinn veittu
styrki til vinnslu rannsóknarinnar.
Þakkir
Mig langar til að byrja á að þakka Lovísu Baldursdóttur, klín-
ískum sérfræðingi í hjúkrun, sérstaklega fyrir ómælda hjálp,
stuðning og þolinmæði við vinnu að rannsókn þessari. Sigrún
Barkardóttir, hjúkmnarfræðingur, fær mfnar bestu þakkir fyrir
yfirlestur, Ingibjörg Ingadóttir, íslenskufræðingur og fuiltrúi við
hjúkrunarfræðideild, fyrir aðstoð við þýðingu, Lísa K. Yoder,
lögfræðingur og löggiltur skjalaþýðandi, fyrir yfiriestur þýðing-
ar, sem og aðrir sem komu að þessari vinnu. Síðast en ekki
síst fær eiginmaður minn innilegar þakkir fyrir alla aðstoðina.
HEIMILDIR
Hentemann, A. M., Simms, L. M., Erbin-Roesemann, M. A., og Greene,
C. L. (1992). Work excitement: An energy source for critical care
nurses. Nursing Management, 23(4): 96E-96F, 96J, 96L, 96N, 96R
Landrom, S. (1992). Work excitement on a general care nursing unit.
Meistaraprófsverkefni í hjúkrunarstjórnun. University of Michigan School
of Nursing.
Lickman, P., Simms, L., og Greene, C. (1993). Learning environment:
The catalyst for work excitement. The Journal of Continuing Education
in Nursing. 24(5):211-6.
Simms, L. M., Erbin-Roesemann, M., Darga, A., og Coeling, H. (1990).
Breaking the burnout barrier: Resurrecting work excitement in nursing.
Nursing Economics, 8(3), 177-187.
244
Tímarit hjúkrunarfræðinga ■ 4. tbl. 77. árg. 2001