Tímarit hjúkrunarfræðinga - 01.10.2001, Page 26

meðal ungmenna miðað við þriggja ára tímabil. Ég veit svo
sem ekki hvort tóbaksverð hefði mikil áhrif hér á landi þar
sem mér virðist ungt fólk, a.m.k. í Reykjavík, hafa meiri
tekjur en við eigum að venjast."
Hún og hópur hennar, sem fást við tóbaksvarnir, hafa
auk þess staðið að alls kyns aðgerðum til að draga úr
reykingum, boðið hefur verið upp á keppni í reykleysi og
þeim sem halda það út fá peningaverðlaun og alls kyns
aðstoð meðan á bindindinu stendur, svo sem upplýsingar
á netinu og stuðningssímtöl.
En hvað um áfengisvarnir? Hún segir áfengisnotkun
ólíka tóbaksnotkun að því leyti að flestir, eða um 90%
þeirra sem þess neyti, séu ekki háðir því. „Það er talið að
einungis um 10% þeirra sem neyta áfengis séu
alkóhólistar, en um 96-97% þeirra sem reykja eru hins
vegar nikótínistar." Aðgerðir stjórnvalda, svo sem öku-
leyfissviptingar vegna ölvunaraksturs, segir hún hafa dreg-
ið mikið úr slysum og dauðsföllum í umferðinni. Hún segist
að lokum vilja ítreka að hjúkrunarfræðingar geti haft miklu
meiri áhrif til að koma í veg fyrir slys og dauðsföli með því
að taka virkari þátt í stefnumótun og hafa áhrif á þá sem
taka ákvarðanir.
uMOtílA - ráðstefna norrænna
gjörgæslu- og svæfingarhjúkrunarfræðinga
Helgina 14. til 16. september var haldin í Reykjavík ráð-
stefna norrænna gjörgæslu- og svæfingarhjúkrunarfræð-
inga. Ráðstefnan var fjölmenn, 480 þátttakendur.
Ráðstefnan var sett með myndarlegri móttöku í Ráðhúsi
Reykjavíkur. Skapaðist mikil stemning þarna strax fyrsta
kvöldið. Mikilvægi ráðstefna af þessu tagi felst ekki síst í að
koma á félagslegum samskiptum fagfólks frá mismunandi
löndum. Síðara kvöld ráðstefnunnar skemmtu þátttakendur
sér hið besta á víkingaveislu í Fjörukránni.
Á fyrsta degi ráðstefnunnar voru heiðursgestir hennar
kynntir en það voru frumherjar á sviði svæfinga- og
gjörgæsluhjúkrunar á íslandi.
Dagskrá ráðstefnunnar var þéttskipuð fjölbreyttum og
vönduðum fyrirlestrum um rannsóknir og klínísk þróunar-
verkefni innan þessara sérgreina.
Meginefni ráðstefnunnar var „nútíma tækni og siðfræði
innan gjörgæslu- og svæfingarhjúkrunar". Alls voru fluttir
um 35 fyrirlestrar og mörg veggspjöld kynnt auk sýningar
á nýjum tækjum, lyfjum og hjúkrunarvörum.
Fróðlegt og hvetjandi var að sjá hvernig þessar sér-
greinar hafa þróast faglega undanfarin ár því mörg meist-
ara- og doktorsverkefni voru kynnt. Rannsóknirnar, sem
snéru að siðfræðilegum álitaefnum, greindu frá reynslu
hjúkrunarfræðinga, lækna, sjúklinga og aðstandenda af lífi,
starfi og veru á gjörgæslu- og svæfingardeildum og
áhrifum þessa á líf viðkomandi. Það var eftirtektarvert hvað
eigindlegar rannsóknir vega þungt þegar beitt er aðferðum
sem eiga rætur á sviði félagsvísinda. Það undirstrikar að
þessar greinar hjúkrunar byggjast ekki síður á félagslegum
grunni en aðrar greinar hjúkrunar þótt tæknilegir þættir séu
eðlilega einnig mjög áberandi.
Fyrirlestrar um tæknivæðingu greindu frá reynslu af
tölvuvæðingu hjúkrunar á þessum deildum og skyggnst
var inn í framtíðina og breytingar í meðferð með notkun
250
nýrrar tækni reifuð. Fjallað var um fræðslu fyrir svæfingu
og aðgerð með myndböndum og lýst kvíðastillandi
áhrifum slíkrar fræðslu.
Lýsing á þróun klínískra meðferðarúrræða innan sér-
greinanna var bæði gerð með megindlegum og eigind-
legum aðferðum. Þar má nefna mælingu verkja með VAS-
skala, að venja sjúklinga úr öndunan/él, hjúkrunarskrán-
ingu, tónlistarmeðferð og jákvæð skilaboð til sjúklinga
meðan á svæfingu stendur.
Laufey Aðalsteinsdóttir, Ingibjörg Elíasdóttir og Anna Stefánsdóttir
voru meðal stofnenda fagdeildar gjörgæsluhjúkrunarfræðinga.
Svava Sveinbjörnsdóttir, Sigurveig Sigurðardóttir, Friðrikka
Sigurðardóttir, Margrét Jóhannsdóttir og Guðrún Margeirsdóttir
voru meðal stofnenda fagdeildar svæfingarhjúkrunarfræðinga.
Tímarit hjúkrunarfræðinga • 4. tbl. 77. árg. 2001