Tímarit hjúkrunarfræðinga - 01.10.2001, Side 35

Ráðstefna Alþjóðasamtaka hjúkrunarfræðinga (ICN) var
haldin í Kaupmannahöfn dagana 10.-15. júní 2001. Ráð-
stefnan, sem var geysifjölmenn, tókst mjög vel og var
skipulag allt til fyrirmyndar. Ráðstefnuna sóttu um fimm
þúsund hjúkrunarfræðingar hvaðanæva úr heiminum og
voru íslenskir þátttakendur um þrjátíu.
Mörg hundruð hjúkrunarfræðingar fluttu fyrirlestra, sáu
um vinnusmiðjur og kynntu verk sín á veggspjöldum. Tólf
íslenskir hjúkrunarfræðingar voru með framsöguerindi
og/eða kynntu rannsóknir sínar á veggspjöldum.
ICN bauð upp á nokkra gestafyrirlestra. Má þar nefna
minningarfyrirlestur Virginiu Henderson, A New Era for
Action, sem Sheila Tlou frá Botswana flutti og lagði
áherslu m.a. á hnattvæðingu og endurskipuiag heilbrigðis-
þjónustu og hvernig grundvallarhugmyndir Virginu Hender-
son geta enn þá hvatt hjúkrunarfræðinga til dáða og aukið
áhrif þeirra. From Silence to Voice var heiti fyrirlestrar sem
fluttur var af blaðamönnunum Bernice Bureesh og
Suzanne Gordon. Þær lögðu áherslu á að ef hjúkrunar-
fræðingar ætluðu að taka þátt í og viðhalda leiðtogahlut-
verki sínu í heilbrigðisþjónustunni þyrfti almenningur að
átta sig á innihaldi hjúkrunarstarfsins og mikilvægi þess að
taka þátt í hnattvæðingu heilbrigðisþjónustunnar. Hjúkr-
unarfræðingar þyrftu að láta heyra meira í sér bæði utan
og innan stofnana varðandi heilbrigðismál. Bók þeirra
From Silence to Voice; What Nurses Know and Must
Communicate to the Public var til sölu á ráðstefnunni.
Sérstakir gestir ráðstefnunnar voru þau Jane Fonda og
Bertrand Piccard.
Jane Fonda kynnti heimildarmynd sína Reaiities of
Girl’s Lives: How Can We Act Now sem fjallaði um
unglingsstúlkur í Nígeríu og þrjú verkefni sem hún hefur
styrkt sem fjalla m.a. um hvernig hægt sé að draga úr
þungunum og fóstureyðingum hjá unglingsstúlkum og
hjálpa þeim til að berjast gegn kúgun og til aukins sjálf-
ræðis yfir eigin lífi. From Vision to Action hét fyrirlestur
geðlæknisins, sálgreinisins og loftbelgsflugmannsins
Bertrand Piccard. Fyrirlestur hans, sem var byggður á
myndum frá ferð hans með loftbelg kringum hnöttinn, var
magnaður. Náði hann að flétta saman lífsspeki sína og
lífssýn, sem birtist m.a. við undirbúning og flug lofbelgsins,
og tengja við hjúkrun og hjúkrunarfræðinga á áhrifamikinn
hátt. Talaði hann um hvernig unnt er að láta drauma sína
Jane Fonda kynnti heimildarmynd sína „Realities of
Girl's Lives: How Can We Act Now“.
„From Vision to Action“ nefndist fyrirlestur Bertrands
Piccards.
Tímarit hjúkrunarfræðinga • 4. tbl. 77. árg. 2001
259