Tímarit hjúkrunarfræðinga - 01.06.2006, Blaðsíða 7

RITSTJORASPJALL
GÓÐ HEILSA = FULLKOMIN ANDLEG OG FÉLAGSLEG VELFERÐ
Flestir kannast við söguna um óhreinu börnin hennar Evu, þau börn sem
hún vildi ekki sýna skaparanum er hann kom að sækja hana heim. Þessari
dæmisögu er eflaust ætlað að minnast þess að öll erum við bræður og systur
þó við séum ekki öll eins, þó sumir séu karlar, aðrir konur, sumir gamlir, sumir
fatlaðir, sumir dökkir á hörund, aðrir gulir eða hvítir. Öll eigum við rétt á að lifa
heilbrigðu lífi en góð heilsa hefurverið skilgreind af Alþjóðaheilbrigðismálastofn-
uninni (World Health Organisation, WHO) sem „fullkomin andleg og félagsleg
velferð en ekki einungis það að vera laus við sjúkdóma og vanheilindi". Málefni
aldraðra hafa verið mikið til umfjöllunar nú á síðustu mánuðum. Þó aldraðir séu
ekki allir í sömu stöðu þá býr stór hluti þeirra við kröpp kjör. í þessu tölublaði er
samantekt á stöðu þeirra í samfélaginu í dag og nokkrir aðilar, sem þekkja vel
til þessa málaflokks, spurðir hvað unnt sé að gera til að bæta stöðu þeirra.
Trúlega fara fæstir í gegnum lífið án þess að finna einhvern tímann fyrir
tilfinningalegri vanlíðan eða vandamálum hvort sem þeir eru ungir eða gamlir
og spurning hvort það sé eftirsóknarvert að lifa algjörlega vandamálalausu lífi.
Það er oft við erfiðleika og vandamál sem fólk fær tækifæri til að þroskast ef
það nýtir sér þau verkefni á jákvæðan hátt. Hjúkrunarfræðingar geta unnið
heilmikið forvarnarstarf og það var ánægjulegt að sjá átak Lýðheilsustöðvar til
að efla geðheilsu sem birtist m.a. í geðorðunum 10 og mátti sjá víða, t.d. á
strætisvögnum og segulspjöldum á haust- og vetrarmánuðum. í þessu tölublaði
eru fjórir geðhjúkrunarfræðingar fengnir til að tjá sig um fyrstu fjögur geðorðin og
hin fylgja í þeim næstu.
Vaigerður Katrín Jónsdóttir Sumir segja að það sé ekki spurning
hvort fuglaflensa eða afbrigði hennar,
sem leggst á menn, komi til landsins heldur hvenær. Ása
Atladóttir hjá landlæknisembættinu segirfrá þeim viðbúnaði sem
gerður hefur verið hér á landi til að bregðast við þessum faraldri.
Ritstjóri Tímarits hjúkrunarfræðinga hefur undanfarin ár tekið
þátt í samstarfi við ritstjóra hjúkrunartímarita í Evrópu. Á tveimur
fundum, sem haldnir voru sl. haust og nú í maí, var ákveðið
að efla samvinnu tímaritanna hvað varðar efni og umfjöllun og
er fengur að því, einkum þar sem mörg þessara tímarita hafa
fjölmarga starfsmenn sem sjá um efnisöflun. Tímaritið fékk leyfi
sænska tímaritsins Várdfacket til að birta grein sem rituð var
um reynslu kanadískra hjúkrunarfræðinga af því að vinna með
sjúklingum sem höfðu smitast af HABL en hjúkrunarfræðingar
munu þurfa að fara í gegnum svipaða reynslu ef smitsjúkdómur
á borð við fuglaflensu kemur til landsins.
Óska öllum lesendum gleðilegs sumarsl
valgerdur@hjukrun.is
/" ....... A
Útskriftargjöfin fæst hjá
Félagi íslenskra hjúkrunarfræðinga.
Gefðu góða gjöf,
gefðu einkennisnælu Félags
íslenskra hjúkrunarfræðinga.
Félag islenskra hjúkrunarfræðinga,
Suðurlandsbraut 22, 108 Reykjavik, simi
540 6400, hjukrun@hjukrun.is vefsiða:
www.hjukrun.is
V_______________________/
Tímarit hjúkrunarfræðinga - 2. tbl. 82. árg. 2006
5