Tímarit hjúkrunarfræðinga - 01.06.2006, Blaðsíða 41

FRETTAPUNKTUR
Frétt frá Rannsóknastofnun í hjúkrunarfræði
Helga Bragadóttir, forstöðumaður
Einstaklingum, félögum og fyrirtækjum
gefst kostur á að gerast stofnfélagar í Rann-
sóknasjóði Ingibjargar R. Magnúsdóttur.
Stjóm Rannsóknastofnunar í hjúkrunarfræði við Háskóla
íslands og Landspítala-háskólasjúkrahús vinnur nú að
skipulagsskrá Rannsóknasjóðs Ingibjargar R. Magnús-
dóttur. Markmið sjóðsins er að styrkja hjúkrunarfræðinga og
Ijósmæður í doktorsnámi. Til þess að sjóðurinn geti gegnt
hlutverki sínu þarf að efla hann og styrkja. Einstaklingum,
félögum og stofnunum gefst nú kostur á að gefa í sjóðinn
og gerast stofnfélagar í honum. Hægt er að gefa í sjóðinn
á heimasíðu Rannsóknastofnunar í hjúkrunarfræði, http://
ugla.hi.is/K2/eydublad.php?fid=230, eða hringja í síma
stofnunarinnar, 525-5280.
Ingibjörg R. Magnúsdóttir,
fyrrverandi námsbrautarstjóri
námsbrautar í hjúkrunarfræði
við Háskóla íslands og
skrifstofustjóri í heilbrigðis-
og tryggingamálaráðuneyti
nu, gaf Rannsóknastofnun í
hjúkrunarfræði nýverið eina
milljón króna til stofnunar
sjóðsins. f kjölfarið ákvað stjórn
stofnunarinnar að leggja fram
eina milljón króna í sjóðinn. Á
ársfundi Rannsóknastofnunar
í hjúkrunarfræði 26. janúar
sl. færði Magnús Friðrik Guðrúnarson, frændi Ingibjargar
R. Magnúsdóttur, sjóðnum 100.000 krónur með von
um að börn fengju að njóta góðs af. Félag íslenskra
hjúkrunarfræðinga, Ljósmæðrafélag íslands, heilbrigðis-
og tryggingamálaráðuneytið og Glitnir hafa gefið vilyrði
fyrir stofnfé í sjóðinn auk þess sem sjóðnum hafa borist
fjölmargar gjafir fyrir tilstuðlan dr. Sigrúnar Gunnarsdóttur,
hjúkrunarfræðings. Ingibjörg R. Magnúsdóttirhefurveriðeinn
ötulasti talsmaður háskólanáms hjúkrunarfræðinga á íslandi
og var ein þeirra sem stóð að því að hjúkrunarfræðinám á
íslandi var fært upp á háskólastig með stofnun námsbrautar
í hjúkrunarfræði við Háskóla íslands árið 1973. Stofnun
námsbrautar í hjúkrunarfræði markaði upphaf rannsókna í
hjúkrunarfræði á íslandi. Þá hófst kennsla í undirstöðuþáttum
rannsókna sem síðan hafa eflst og vaxið. Hjúkrunarfræðin
efldist enn frekar þegar Háskólinn á Akureyri var stofnaður
árið 1987 þar sem hjúkrunarfræði hefur verið kennd síðan.
Mark frumkvöðlanna, sem stóðu að háskólamenntun
hjúkrunarfræðinga, var sett hátt og 1998 var aftur brotið
blað í sögu hjúkrunarfræðimenntunar á íslandi með tilkomu
meistaranáms í hjúkrunarfræði við Háskóla íslands. Áður
þurftu hjúkrunarfræðingar og Ijósmæður að sækja sér
framhaldsmenntun til útlanda, utan að Háskólinn á Akureyri
bauð um tíma upp á fjarnám í meistaranámi í hjúkrunarfræði
í samstarfi við Háskóiann í Manchester í Englandi.
Árið 2000 varð námsbraut í hjúkrunarfræði sjálfstæð deild
innan Háskóla íslands, hjúkrunarfræðideild. Deildin setti
sér þá það markmið að efla enn frekar framhaldsnám
hjúkrunarfræðinga og Ijósmæðra og árið 2005 voru fyrstu
nemendurnir skráðir í doktorsnám við deildina.
Stefna hjúkrunarfræðideildar að efla framhaldsnám til
meistara- og doktorsprófs samrýmist stefnu Háskóla íslands
íþeim efnum enda vaxtarbroddurhverrarfræðigreinarfólginn
í doktorsnemendum hennar. Núverandi rektor Háskóla
íslands, Kristín Ingólfsdóttir, setur fjölgun doktorsnema við
Háskóla íslands næstu árin á oddinn og fylgir þar með í
fótspor forvera síns, Páls Skúlasonar, sem markaði stefnu
um fjölgun nemenda í doktorsnámi við Háskóla íslands.
Stefna stjórnvalda í doktorsmenntun í landinu er skýr.
Samkvæmt ályktun vísinda- og tækniráðs frá 19. desember
sl. er áhersla lögð á að efla doktorsnám á íslandi, þar með
talið í heilbrigðisvísindagreinum, en vísinda- og tækniráð
hefur það hlutverk að marka stefnu stjórnvalda í vísinda- og
tæknimálum. Doktorsmenntun er forsenda rannsókna- og
vísindastarfa og í ályktuninni er m.a. bent á að öflugar
rannsóknir í heilbrigðisvísindum eru grunnur að framförum í
heilbrigðisþjónustunni. Framfarir í heilbrigðisvísindum, þar á
meðal hjúkrunarfræði og Ijósmóðurfræði, eru forsenda þess
að háleitum markmiðum heilbrigðisáætlunar til ársins 2010
verði náð.
Heilbrigðisþjónusta á íslandi þarf á fleiri doktorsmenntuðum
hjúkrunarfræðingum og Ijósmæðrum að halda til að
fullnægja kröfum samfélagsins í framtíðinni. Þegar hafa um
25 hjúkrunarfræðingar á íslandi lokið doktorsprófi en með
tilkomu náms til doktorsprófs í hjúkrunarfærði hér heima
gefst fleirum en áður kostur á æðri menntun. Menntun og
rannsóknir eru lykillinn að því að besta mögulega hjúkrun sé
veitt hverju sinni.
Ingibjörgu er færðar bestu þakkir fyrir gjöf sína og frumkvæði
að stofnun sjóðsins. Öðrum gefendum í sjóðinn eru jafnframt
færðar bestu þakkir fyrir.
Tímarit hjúkrunarfræðinga - 2. tbl. 82. árg. 2006
39