Tímarit hjúkrunarfræðinga - 01.06.2006, Blaðsíða 15
ræða telur félagið að nauðsynlegt sé að
koma starfsemí TR í skilvirkari farveg og
tryggja betri samskipti við viðskiptavini
stofnunarinnar.
Þá telur Félag eldri borgara að brýnt sé að
hækka grunnlífeyri frá TR þannig að hann
verði að raungildi sá sami og hann var 1995
að viðbættum sambærilegum hækkunum
og orðið hafa á lágmarkslaunum
verkafólks. Ef þessi tengsl hefðu haldist
væri lífeyrir eldri borgara frá TR 17.000 kr.
hærri en hann er nú.
Brýnt er að skattleysismörk verði hækkuð
þannig að þau nái sama verðgildi og þau
gjörðu við upptöku staðgreiðslukerfis
skatta. Hækkun skattleysismarka er
heillavænlegasta leið hins opinbera til
tekjujöfnunar enda kemur hún þeim helst
til góða sem lægstar hafa tekjur.
Hér að framan hefur verið fjallað um ýmsar
áskoranir til ríkisstjórnarinnar varðandi
bætta stöðu eldri borgara sem brýnt er
að taka til úrlausnar hið fyrsta. En því
miður virðist vilji og skilningur stjórnvalda
lítill sem enginn, enn sem komið er.
Að síðustu skal hér gerð grein fyrir
áskorunum sem félagið hefur beint til
borgarstjórnar Reykjavíkur:
í fyrsta lagi að fjölga verulega þjónustu-
íbúðum í borgínni sem mikill skortur
er á. Biðlisti eftir slíkri búsetu mun nú
vera rúmlega tvö ár og það er fjarri því
viðunandi. í öðru lagi að efla heima-
þjónustu verulegafrá því sem nú er. í þriðja
lagi að tekjuviðmiðun vegna afsláttar eldri
borgara á fasteignagjöldum verði hækkuð
til samræmis við hækkun fasteignamats í
ársbyrjun 2006. í fjórða lagi hefur félagið
óskað eftir að fá úthlutað byggingarlóð
undir fjölbýlishús á góðum stað í borginni
þar sem skammt er í þjónustumiðstöð
og góðar almennar samgöngur. Varðandi
hið síðastnefnda skal þess getið að á
árunum 1988-1998 voru byggðar 386
íbúðir á vegum félagsins, og eru þær allar
eignaríbúðir. Reynslan af þeim er mjög
góð og berast félaginu margar fyrirspurnir
um áframhaldandi íbúðabyggingar. Stefnt
er að því að byggja ódýrari íbúðir en eru á
almennum markaði og þær sniðnar betur
að þörfum eldri borgara. Þess vegna
er það mikið hagsmunamál fyrir þá að
geta komist í hagkvæmar íbúðir vegna
þess að margir búa í of stórum eða
óþægilegum íbúðum sem henta alls ekki
þörfum þeirra.
Að síðustu skal áréttuð sú krafa
félagsins að öll búseta eldri borgara á
að skilgreinast sem sjálfstæð búseta,
einnig þeirra sem þurfa mikla þjónustu,
t.d. á hjúkrunarheimilum. Félagið gerir
einnig kröfu um að allir íbúar á öldrunar-
stofnunum hafi sitt einkarými og telur
með öllu óviðunandi að öldruðum sé
boðið upp á að dvelja árum saman
með óviðkomandi einstaklingum í sama
herbergi. Á hinum Norðurlöndunum
þekkist slíkt ekki lengur og er raunar
bannað með lögum í Danmörku og hefur
svo verið í áratugi. En því miður erum
við íslendingar mjög langt á eftir hvað
varðar þjónustu, skipulag og stjórnsýslu,
sómasamlegan lífeyri og almennt viðhorf
til eldri borgara.
Öldruðum á að skapa skilyrði og aðstæður
í þjóðfélaginu sem veita þeim bestu
möguleika til að vera virkír þátttakendur
og njóta gæða samfélagsins eins lengi
og kostur er. Þeir eiga að njóta þess að
hafa lagt sinn skerf til nútímasamfélags
með sínu lífsstarfi. Það á að skapa
öldruðum skilyrði til að búa við eðlilegar
aðstæður varðandi búsetu, efnahag,
menningarstarf og félagslega þátttöku
og heilbrigðisþjónustu. Þeir eiga að fá
tækifæri til lifa með reisn til æviloka,
halda sínu sjálfsforræði og sjálfstæði,
móta sitt nánasta umhverfi í samræmi við
reynslu sína og gildismat.
Nýr starfsmaður á skrifstofu FIH
Vigdís Hallgrímsdóttir hefur verið ráðin í 50% starf sem
alþjóðafulltrúi hjá FÍH frá 1. febrúar 2006. Vigdís útskrifaðist
frá hjúkrunarfræðideild Háskóla islands vorið 1998.
Sumarið eftir útskrift starfaði hún á gjörgæsludeild
Sjúkrahúss Reykjavíkur.
Haustið 1998 fór hún til London þar sem hún vann í eitt ár
á almennri lyflækningadeild á Hammersmith-sjúkrahúsinu
sem er í vesturhluta Lundúnaborgar. í byrjun árs 1999 hóf
hún diplómanám í „health service management" við Royal
College of Nursing og lauk því árið 2001.
Vigdís hóf aftur störf á gjörgæsludeild Sjúkrahúss
Reykjavíkur haustið 1999 og vann þar fram að því að
hún hóf störf sem alþjóðafulltrúi FÍH í febrúar 2006.
Sem alþjóðafulltrúi er hún tengiliður við systursamtök
FÍH erlendis, einkum SSN, EFN og ICN. Hún er
FRETTAPUNKTUR
einnig tengiliður við erlenda
hjúkrunarfræðinga á íslandi og
alþjóðanefnd hjúkrunarfræðinema
við HÍ ásamt því að vera íslenskum
hjúkrunarfræðingum innan handar
vegna námsferða og starfa
erlendis.
Haustið 2005 hóf Vigdís
meistaranámi í verkefnastjórnun
við verkfræðideild HÍ. Þetta er hagnýtt nám þar sem lögð
er áhersla á leiðtogaþjálfun, hópastarf og þjálfun við
stýringu og þátttöku í smærri og stærri verkefnum.
Vigdís er gift Brynjúlfi Halldórssyni, matreiðslumanni hjá
Orkuveitu Reykjavíkur, og saman eiga þau tvær dætur,
Sigurlaugu, 4 ára, og Bryndísi, 2 ára.
Tímarit hjúkrunarfræöinga - 2. tbl. 82. árg. 2006
13