Ráðunautafundur - 15.02.1986, Qupperneq 62

-52-
RADUNAUTAFUNDUR 1986
SÖLUSJÓNARMID - AFURÐASALA / K3ÖT1DNADUR
Magnús G. Friðgeirsson
framkvæmdastjóri
Búvörudeild Sambandsins
Y F I R L I T .
Tvö eru þau atriði sem hvað mest eru talin hafa áhrif á sölu kindakjöts. Ber þar
fyrst að nefna verðlag, en næst þar á eftir FITU. Fitan er það atriði sem tekin
verður til umfjöllunar í erindi mínu og verður stiklað á helstu áhrifum hennar á
kaupendur, hvort sem þeir eru beinir neytendur eða nota vöruna til frekari
úrvinnslu. Verður stiklað á helstu atriðum sem brenna á þeim sem hafa umsjón
með :
1. Afurðasölu innanlands,
2. Útflutningi,
3. Kjötiðnaði.
Vandamál fitumyndunar er fyrir hendi í kindakjöti, nautakjöti, hrossakjöti og
svínakjöti. Þó er það með ólíkum hætti í hverri grein fyrir sig. Kindakjöt er
meginuppistaða kjötsölunnar í landinu og því eðlilegt að gera sérstaka grein fyrir
þeim vanda sem þar er fyrir hendi og athuga hvort ekki sé til leiðir sem hjálpað
geti til að samhæfa óskir markaðarins og hagkvæmni framleiðslunnar. Eðlilegt er
að gera sérstaka grein fyrir hverri kjötgrein fyrir sig.