Ráðunautafundur - 15.02.1986, Qupperneq 84

-72-
RÁÐUNAUTAFUNDUR 1986
MEÐFERÐ Á ULL OG ÁHRIF Á VEROMÆTI FULLUNNINNAR VÖRU
Kristinn Arnþórsson
Iðnaðardeild Sambandsins
Hr. fundarstjóri, ágætu fundarmenn.
Eins og heiti þessa erindis ber með sér, mun ég ræða um áhrif
ullarmeðferðar á verðmæti fullunninnar vöru, en ég vildi gjarn-
an gefa þessu undirtitil, eitthvað á þessa leið: "Orbætur í
meðferð ullar til aukinnar verðmætasköpunar fyrir bóndann og
þar af leiðandi bætt hráefni til iðnaðar, STRAX".
Þetta verður unnið þannig, að ég mun fyrst rekja feril hráefn-
isins og utanaðkomandi aðstæður sem geta haft áhrif á gæðin.
Flest af því sem ég ræði hér er enginn nýr sannleikur, en allt
atriði sem ég tel vissulega ástæðu til að leggja áherslu á.
1. Húsakostur.
1.1) Loftræsting,
Miklu skiftir að loftskipti í fjárhúsum séu góð. Þessu
er oft hægt að koma fyrir með einföldum viftum, eða góð-
um strompum. Þetta gerir það að verkum að hægt er að
halda raka í skefjum, en of mikill raki hefur í för með
sér ýmsa galla í ullinni.
1.2) Stálgrindur.
Mikil bót var að því, þegar farið var að setja trégrind-
ur í húsin, en nú er farið að nota stálgrindur að nokkru