Ráðunautafundur - 15.02.1986, Blaðsíða 103

-91-
Ráðunautafundur 1986
íslensk skinn sem markaðsvara
Karl Frlðriksson
Iðnaðardeild Sambandsins, Skinnaiðnaður
1 erindi mínu ber ég íslensk skinn saman við önnur sem eru til
staðar á alþjóðamarkaði og sem notuð eru í svipaða vinnslu.
Gengið er út frá því verði sem fæst fyrir vöruna sem viðmiðun
á gæði skinna almennt. Auk þess er lögð áhersla á að verð fyrir
umrædda vöru sé alfarið háð framboði og eftirspurn á alþjóða-
markaði.
Öll markaðssetning verður því að miðast við þessa staðreynd.
Rætt er lítillega um einkenni íslenskra skinna. Bent er á að
núna hrjáir hráefnaskortur viðgangi sútunarverksmiðjanna hér
á landi og að það sér hrein ógnun fyrir afkomu þessa iðnaðar
að íslenskum gærum fari fækkandi.
Lögð er áhersla á samvinnu allra aðila sem koma nálægt umræddu
hráefni að bæta vinnslu og meðferð þess. Með samstilltu átaki
framleiðenda og þróttmikilli markaðssetningu ættum við að geta
náð hærri verðum og bættri afkomu en fram til þessa.
Undanfarin ár hefur orðið byltingarkennd þróun í þessum iðnaði
og er nú svo komið að megin hluti allra skinna er seldur út
fullunninn. Þetta eykur verðmætasköpun innanlands og gjaldeyri
fyrir þjóðina auk þess næst mun betri fótfesta í markaðssetningu
þessárar vöru en ella.
Útflutningur á hálf sútuðum skinnum núna ætti því að vera full-
trúum bænda og stjórnvalda verulegt áhyggjuefni eins og málum
er komið.