Dagblaðið Vísir - DV - 19.05.2017, Qupperneq 13

Helgarblað 19.–22. maí 2017 fréttir 13
ferðamenn frá Bretlandi oftast verið
fjölmennasti hópurinn hér á landi
undanfarin ár, með einstaka naum­
um undantekningum. Voru þeir til
að mynda um 240 þúsund árið 2015
en tæplega 317 þúsund í fyrra. Að­
eins Bandaríkjamenn hafa skákað
Bretum síðastliðin tvö ár sem árin
þar á undan voru fjölmennastir.
Styttri ferðir og ódýrari
afþreying
Jón Þór Gunnarsson, framkvæmda­
stjóri ferðaþjónustufyrirtækisins
Arctic Adventures, segir í grein sem
birtist í Fréttablaðinu þann 17. maí
síðastliðinn að afkoma í ferðaþjón­
ustu hafi hrunið á síðasta ári vegna
styrkingar krónunnar og því ein­
kennilegt að ofan á lakari afkomu
skuli nú koma ný skattheimta í formi
hækkunar virðisaukaskatts á grein­
ina. Þar viðrar hann einnig þær
áhyggjur kollega sinna að kauphegð­
un ferðamanna breytist.
„Ferðamenn eru farnir að stytta
ferðir sínar til Íslands og sækja í
ódýrari afþreyingu til að lækka
ferðakostnað. Erlend fyrirtæki eru að
segja upp samningum við innlenda
aðila og vilja frekar sjá um ferðir sjálf
á Íslandi. Þessi fyrirtæki flytja með
sér bíla og leiðsögumenn til lands­
ins og borga engin gjöld á Íslandi.
Afleiðingin af frekari skatta­ og verð­
hækkunum getur því hæglega orðið
minni tekjur fyrir ríkið,“ ritar Jón Þór.
Bílaleigur með varann á
Framkvæmdastjóri einnar stærstu
bílaleigu landsins, Bílaleigu Akur­
eyrar, gaf það út í samtali við Við­
skiptablaðið í mars síðastliðnum
að þar á bæ ætluðu menn ekki að
fjölga bílum í ár, í fyrsta sinn frá ár­
inu 2009. Sagði Steingrímur Birgis­
son að mönnum litist illa á blikuna
og ætluðu að hafa vaðið fyrir neðan
sig gagnvart styrkingu krónunnar. Sú
styrking hefði veruleg áhrif á afkomu
fyrirtækja í ferðaþjónustu.
„Afkoman er í flestum tilfellum
fokin út um gluggann. Hjá okkur
hefur styrking krónunnar haft mikil
áhrif. Við verðleggjum okkur í evrum
en allur kostnaður er í krónum.“
SAF stigu síðan fram í apríl síð­
astliðnum til að mótmæla samráðs­
leysi stjórnvalda þegar ákveðið hefði
verið að leggja allt að fjögurra millj­
arða króna álögur á bílaleigur um
næstu áramót, þegar bílaleigubílar
fara í efsta þrep vörugjalda.
Glórulaust
Vöxturinn í ferðaþjónustunni hefur
líklega hvergi verið jafnsýnilegur og
í hótelbransanum, þar sem fjölgun
hótela og gistirýma af öllum stærð­
um og gerðum hefur ekki farið fram
hjá nokkrum Íslendingi. Hótelbrans­
inn er ekki ónæmur fyrir breyttum
markaðsaðstæðum frekar en aðrir.
„Styrking krónunnar er að hafa
áhrif hjá okkur,“ segir Geir Gígja,
sölu­ og markaðsstjóri Hótel Arkar,
Hótel Kletts og Hótel Cabin, að­
spurður um áhrifin.
„Við finnum að það er erfiðara að
selja herbergin í dag en það var fyrir
nokkrum mánuðum. Ferðaskrifstof­
ur fá oft frátekinn ákveðinn fjölda
herbergja sem þeir fara svo í að selja,
við sjáum að í dag er miklu meira
um að einungis hluti þessara her­
bergja seljist auk þess sem meira er
um að heilu ferðirnar eru afbókaðar.“
Geir segir þetta sérstaklega mikið
áhyggjuefni þegar horft sé til þess að
ríkisstjórnin vilji auka enn meira á
vanda þessarar stóru atvinnugreinar
með hækkun virðisaukaskatts.
„Það er engin glóra í þeirri hugs­
un þar sem sú aðgerð mun hafa
langmestu áhrifin á landsbyggðina.
Það er einmitt landsbyggðin sem
þarf á ferðaþjónustunni að halda.
Það er hætta á því að hækkun virðis­
aukaskatts muni leiða til þess að þeir
ferðamenn sem heimsæki okkur
eyði minna, dvelji skemur og fari
styttra en þeir gera í dag. Fjöldinn
mun jafnvel ekkert minnka, aðeins
tekjurnar okkar. Það má ekki gleyma
því að það eru margir aðrir áfanga­
staðir sem geta boðið ferðamönn­
um upp á flest af því sem við erum
að bjóða upp á. Þessir áfangastað­
ir eru orðnir hagkvæmari í verði nú
þegar og verða það enn frekar með
virðisaukahækkun ríkisstjórnarinn­
ar. Ferðamenn eru ekki óþrjótandi
auðlind og vanhugsaðar aðgerðir
skemma mikið til framtíðar.“
Ráðamenn staldri við
Skapti Örn, hjá SAF, tekur undir með
Geir varðandi landsbyggðina.
„Neikvæð áhrif hækkunar á
virðis aukaskatti munu verða mest
á landsbyggðinni. Þegar kostnaður
ferðamanna hækkar um tugi pró­
senta vegna launahækkana, gengis­
þróunar og hærri virðisaukaskatts
hafa þeir minni fjárráð til að ferð­
ast um landið. Fótunum verður
kippt undan rekstrarhæfi fyrirtækja
á landsbyggðinni, sem mörg eru
lítil og hafa fjárfest mikið að undan­
förnu.“
Skapti segir SAF hafa fulla trú
á því að ráðamenn á þingi muni
staldra við og endurskoða þessar
miklu skattahækkanir í umræðu um
fjármálaáætlun ríkisstjórnarinnar í
næstu viku.
„Það er gríðarlega mikið undir
og við gerum þá kröfu að þingmenn
vandi sig við afgreiðslu málsins.“ n
Ávaxtaðu betur
H
ö
n
n
u
n
: I
n
g
va
r
Ví
ki
n
g
ss
o
n
www.avaxtabillinn.is • avaxtabillinn@avaxtabillinn.is • 517 0110
Gómsætir veislubakkar,
sem lífga upp á öll tilefni.
Er kannski heilsuátak
framundan?
saman
Ávextir í áskrift kosta um 550 kr.
á mann á viku og fyrirhöfn fyrirtækisins
er engin.
&
Vísbendingar um minni eyðslu Þessi mynd frá greiningu Íslandsbanka sýnir að á meðan fjöldri erlendra ferðamanna eykst er korta-
velta ferðamanna á niðurleið. Mynd ÍSlandSBanki
„Ferðamenn eru
ekki óþrjótandi
auðlind og vanhugsaðar
aðgerðir skemma mikið
til framtíðar