Morgunblaðið - Sunnudagur - 07.05.2017, Blaðsíða 2

Í FÓKUS
2 MORGUNBLAÐIÐ SUNNUDAGUR 7.5. 2017
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is
Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Það hlýtur að vera skelfileg lífsreynsla fyrir óharðnaðan ungling aðhorfa upp á móður sína tærast upp og deyja úr krabbameini – án þessað taka svo mikið sem eina verkjatöflu til að draga úr þrautunum.
Þetta upplifði James Hetfield, sem síðar varð söngvari og gítarleikari í einni
vinsælustu hljómsveit sem um getur, málmbandinu Metallica, þegar hann
var sautján ára.
Fjölskyldan var sannkristin og heyrði til sértrúarsöfnuði í borg englanna,
Los Angeles. Fyrir vikið mátti móðirin ekki heyra á verkjalyf minnst enda
væru þau almættinu ekki þóknanleg. Sjálfur lét Hetfield ekki verkjatöflu inn
fyrir sínar varir fyrr en að móður sinni genginni. Hann var þá til húsa hjá
eldri hálfbróður sínum, en faðir hans hafði látið sig hverfa þegar Hetfield var
þrettán ára. Skrapp út í sjoppu að kaupa sígarettur-týpan.
Hetfield leið fyrir ofsatrú foreldra sinna meðan hann var í grunnskóla;
mátti til dæmis ekki sækja tíma í
heilsufræði og þurfti að húka
frammi á gangi á meðan. Það reynd-
ist honum þungt félagslega.
Hetfield tengdi ekki við hálf-
bróður sinn og fáeinum mánuðum
eftir andlát móðurinnar stóð hann á
eigin fótum; fékk inni hjá æskuvini
sínum, Ron McGovney, sem var
fyrsti bassaleikari Metallica.
McGovney vék síðar fyrir séníinu
Cliff Burton, sem beið bana í rútu-
slysi í Smálöndunum í Svíþjóð haust-
ið 1986, á tónleikaferðalagi Metall-
ica. Enn eitt áfallið fyrir Hetfield,
sem þá var aðeins 23 ára.
Eins og eftir brotthvarf föðurins
og dauða móðurinnar sópaði hann
tilfinningum sínum hins vegar beint
undir teppið og byrgði inni í sér gríðarlega angist og reiði sem sannarlega
hefur brotist út í tónlistinni gegnum tíðina. Hefði Metallica orðið Metallica án
þessara áfalla í lífi James Hetfield? Varð harmur hans okkar gæfa?
Það er ekki tilviljun að ég deili þessum upplýsingum með þér núna, lesandi
góður; ég er að lesa sögu Metallica þessa dagana, Enter Night eftir tónlistar-
blaðamanninn Mick Wall. Ég þekkti þá sögu svo sem býsna vel fyrir en hér
er talsvert af viðbótarupplýsingum enda byggir Wall bókina ekki aðeins á
samtölum við ’tallica-gaurana sjálfa, sem tekin eru á löngu árabili, heldur
hefur hann líka aðgang að öllu galleríinu í kringum þá, svo sem öðrum þröss-
urum, róturum, umboðsmönnum, upptökustjórum, vinum – og óvinum.
Það er óhætt að mæla með þessari bók.
James Hetfield, til
hægri, í sveiflu ásamt
félaga sínum í Metal-
lica, Robert Trujillo.
AFP
Tók ekki magnyl
við krabbameininu
Pistill
Orri Páll
Ormarsson
orri@mbl.is
’Sjálfur lét Hetfieldekki verkjatöflu innfyrir sínar varir fyrr enað móður sinni genginni.
Hann var þá til húsa hjá
eldri hálfbróður sínum,
en faðir hans hafði látið
sig hverfa þegar Hetfield
var þrettán ára.
Ásmundur Atlason
Ég er búinn að skipuleggja einn
hluta, að fara til Krítar.
SPURNING
DAGSINS
Ertu búin/n
að skipu-
leggja
sumarfríið?
Kristín Gunnarsdóttir
Ég ætla að vera á landinu, það er
gott að vera á landinu á sumrin.
Morgunblaðið/Ásdís
Emil Jóhannsson
Það er ekkert sumarfrí, ég tók
vetrarfrí. Það er bara vinna fram
undan í sumar.
Hallfríður Kristín Jónsdóttir
Ég ætla í afmælisferð til Tenerife í
tvær vikur og svo ætla ég að ferðast
innanlands.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Átt þú sérstaka tengingu við
sögurnar?
Ég hef alltaf haldið upp á Múmínálfana en ég
held að ég hafi ekki átt nema eina bók um þá. Ég
man aftur á móti vel eftir teiknimyndunum sem
hafa verið sýndar nokkrum sinnum á RÚV. Í dag
tengi ég einna helst við fallega hönnun á alls kyns
varningi sem tengist Múmínálfunum – fallegum boll-
um og svoleiðis.
Áttu þér eftirlætispersónu úr
Múmínálfunum?
Já, eins klisjulega og það hljómar, þá fíla ég Míu
eiginlega best. Hún er svona „rebel“ með stórt
hjarta.
Er einhver múmínpersóna sem þú
tengir sérstaklega við?
Í seinni tíð tengi ég einna helst við Múmínmömmu,
sem umber alla og vill að allir fái tækifæri til að
læra af mistökum sínum.
Við hverju má búast á tónleikunum á
laugardag?
Það má búast við stórskemmtilegum fjölskyldu-
tónleikum. Falleg tónlist, með fallegum boðskap.
Sinfóníuhljómsveit Íslands er uppáhaldshljóm-
sveitin mín og meðlimir hennar eru alltaf í stuði.
Svo mun ég líka spila á hörpudisk í einu laginu.
Hvernig leggst sumarið í þig?
Sumarið er loksins komið og leggst afskaplega
vel í mig. Ég var að kaupa mér svo flott hjól og
ætla að hjóla í allt sumar og sérstaklega auðvitað í vinn-
una í átakinu Hjólað í vinnuna.
Hvað er síðan á döfinni hjá þér?
Við erum að sigla inn í endasprettinn á Mamma Mia á næstunni, en
sýningum lýkur núna í vor. Það verða heldur betur viðbrigði. Við ætl-
um að gleðja áhorfendur og vera með tvær „sing-along“ sýningar á
endasprettinum og það verður svaka skemmtilegt held ég. Við erum
a.m.k. öll mjög spennt að fá áhorfendur til að taka undir með okkur.
Morgunblaðið/Golli
JÓHANNA VIGDÍS ARNARDÓTTIR
SITUR FYRIR SVÖRUM
Tengir helst
við Múmín-
mömmu
Forsíðumyndina tók
Ásdís Ásgeirsdóttir
Í dag, laugardaginn 6. maí, verða fjölskyldutónleikarnir Múmínálfar í
söngvaferð: Sinfóníuhljómsveit Íslands fluttir í Hörpu. Erkki Lasonpalo
stýrir Sinfóníuhljómsveit Íslands og Þórarinn Eldjárn þýddi söngvana
en með hljómsveitinni á tónleikum koma fram Egill Ólafsson og Jó-
hanna Vigdís Arnardóttir ásamt Stúlknakór Reykjavíkur.