Morgunblaðið - Sunnudagur - 07.05.2017, Blaðsíða 28

28 MORGUNBLAÐIÐ SUNNUDAGUR 7.5. 2017
MATUR
S
alatsjoppan er nýlegur
veitingastaður á Akur-
eyri. Þar er boðið upp á
hollan skyndibita og sal-
at í hávegum haft, eins
og nafnið gefur til kynna. Mánuður
er síðan staðurinn var opnaður og
hafa þegar nokkur tonn grænmetis
verið afgreidd.
Ámóta veitingastaðir eru til víða
um heim, segir Karen Sigurbjörns-
dóttir, einn eigendanna. „Ég hef
komið á svona staði í Bandaríkjun-
um og um alla Evrópu en kynntist
þeim fyrst vel í Reykjavík. Ég var
þar þrjá vetur í námi, bjó ein á tíma-
bili og þótti leiðinlegt að elda bara
fyrir mig og keypti mér því oft tilbú-
inn mat. Ég vildi hafa hann í hollari
kantinum og fór því oft á Local og
Fresco, eða Gló sem er að gera svip-
aða hluti,“ segir Karen, stofnandi og
eigandi Salatsjoppunnar í félagi við
hjónin Evu Ósk Elíasardóttur og
Davíð Kristinsson, sem eiga og reka
líkamsræktarstöðina Heilsuþjálfun í
sama húsi við Tryggvabraut.
Davíð og Eva hafa rekið Heilsu-
þjálfun í nokkur ár en eignuðust
neðstu hæð hússins fyrir nokkrum
mánuðum. Stefndu að því að setja
þar upp veitingastað í framtíðinni og
bjóða upp á hollan mat en sá draum-
ur varð að veruleika fyrr en þau
grunaði.
„Ég flutti norður síðasta vor með
kærastanum mínum en hafði ekki
ákveðið hvað ég færi að gera,“ segir
Karen við Sunnudagsblað Morgun-
blaðsins. „Þegar ég fór heim í frí um
jól og páska, eða var hér í sumarfríi,
fannst mér alltaf vanta stað þar sem
ég gæti stokkið inn og fengið mér
salat. Þegar við fórum að huga að
því að flytja norður datt mér í hug
að fá annaðhvort Local eða Fresco
til að opna hér stað og bauðst til að
sjá um hann fyrir þeirra hönd. Það
gekk ekki eftir svo það endaði með
því að ég fór bara út í að gera þetta
sjálf.“
Karen lauk grunnnámi í sálfræði
en vildi fást við eitthvað annað fyrst
í stað. „Ég fór að tala um þessa hug-
mynd mína við vini og vandamenn
og frétti þá að Davíð og Eva væru í
svipuðum pælingum. Varð reyndar
ánægð með það því þá myndi ég
geta fengið það sem ég vildi á staðn-
um þeirra! Þegar ég sendi Davíð
línu á Facebook kom í ljós að þetta
var hálfgerð gróusaga sem fór af
stað af því að hann keypti neðstu
hæðina við Tryggvabraut. Þau voru
reyndar með það á langtímaplani að
opna veitingastað en eftir að við
höfðum rætt málið í töluverðan tíma
ákváðum við að kýla á þetta sam-
an.“
Fæddist inn í bransann
Karen segist nokkurn veginn fædd
inn í veitingageirann, svo það komi
sennilega ekki á óvart að hún skuli
hafa opnað veitingastað. Faðir
hennar var Sigurbjörn heitinn
Sveinsson, sem lést langt fyrir aldur
fram í hittifyrra, gjarnan kenndur
við veitingastaðinn Greifann og síð-
ar Hótel KEA. „Ég ólst upp í þessu
umhverfi en hafði ekki stefnt að því
að fara þessa leið, miðað við það
sem ég lærði, en ég ákvað að það
hlyti að verða skemmtilegt að prófa
að fara út í þetta ævintýri. Mark-
miðið var að koma staðnum á fót en
ég hef ekki hugmynd um það núna
hve ég verð lengi í þessu. Kannski
fer ég að gera eitthvað allt annað
þegar Salatsjoppan verður komin
vel af stað. Mér finnst að maður eigi
helst bara að fást við það sem manni
finsnt skemmtilegt.“
Karen segir þau hafa fengið ótrú-
lega góðar viðtökur. „Maður fer
varlega í áætlanagerð en viðtök-
urnar hafa farið fram úr björtustu
vonum. Þessi fyrsti mánuður hefur
verið ótrúlega lærdómsríkur.“
Salatsjoppan er fyrst og fremst
skyndibitastaður. Karen segir hug-
myndafræðina í raun þá sömu og
hjá Subway nema hvað viðskiptavin-
urinn kaup sér salatskál en ekki bát.
„Annaðhvort velur viðskiptavin-
urinn af matseðli eða við útbúum
fyrir hann máltíð sem hann púslar
saman sjálfur úr salati, kjöti og
grænmeti.“
Karen segir fólk almennt þekkja
fyrirkomulagið og það komi sér vel
fyrir Salatsjoppuna.
Spurð um viðskiptavinahópinn
segir Karen það hafa komið sér
skemmtilega á óvart hve hann sé
fjölbreyttur. „Ég gerði ráð fyrir því
í áætlunum að markhópur okkar
yrði fólk á aldrinum 15 til 45 ára, en
kúnnahópurinn er mun fjölbreyttari
en ég átti von á.“
Nokkur tonn á mánuði
Karen tekur fram að Salatsjoppan
gefi sig ekki út fyrir að bjóða upp á
„súper heilsufæði,“ eins og hún
orðar það. „Þetta er frekar þægileg-
ur kostur fyrir þá sem hafa lítinn
tíma. Margir virðast halda að hér sé
jafnvel bara hráfæði eða matur úr
hráefnum sem enginn veit nöfnin á.“
Réttirnir á staðnum eru hug-
myndir eigendanna, sem útfærðu þá
ásamt matreiðslumeisturunum Óm-
ari Stefánssyni og Haraldi Péturs-
syni. „Við leggjum áherslu á að mat-
urinn sé hollur og ódýr og fólk sé
fljótt að fá matinn sinn,“ segir Davíð
Kristinsson í samtali við blaðamenn.
„Við byrjuðum með kjötsúpu en
hættum reyndar með hana fljótlega
vegna þess að eftirspurnin er svo
mikil eftir salötum. Við búum við al-
gjört lúxusvandamál; seljum um 150
kíló af grænmeti á hverjum einasta
degi svo á þessum mánuði höfum við
afgreitt nokkur tonn yfir borðið hjá
okkur.“
Karen Sigurbjörnsdóttur fannst vanta salatstað á Akureyri og gekk í málið.
Eigendur á vaktinni. Karen Sigurbjörnsdóttir og Eva Ósk Elíasardóttir hafa staðið í ströngu fyrsta mánuðinn.
„Vantaði
salatstað
á Akureyri“
Karen Sigurbjörnsdóttur fannst vanta salatstað í
veitingahúsaflóruna á Akureyri. Ekki tókst að fá
aðra til að opna slíkan stað svo hún gerði það sjálf.
Skapti Hallgrímsson skapti@mbl.is