Fréttablaðið - 17.03.2018, Qupperneq 82

Elín
Albertsdóttir
elin@frettabladid.is
Pitsur eru ótrúlega góðar ef maður gerir þær sjálfur. Þá er hægt að nota uppáhalds­
áleggið eða ostinn. Svo er auðvelt
að breyta til og prófa eitthvað nýtt,
til dæmis hvíta pitsu eða pitsu
með blómkálsbotni. Þótt pitsan sé
týpískur föstudagsmatur er ekkert
því til fyrirstöðu að nota frekar
helgarfríið og bjóða upp á hana
heimagerða á laugar­ eða sunnu­
degi. Deigið er best þegar það
hefur hefast vel.
Ítölsk pitsa með
hráskinku og ólífum
Hér er uppskrift að ekta ítalskri
pitsu með þunnum og góðum
botni, einfaldri tómatsósu, hrá­
skinku, ólífum og parmesanosti.
Uppskriftin ætti að vera nóg fyrir
fjóra.
Pitsadeig
25 g þurrger (hálfur pakki)
3 dl vatn
1 msk. hunang
½ dl ólífuolía
400 g hveiti
1 tsk. salt
Setjið þurrgerið út í 1 dl volgt vatn
með hunangi. Látið standa þar til
gerið fer að bubbla, um það bil
fimmtán mínútur. Setjið hveiti,
olíu og salt í hrærivélarskál ásamt
vatni. Hnoðið örlítið saman en
setjið þá gerið með vatninu út í.
Hnoðið vel saman þar til deigið
verður mjúkt og gott. Bætið við
vatni ef þarf. Setjið plastfilmu yfir
skálina og látið deigið hefast þar til
það hefur tvöfaldast að stærð.
Pitsasósa
3 hvítlauksrif, fínt skorin
½ laukur, smátt skorinn
2 msk. ólífuolía
2 msk. tómatpuré
2 dósir tómatar í bitum
1 msk. timían, þurrkað
1 msk. óreganó, þurrkað
1 tsk. salt
1 tsk. nýmalaður pipar
Steikið lauk og hvítlauk í ólífuolíu.
Bætið því næst tómatpuré saman
við. Þá er tómötum, timían, óreg­
anó, salti og pipar bætt saman við.
Látið malla nokkra stund þar til
myndast þykk og góð sósa. Kælið
og jafnið út með töfrasprota.
Pitsafylling
16 sneiðar hráskinka
48 svartar ólífur
Parmesanostur
Klettasalat
Takið pitsadeigið og búið til fjórar
kúlur úr því. Stráið smávegis hveiti
yfir deigið og leggið viskastykki
yfir. Látið standa á borðinu í 20
mínútur.
Fletjið út fjórar hringlaga pitsur.
Heimagerð pitsa í matinn
Heimagerð pitsa í kvöldmatinn getur verið góð hugmynd. Pitsan er til í mörgum útfærslum og ef
maður gerir hana sjálfur er hægt að nota öll bestu áleggin eða gera mismunandi botna.
Pitsa með hráskinku og klettasalati.
Pitsur með blómkálsbotni er
skemmtileg tilbreyting.
Setjið tómatsósu á hverja þeirra
og leggið síðan skinku, ólífur og
rifinn parmesan yfir. Það má setja
mozza rellaost líka ef fólk vill og
raunar hvaða ost sem er.
Bakið pitsurnar í 250°C heitum
ofni í 8­10 mínútur. Ef það er pitsu­
eða brauðstilling á ofninum er best
að nota hana og baka eina pitsu í
einu. Þegar pitsurnar eru teknar
út er klettasalati dreift yfir. Margir
setja hráskinkuna líka ofan á eftir
bökun, allt eftir smekk hvers og
eins. Gott er að hafa hvítlauksolíu
yfir pitsuna eða chili­olíu fyrir þá
sem vilja hafa hana sterka.
Hvít pítsa
Það er gaman að breyta aðeins
til með pitsuna þegar maður
gerir hana heima. Þessi pitsa er
til dæmis ekki með tómatsósu og
því kölluð hvít pítsa. Hún þykir
þó mikill sælkeramatur. Þessi er
með beikoni og rauðlauk en það
er hægt að nota hvaða álegg sem
er. Uppskriftin miðast við eina um
það bil tólf tommu pitsu.

130 g hveiti
¼ tsk. salt
1 dl volgt vatn
2 g ferskt ger
Semolinamjöl
Hvít sósa
2 msk. sýrður rjómi
20 g rjómaostur
1 hvítlauksrif, smátt skorið
Nýmalaður pipar
Karamellaður rauðlaukur
1 lítill rauðlaukur
2 tsk. smjör
0,5 msk. sykur
1,5 msk. balsamedik
50 g rifinn ostur
20 g beikon
Parmesanostur
Ferskt timían
Byrjið á því að laga pitsubotninn.
Notið matvinnsluvél. Setjið helm­
inginn af hveiti saman við salt.
Gerið fer saman við vatnið og því
er síðan hellt út í hveitið. Hnoðið
og bætið restinni af hveiti við.
Bætið vatni við eftir þörfum. Látið
hefast undir plastfilmu og geymið
meðan fyllingin er löguð.
Skerið rauðlaukinn í þunnar
sneiðar. Bræðið smjör á pönnu
við meðalhita og steikið laukinn í
um það bil 10 mínútur. Bætið þá
sykri og balsamediki á pönnuna
og steikið áfram í 5­10 mínútur.
Gætið að því að laukurinn má ekki
brenna.
Hvíta sósan er búin til þannig að
sýrðum rjóma og rjómaosti er
hrært saman með hvítlauknum.
Þeytið sósuna þar til hún er vel
blönduð saman. Bragðbætið með
pipar.
Hitið ofninn í 250°C með bökunar­
plötu.
Setjið semolinamjölið á borðið og
fletjið út hringlaga pitsu. Reynið
að hafa botninn þunnan. Setjið
botninn á bökunarpappír. Smyrjið
hvítri sósunni yfir og rifnum osti
þar ofan á. Þá er lauknum raðað á
botninn og síðan beikonbitum.
Takið heita bökunarplötuna út úr
ofninum og setjið pitsuna á papp­
írnum beint á hana. Bakið pitsuna
í miðjum ofni í 8 mínútur eða
þar til kantarnir hafa fengið lit og
osturinn er bráðinn. Stráið timían
og parmesanosti yfir.
Blómkálspitsa
Ef þú þolir illa brauðbotn eða
langar til að prófa eitthvað nýtt
þá er blómkálspitsa kannski
málið. Hún er mjög bragðgóð og
skemmtileg tilbreyting. Auk þess
hentar hún vel þeim sem eru á
kolvetnasnauðu fæði. Uppskriftin
miðast við eina pitsu.
250 g rifið blómkál
1,75 dl rifinn parmesanostur
1 egg
Salt
2 msk. sýrður rjómi
1 hvítlauksrif
Nýmalaður pipar
Rifinn blandaður ostur
1 msk. gráðostur
Ólífuolía
Stillið ofninn á 200°C. Skolið og
þurrkið blómkálið en það þarf
að vera alveg þurrt þegar það er
notað. Notið matvinnsluvél til að
mauka blómkálið en bætið par­
mesanosti og eggi saman við það.
Smyrjið blómkálinu á bökunar­
pappírsklædda plötu. Reynið að
hafa blönduna jafna, um 3­4 mm á
þykkt. Saltið yfir botninn og setjið
hann í heitan ofn í 20 mínútur.
Hrærið saman sýrðum rjóma, hvít­
lauk og pipar. Takið botninn út og
smyrjið blöndunni á hann. Dreifið
ostinum yfir.
Bakið áfram í miðjum ofni í 8­10
mínútur eða þangað til osturinn
hefur bráðnað og botninn hefur
fengið stökka kanta. Kælið stutta
stund á rist og stráið fersku óreg­
anó yfir ásamt smávegis ólífuolíu.
12 KYNNINGARBLAÐ FÓLK 1 7 . m A R S 2 0 1 8 L AU G A R DAG U R
BRÚÐKAUPSBLAÐ
Veglegt sérblað Fréttablaðsins
um brúðkaup kemur út 23. mars nk.
Allt sem hugsast getur varðandi brúðkaup.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
1
7
-0
3
-2
0
1
8
0
4
:2
5
F
B
1
2
0
s
_
P
0
8
2
K
.p
1
.p
d
f
F
B
1
2
0
s
_
P
0
7
9
K
.p
1
.p
d
f
F
B
1
2
0
s
_
P
0
3
9
K
.p
1
.p
d
f
F
B
1
2
0
s
_
P
0
4
2
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
3
9
-0
1
D
C
1
F
3
9
-0
0
A
0
1
F
3
8
-F
F
6
4
1
F
3
8
-F
E
2
8
2
7
5
X
4
0
0
.0
0
1
7
A

F
B
1
2
0
s
_
1
6
_
3
_
2
0
1
8
C
M
Y
K