Ægir - 01.07.2017, Blaðsíða 16
16
Ingólfur Árnason, framkvæmdastjóri Skagans 3X, segir þann áfanga sem náðist á dögunum þegar ferskfisktogarinn Eng-
ey RE 91 fór í sína fyrstu veiðiferð vera með
þeim stærstu sem fyrirtækið hefur náð.
Skaginn 3X hannaði og smíðaði vinnslubún-
að og lestarkerfi í skipið, búnað sem ekki á
sér hliðstæðu í heiminum. Allur afli er
kældur niður í mínus 1 gráðu áður en hann
fer í lest og ekki þarf að nota ís eins og gert
hefur verið fram til þessa. Lestarkerfið er
sjálfvirkt og þar þarf mannshöndin hvergi
að koma nærri, hvorki við lestun úti á sjó né
við löndun þegar í höfn er komið. Ávinning-
urinn af allri þessari nýju tækni er mikill að
sögn Ingólfs en hann segir að stærsta málið
sé aukin gæði aflans.
Myndgreining flokkar í tegundir og
stærðir
Í stuttu máli gengur vinnslan þannig fyrir sig
í Engey RE að úr móttöku fer aflinn inn á
aðgerðarlínu og þaðan áfram í gegnum
myndgreiningarbúnað sem bæði tegunda-
greinir fiskinn og flokkar eftir stærð. Þetta
er öflugur og endurbættur myndgreining-
arbúnaður sem Skaginn 3X hefur þróað og
getur hann flokkað í fimm stærðar- og teg-
undaflokka. „Við höfum lagt mikla áherslu á
að þróa þennan búnað því hann skiptir mjög
miklu máli fyrir bæði flokkunina sjálfa og
um leið rekjanleikann, sem er einn af stóru
áhersluþáttunum í þessari tæknibyltingu,“
segir Ingólfur.
Eftir að fiskurinn hefur farið í gegnum
myndgreininguna tekur við nýr búnaður frá
Skaganum 3X sem er svokallað blæðihjól
þar sem 350 kg skammtar af fiski fara í
gegnum stýrt þvotta- og blæðingarferli.
Eftir þetta fer fiskurinn í kæliferli þar sem
hann er kældur með sjó niður í mínus 1
gráðu. Í lok kæliferilsins fer svo fiskurinn á
færiböndum að röðunarstöðvum þar sem
honum er raðað í ker en þaðan flytjast þau í
stæðum niður í lest. Starfsmenn á röðunar-
stöðvunum fá kerin sjálfvirkt til sín og gjör-
byltir því vinnuumhverfi sem almennt hefur
tíðkast þar sem fiski er raðað í kerin niðri í
lest. Eins og áður segir færast kerastæður
um lestina með sjálfvirkum hætti og sami
búnaður færir þær síðan að löndunarbúnaði
að veiðiferð lokinni.
Sértök karfalína er í skipinu en þá fer afl-
inn beint úr móttöku í nýja gerð af stærðar-
flokkara og þaðan beint í kæliferlið.
Grunnur að enn frekari tæknibyltingu
„Engey RE er mikil bylting hvað tækni varð-
ar en á endanum eru það alltaf aukin gæði
aflans sem skipta mestu máli. Ég lít þannig
á að við höfum náð ákveðnum áfanga og
lagt grunn að næsta skrefi sem er að hugsa
landvinnsluna upp á nýtt og tryggja að við
höldum þessum miklu gæðum á fiskinum
alla leið frá skipi, í gegnum vinnsluferilinn í
landi og allt þar til á afurðamarkað er kom-
ið. Sá áfangi sem við höfum náð í Engey RE
er grunnur sem við munum byggja á í okkar
tækniþróun á komandi árum. Við erum því í
senn að breyta sjávarútveginum og sjálfum
okkur,“ segir Ingólfur.
Gestir Íslensku sjávarútvegssýningarinn-
ar í Smáranum geta á bás Skagans 3X
fræðst enn frekar um Engey RE og þær
tæknilausnir sem fyrirtækið hefur upp á að
bjóða, bæði fyrir skip og landvinnslur.
skaginn3x.com
Mesti ávinningurinn felst í
auknum gæðum hráefnisins
segir Ingólfur Árnason, framkvæmdastjóri Skagans 3X
Ingólfur Árnason, framkvæmdastjóri Skagans 3X.
Skaginn 3X með byltingarkenndar tæknilausnir í ferskfisktogaranum Engey RE 91.