Ægir - 01.07.2017, Blaðsíða 80
Mikill uppgangur er í Sveit-arfélaginu Ölfusi vegna aukinna umsvifa í at-
vinnulífinu, ekki síst í tengslum
við uppbyggingu hafnaraðstöð-
unnar í Þorlákshöfn sem tók al-
gerum stakkaskiptum á árinu. Þar
er nú hægt að taka á móti allt að
165 metra löngum flutninga- og
skemmtiferðaskipum eftir að dýpkunar- og
hafnarframkvæmdum lauk í sumar.
„Við erum að byggja okkur upp til fram-
tíðar með því að bæta aðstæður og gæði
hafnarinnar,“ segir Hjörtur B. Jónsson, hafn-
arstjóri í Þorlákshöfn, en stór áfangi á þeirri
vegferð náðist í byrjun apríl þegar vikulegar
vöruferjusiglingar hófust milli Þorlákshafn-
ar og Rotterdam. Í tengslum við siglingarnar
hafa landanir aukist mjög úr fiskiskipum og
togurum, enda útflutningurinn með ferj-
unni að mestu ferskur og frosinn fiskur.
„Ferjusiglingarnar eru mikil innspýting
fyrir atvinnulífið hérna og í kjölfarið hefur
fyrirspurnum fjölgað mikið hjá okkur um
lóðir undir atvinnustarfsemi,“ bætir hafnar-
stjórinn við. Til að mæta væntanlegri upp-
byggingu hefur sveitarfélagið skipulagt 50
hektara athafnasvæði í nágrenni hafnarinn-
ar, auk þess sem í vor var samþykkt skipu-
lag á 200 hektara svæði vestan Þorláks-
hafnar sem hugsað er fyrir stærri iðnaðar-
og athafnalóðir.
Góður kostur fyrir fyrirtæki í
hafnsækinni starfsemi
„Þorlákshöfn er eina þjónustu-
höfnin fyrir allt Suðurlandsundir-
lendið og aðstæður fyrir margs
konar atvinnustarfsemi eru mjög
hagstæðar hér. Sérstaklega horf-
um við til þess að auka enn frekar
þjónustu við þá atvinnustarfsemi
sem er til staðar hér á Suðurlandi og á stór-
Reykjavíkursvæðinu og teljum okkur hafa
mikla möguleika til framtíðar í þjónustu við
flutninga á sjó,“ segir Hjörtur og bendir því
til áréttingar á fyrirtæki eins og Fiskmarkað
Íslands í Þorlákshöfn og kæli- og frysti-
geymsluna Kuldabola, sem einnig er með
löndunargengi og skipaþjónustu á staðn-
um. Vélsmiðjur og fleiri þjónustufyrirtæki
sem sinna öllum meginþörfum flotans er
einnig að finna í Þorlákshöfn, enda öflug
fiskvinnslufyrirtæki í bænum sem vinna
mikið af fiski og humri. Mikil uppbygging
hefur einnig átt sér stað í sveitarfélaginu í
tengslum við fiskeldi og þar eru framleidd
öll seiði fyrir Arnarlax á Vestfjörðum, Fisk-
eldi Austfjarða og Laxa í Reyðarfirði. Þá hef-
ur fyrirtækið Tálkni nýlega fengið grænt ljós
á að reisa allt að 5.000 tonna fiskeldisstöð í
næsta nágrenni Þorlákshafnar.
Annað stórt uppbyggingarverkefni í
sveitarfélaginu er bygging fullkominnar
fiskþurrkunarverksmiðju á vegum Lýsis hf.
norðvestan við bæinn. Skóflustunga var
tekin í maí að fyrsta áfanga verksmiðjunnar,
sem verður um 2.500 m², en ráðgert er að
taka hana í notkun í júlí 2018.
„Hér er mikið líf við höfnina, sérstaklega
þegar Mykinesið kemur frá Rotterdam og
einnig þegar Herjólfur siglir hingað, auk
þess sem smábátahöfnin hér er alger kyrrð-
arpollur. Hér er þjónusta sem nýtist öllum
og við erum með öflugan dráttarbát og vel
þjálfaðan og góðan mannskap til að að-
stoða stærri skip. Það er því góður kostur
fyrir fyrirtæki í hafnsækinni starfsemi að
koma sér fyrir hér hjá okkur,“ segir Hjörtur B.
Jónsson, hafnarstjóri í Þorlákshöfn.
olfus.is
Miklir möguleikar til framtíð-
ar í þjónustu við flutninga á
sjó í Þorlákshöfn
Vikulegar siglingar vöruflutningaferjunnar Mykiness, sem hófust í vor milli Þorlákshafnar og Rotterdam eftir miklar endurbætur á hafnaraðstöð-
unni, eru mikil innspýting fyrir sveitarfélagið Ölfus og hafa ný iðnaðar- og athafnasvæði verið skipulögð bæði við höfnina og vestan við byggðina.
Hjörtur Jónsson hafnarstjóri.
80