Ægir - 01.07.2017, Blaðsíða 70

70
Nú í lok ágúst var ferskfisktogaranum Drangey SK 2 fagnað í heimahöfn á Sauðárkróki en skipið var tæpar tvær
vikur á heimsiglingunni frá Tyrklandi.
Drangey SK er í eigu útgerðar- og fisk-
vinnslufyrirtækisins FISK Seafood og mun
leysa af hólmi ísfisktogarann Klakk SK sem
kom hingað til lands árið 1977, þá fyrir út-
gerðarfyrirtækið Klakk hf. í Vestmannaeyj-
um. Togarinn hefur verið gerður út af FISK
Seafood og áður Fiskiðjunni Skagfirðingi í
rúm 20 ár. Áhöfn Klakks flyst yfir á Drangey
SK 2 en vonast er til að skipið verði tilbúið á
veiðar undir lok ársins. Skipstjóri verður
Snorri Snorrason, sem stýrt hefur Klakki SK
undanfarin ár.
Samstarf um smíði fjögurra togara
Drangey SK 2 er þriðji af fjórum sams konar
togurum sem FISK Seafood og Samherji hf.
höfðu samvinnu um smíði á hjá Cemre
skipasmíðastöðinni í Tyrklandi. Nú þegar
hefur Útgerðarfélag Akureyringa, dóttur-
félag Samherja hf., tekið við Kaldbaki EA 1
sem leysir samnendan togara af hólmi, nýj-
um Björgúlfi EA 311 var fagnað á Dalvík í
byrjun sumars og í árslok kemur síðasta
skipið í þessari seríu, Björg EA 10.
Skipin eru 62,5 metrar að lengd og 13,5
metra breið. Þau eru hönnuð af Bárði Haf-
steinssyni, skipaverkfræðingi hjá Skipa-
tækni ehf.
Breytingin á Málmey SK fyrirmyndin
Fyrir hálfu þriðja ári var frystitogaranum
Málmey SK 1 breytt í ferskfiskskip og hafði
FISK Seafood samstarf við fyrirtækin Skag-
ann ehf., 3X ehf., Kælismiðjuna Frost og
fleiri um breytingarnar. Sú nýjung leit þá
dagsins ljós að í vinnslulínu skipsins er fisk-
urinn kældur niður í mínus 0,1 gráðu og fer
þaðan fullkældur í lest þar sem þessu hita-
stigi er viðhaldið án þess að notaður sé ís.
Þetta þróunarverkefni í Málmey SK 1 var
undanfari þeirrar útfærslu sem er á m.a.
þremur nýjum togurum HB Granda og var
einnig fyrirmyndin að því fyrirkomulagi sem
verður á vinnslu- og kæliferlinu í Drangey
SK. Skipinu verður siglt til Akraness nú
snemma hausts og hefjast þá starfsmenn
Skagans 3X ehf. handa við að setja vinnslu-
búnaðinn um borð.
Forsenda frekari tækniframfara í
landvinnslunni
„Smíði á þessu skipi er stórt skref í þeirri
uppbyggingu sem framundan er hjá FISK
Seafood,“ sagði Jón Eðvald Friðriksson,
framkvæmdastjóri í ræðu við móttöku
skipsins í Sauðárkrókshöfn. „Forsenda þess
að fyrirtækið geti áfram verið í fararbroddi
hvað varðar gæði afurða er að það hráefni
sem skilað er til vinnslu fyrirtækisins sé
nánast gallalaust og ég bind miklar vonir
við að svo megi verða. Drangey SK 2 leysir
af hólmi Klakk SK 5 sem er 40 ára gamalt
skip. Áhöfn Klakks sem flyst yfir á þetta
nýja skip er þekkt fyrir góða meðferð á afla
og í mínum huga er það ekki spurning að
hún mun á þessu nýja og vel búna skipi ná
enn betri árangri í meðferð aflans en áður.
Mikil tækni- og sjálfvirknivæðing er fram-
undan í landvinnslu FISK en lykilatriði í
þeirri þróun, og í raun forsenda, er að það
hráefni sem kemur til vinnslu sé allt fyrsta
flokks og ég trúi því að smíðin á þessu nýja
skipi sé risaskref í þá átt,“ sagði Jón Eðvald.
Ný Drangey SK 2 liður frekari
uppbyggingu FISK Seafood
Ferskfisktogararnir Drangey SK 2 og
Málmey SK 1 munu bera uppi hráefnisöfl-
un fyrir bolfiskvinnslu FISK Seafood.
Myndir: Jóhann Ólafur Halldórsson.
Mikill mannfjöldi fagnaði Drangey SK 2
við komu skipsins til Sauðárkróks á dög-
unum.