Morgunblaðið - 15.03.2018, Síða 18

18 FRÉTTIRInnlent
MORGUNBLAÐIÐ FIMMTUDAGUR 15. MARS 2018
Sigtryggur Sigtryggsson
sisi@mbl.is
Borgarráð hefur samþykkt tillögu
skipulagsfulltrúa um að lækka ný-
byggingu við Alliance-húsið á
Granda um eina hæð. Er það gert í
kjölfar athugasemda frá Skipulags-
stofnun. Borgarráðsfulltrúi Sjálf-
stæðisflokksins sat hjá við afgreiðslu
málsins.
Eins og ítarlega hefur verið greint
frá í Morgunblaðinu voru íbúar í
Mýrargötu 26, sem stendur utan við
reitinn, afar óhressir með fyrirhug-
aða uppbyggingu á reitnum og mót-
mæltu kröftuglega. Engu að síður
var deiliskipulag sem fól í sér þessa
uppbyggingu samþykkt í borgar-
kerfinu síðastliðið haust.
Í framhaldinu var deiliskipulags-
breytingin auglýst í B-deild Stjórn-
artíðinda eins og lög gera ráð fyrir.
Skipulagsstofnun skrifaði skipu-
lagsfulltrúa Reykjavíkurborgar bréf
í framhaldinu og gerði athugasemd
við birtingu auglýsingarinnar. Taldi
stofnunin að gögn varðandi hæða-
fjölda nýbyggingar milli Alliance-
hússins og Mýrargötu 26 væru mis-
vísandi. Einnig taldi Skipulags-
stofnun að viðbrögð borgarinnar við
athugasemdum við tillöguna væru
ófullnægjandi.
Útsýni úr íbúðum mun skerðast
Í niðurstöðu skipulagsfulltrúans,
sem umhverfis- og skipulagsráð og
borgarráð hafa samþykkt, er því
hafnað að svör við athugasemdum
séu ófullnægjandi. Mjög margar at-
hugasemdir lutu að því að með ný-
byggingum á reitnum væri útsýni úr
íbúðum í Mýrargötu 26 skert að öllu
eða verulegu leyti. Skipulags-
fulltrúinn ítrekar í því sambandi að
útsýni sé ekki lögvarinn réttur íbúa
og alltaf megi búast við að útsýni
taki breytingum innan þéttbýlis. Þar
sem svæðið sem um ræðir sé skil-
greint sem þróunarsvæði megi geri
ráð fyrir að breytingar á skipulagi
eigi sér stað til þess að ná fram
markmiðum aðalskipulagsins.
„Í ljósi athugasemda Skipulags-
stofnunar er tekið undir að fram-
setning uppdráttar hefði mátt vera
skýrari. Til að bregðast við því er
lagt til að nýbygging verði lækkuð
og heimildir skýrðar, þannig að það
sé ljóst að séð frá Mýrargötu sé ný-
bygging 2 hæðir, en séð frá Rastar-
götu sé nýbyggingin 3 hæðir. Bygg-
ingarmagn og sneiðingar verða
uppfærðir sem því nemur,“ segir í
niðurstöðu skipulagsfulltrúa.
Reykjavíkurborg á reitinn og
hyggst selja hann ásamt bygginga-
rétti. Nýbyggingarnar áttu að verða
alls 8.100 fermetrar, þar af 6.700 fer-
metrar ofanjarðar. Bílakjallari með
45 stæðum verður 1.400 fermetrar
að flatarmáli.
Í gögnum borgarinnar er reit-
urinn nefndur Allianz-reitur þótt
húsið sem á reitnum stendur heiti
Alliance-húsið. Það var byggt á ár-
unum 1924 til 1925 eftir teikningum
Guðmundar H. Þorlákssonar húsa-
meistara og er talið hafa mikið bygg-
ingarlistarlegt gildi sem dæmi um
glæsilegt höfundarverk hans, segir á
vef Minjastofnunar. Húsið var á sín-
um tíma saltvinnsluhús Alliance hf.
og í nágrenni þess voru stakkstæði.
Það var friðað af menntamálaráð-
herra árið 2010. Í húsinu er nú Sögu-
safn og veitingahúsið Matur of
drykkur. Í viðbyggingu sem síðar
var reist er nú norðurljósasýning,
Aurora Reykjavík. Viðbyggingin
verður rifin.
Erindið var samþykkt án ágrein-
ings í borgarráði og því dugir sú
samþykkt til að málið verði auglýst
sem nýtt samþykkt deiliskipulag í
Stjórnartíðindum, samkvæmt þeim
upplýsingum sem fengust frá
Reykjavíkurborg. Deiliskipulagið
fer því ekki aftur í auglýsingu.
Bygging lækkuð um eina hæð
 Borgarráð féllst á athugasemd Skipulagsstofnunar vegna uppbyggingar á Allianz-reit á Granda
 Viðbrögð við athugasemdum nágranna talin fullnægjandi  Segja útsýni ekki vera lögvarinn rétt
Morgunblaðið/Golli
Byggingareitur Milli Alliance-hússins og Mýrargötu 26 eru aðeins rúmir 25 metrar. Þarna í
sundinu á að reisa þriggja hæða hús og eru íbúar við Mýrargötu afar óhressir með það.
Tölvumynd/Basalt arkitektar
Allianz-reitur Þarna er áformað að byggja allt að 8.100 fer-
metra nýbyggingar. Borgin á reitinn og hyggst selja hann.
Superb skarar fram úr á mörgum sviðum. Hann er gríðarlega rúmgóður enda með
stærsta innanrýmið og skottið í sínum flokki. Byltingarkennd hönnun, hámarksþægindi
og tæknimöguleikar auka enn á styrkleika hans. Komdu og prófaðu nýjan Superb.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ
SUPERB KEMUR STERKUR
INN Í EFSTU DEILD
SUPERB. FLAGGSKIPIÐ Í ŠKODA FJÖLSKYLDUNNI.
www.skoda.is
ŠKODA SUPERB frá:
4.690.000 kr.