Morgunblaðið - 31.05.2018, Page 61
61
MORGUNBLAÐIÐ FIMMTUDAGUR 31. MAÍ 2018
Steinþór Guðbjartsson
steinthor@mbl.is
Eftir að ofanritaður skrifaði grein um
innsetningu á rib-eye um víðan heim,
sem birtist hér í mars sem leið, bárust
ýmsar fyrirspurnir um rib-eye hér og
þar. „Takk fyrir greinina um steik-
urnar í blaðinu,“ skrifaði til dæmis
einn og hélt áfram: „Ertu með nokkur
nöfn á Tenerife þar sem hægt er að fá
gott rib-eye?“
Ég hef aldrei komið til Tenerife,
geymi það til efri áranna, en Malta er
næsti bær við, þannig séð, þótt í öðru
hafi sé, og þessi viðbrögð voru ein
helsta kveikjan að enn einni ferðinni
þangað, matarmenningarferð, þar
sem áhersla var lögð á rib-eye í Sliema
og nágrenni.
Koma á óvart
Eftir að hafa fundið og leigt þakíbúð
hjá Ruth og Neville Galea
(homeaway.com) í Sliema, hvaðan
margir frábærir matstaðir eru í
göngufæri, hvort sem er í Sliema, St.
Julians eða Paceville, var ekki til set-
unnar boðið. Þar sem úrval matstaða
er mikið og tíminn naumur var úr
vöndu að ráða en ein regla var sett og
henni fylgt: Aldrei að fara aftur á
sama stað í ferðinni. Þetta er þver-
öfugt við það sem Hómbi þjálfari lagði
upp með þegar við Sissi bakari fórum
með honum til Liverpool um árið. Þar
vildi hann alltaf fara á sama stað við
hliðina á hótelinu, þar sem við gistum
og leikmenn Liverpool komu saman,
sitja við sama borð í sama stól og fá
sömu rib-eye-steikina dag eftir dag.
Hún var vissulega góð en ef maður
ætlar að koma á óvart í boltanum sem
öðru gengur ekki að vera fyrirsjáan-
legur. Það veit Heimir manna best og
við fylgjum honum og treystum.
Talk of the Town
Fyrir blaðamann var eðlilegast að
byrja á veitingastaðnum Talk of Town
Café á jarðhæð fimm stjarna Palace-
hótelsins miðsvæðis í Sliema. Þar má
bæði sitja úti og inni og í blíðunni er
frábært að sitja úti og horfa á mann-
lífið liðast hjá á milli bita. Þegar fer að
kula eftir því sem líður á kvöldið eru
hitarar til taks.
Rib-eye-steikin aðeins minna en
meðalsteikt (medium rare), var nið-
urskorin og í einu orði sagt frábær.
Eiginkonan er ekki mikið fyrir nauta-
kjötið en fékk andarbringu sem hún
sagði mikið lostæti. Sterkt spil, gott
flæði, eins og það er kallað á fótbolta-
máli, sannkallaður HM-leikur.
Il Pirata
Stína frænka drap niður fæti á
Möltu og Christine, vinkona hennar
frá Kýpur, valdi að borða á Il Pirata í
Paceville. Við með. Í Paceville er lífið
og fjörið fram undir morgun dag
hvern og þegar líða tekur á kvöldið
heyrist vart mannsins mál í hring-
iðunni, jafnt úti sem inni.
Við fórum því snemma en steikin
var góð, þótt áhersla sé á aðra rétti á
þessum ítalska stað. Krossfiskurinn
var til dæmis frábær forréttur. Minnti
á góðan reitabolta.
Little Argentina
Eftir að hafa gengið oft framhjá
veitingastaðnum Little Argentina var
kominn tími til þess að fá sér almenni-
lega argentíska steik. Little Argent-
ina á Tower Road við sjávarlengjuna í
Sliema lætur ekki mikið yfir sér en
rib-eye-steikin er ómótstæðileg.
„Besta steik lífs míns,“ sagði við-
skiptavinur á útleið við mig þegar við
gengum í salinn. Staðurinn er heim-
ilislegur, lítill og vel upplýstur, og
vægast sagt lítið lagt í innra umhverf-
ið en starfsfólkið innilega argentískt.
Allt traust lagt á Messi. Og steikin
maður. Húh!
Charles Grech
Veitingastaðurinn Charles Grech er
rétt hjá Little Argentina, aðeins nær
St. Julians. Klassastaður, hvert sem
litið er, jafnt úti sem inni. Tilfinningin
var eins og maður væri um borð í
lystisnekkju með fræga og fína fólk-
inu. Huggulegur staður og rómantísk
kvöldstund eins og þær verða bestar á
Holtinu.
Charles Grech byrjaði annars að
selja úrvalsvín og tóbak seint á 19. öld
og slíkar verslanir með sama nafni eru
til dæmis í Sliema og Valetta. Veit-
ingastaðurinn er í sama anda, þar
sem áhersla er lögð á gæði í mat og
drykk.
Rib-eye-steikin var þykk og safarík
og ofan á henni var portobello-
sveppur eins og pottlok. Frábær sam-
setning og eins og svo oft áður voru
viðbrögðin sex orð: „Besta steik sem
ég hef fengið.“ Svolítið í takt við að
vera sammála síðasta ræðumanni, en
svona er það bara, svo vitnað sé í
Bödda, kunnan umbrotsmann og
starfsbróður í áratugi.
Meet
HM í Rússlandi var og er ofarlega í
huga og ekki síst fyrsti leikur Íslands,
á móti Messi og félögum í Argentínu.
Þar sem naut eru í hávegum höfð í
Argentínu var við hæfi að ljúka yfir-
reiðinni á argentíska steikhúsinu
Meet í St. Julians, sem er af sama
meiði og samnefndur veitingastaður í
Liverpool.
Ekki kom til greina annað en að fá
stærstu rib-eye-steikina og njóta
hennar og útsýnisins. Starfsfólkið var
ungt og kátt og ekki skemmdi fyrir
þegar komið var að kveðjustund. Ég
þakkaði fyrir okkur og sagði sem var
að steikin gæti varla verið betri, besti
undirbúningurinn fyrir leikinn í
Moskvu 16. júní og úrslitin klár! „Þú
ert smekkmaður,“ sagði argentíski
veitingamaðurinn og bætti við: „Arg-
entína er mekka nautakjötsins og
Buenos Aires er höfuðborg
rib-eye-steikarinnar. Þangað verður
þú að fara.“ „Ekki spurning!“ svaraði
ég enda alltaf til í tangó. Nema hvað.
Rib-eye á
Möltu upp-
hitun fyrir
HM í Moskvu
Rússar segjast tilbúnir að halda heimsmeistara-
keppnina í fótbolta og víða er farið að hitna, ekki
bara í kolunum heldur líka í fylgjendum HM. Í upp-
hituninni fyrir fyrsta leik okkar, á móti Argentínu í
Moskvu eftir 16 daga, er fátt betra en rib-eye-steik,
og hún bragðast vel á mörgum stöðum á Möltu.
Meet Rib-eye-steikin var sú stærsta sem blaðamaður fékk í ferðinni.
Morgunblaðið/Steinþór Guðbjartsson
Dásemd Gestur á argentíska veitingastaðnum Meet nýtur lífsins og horfir yfir Spinola-flóa á byggðina í St. Julians.
Little Argentina Fátt jafnast á við góða argentíska steik.
Talk of the Town Ekki er nauðsynlegt að flækja málin með miklu meðlæti.
Charles Grech Steikin var þykk og safarík og bráðnaði í munni.
Sindragata 12c | Ísafirði | Sími 456 1300 | smidjan@velsmidjan.is
Frábær smurefni sem einangra, verja
og koma í veg fyrir tæringu eins og
verkfæra o rafma nsvara.
100% eins árs RAKAVÖRN