Morgunblaðið - 31.05.2018, Qupperneq 63

lengur og oftar en hún hefur dvalið
þrisvar í Senegal, fyrst frá 2011-12,
svo árið 2013 nú síðast frá 2016-
2017.
Guðrún dvaldi í Senegal í
tengslum við doktorsnám sitt og
störf hjá UNDP í tengslum við
þróunarmál en samhliða ferðalög-
unum gegnum tíðina hefur Guðrún
starfað sem framkvæmdastjóri Fé-
lags Sameinuðu þjóðanna á Íslandi,
kennt þróunarfræði í HÍ og fengist
við þýðingar, skrif og verkefni í
lausamennsku af ýmsu tagi. Hún
er núna framkvæmdastjóri og einn
eigenda ProVida sem er ráðgjaf-
arfyrirtæki sem sérhæfir sig í út-
tektum á þróunarverkefnum.
Stöðug, frábær og ókeypis
loftkæling á Íslandi!
Eiginmaður Guðrúnar, Yakhya
Diop, starfar í eldhúsi á veit-
ingastað á Keflavíkurflugvelli og
kann því vel. Hann ólst upp í Sene-
gal en varð munaðarlaus 10 ára
gamall þegar hann missti föður
sinn, en hann hafði misst móður
sína fjögurra ára. Guðrún segir að
fjölskyldan skipi mikilvægan sess í
senegölsku samfélagi og nærfjöl-
skylda Yakhya hafi tekið hann að
sér eftir andlát foreldranna og
sinnt uppeldinu. Hann gekk í her-
inn ungur og síðar í lögregluna en
þaðan fór hann í sérstakan líf-
varðaskóla og starfaði sem líf-
vörður fyrir nokkra ráðherra í
Senegal. Yakhya var fráskilinn og
á þrjú börn í Senegal sem búa hjá
systur hans og spjallar hann við
þau reglulega. Draumurinn er að
þau geti annaðhvort flust til hans
til Íslands í framtíðinni eða alla
vega dvalið hjá honum reglulega og
til lengri tíma í senn.
Yakhya segist vera mjög sáttur
við núverandi vinnustað því starfið
sé mikil hvíld frá því að vera vopn-
aður lífvörður alla daga, en það
gefur auga leið að slíku starfi fylgir
mikið álag og gríðarleg ábyrgð.
Best af öllu finnst honum þó veðr-
ið! Blaðakona hváir. Er þetta ekki
einhver misheyrn? Íslendingar hafa
ekki gert annað en að kvarta sáran
yfir veðrinu undanfarna daga og
vikur.
„Nei, ég elska veðrið hérna!,
segir Yakhaya.“ Guðrún hlær og
segir að hann sé sífellt að opna
dyrnar út á svalir og dásama þessa
loftkælingu sem öllum býðst hér
ókeypis!“ segir Guðrún Helga.
Ævintýrin bíða
handan við hornið
– En hvað á að gera næst?
Hvaða spennandi ævintýri bíða
handan við hornið?
Reyndar ætluðum við að fara
utan í fæðingarorlofinu en Heima-
vellir, sem við leigjum af, eru svo
harðir á leiguskilmálum að við
megum alls ekki framleigja íbúðina
eins og við höfum fengið að gera
hjá öðrum leigusölum, í til dæmis
tvo til þrjá mánuði og búa erlendis
á meðan. Einhvers staðar þar sem
það er ódýrara að lifa. Það hefði
alla vega ekki verið neitt vandamál
að finna leigjendur. En við stefnum
að því að koma okkur betur fyrir
hérlendis, eignast góðan samastað
og geta farið í ferðalög þaðan.
Enda sagði Ingibjörg einhvern
tíma: „Mamma, við förum aldrei í
ferðalög. Við flytjum bara!“ Guð-
rún segir að Daníel sé líka á við-
kvæmum aldri og nenni ekki alveg
þessu flakki í bili þó að það blundi
í honum ævintýraþráin, hún heyri
það þegar hann nefnir þá staði sem
hann hefur ekki heimsótt ennþá í
veröldinni. Þannig að á þessum
tímapunkti hentar betur að eiga
samastað og geta ferðast þaðan.
Það eru margir möguleikar í stöð-
unni og margir staðir enn eftir á
óskalistanum og því ljóst að fylgj-
endur Guðrúnar Helgu, mömmu-
nnar sem þarf að ferðast, eiga eftir
að fá að fylgja enn fleiri ævintýrum
fallegu fjölskyldunnar hennar úr
hlaði í framtíðinni.
Við Rose-vatnið í Senegal Mariama, Ingibjörg, Guðrún,
Cheich og Idrissa (fyrir framan Guðrúnu), Alexander (í fang-
inu á pabba sínum), Yakhya og Daníel. Mariama, Cheich og
Idrissa eru börn Yakhya og stjúpbörn Guðrúnar.
Friðrika Hjördís Geirsdóttir fjölmiðlakona á tvo syni á
aldrinum 10-11 ára og tvö stjúpbörn á aldrinum 7-9
ára. Hér deilir hún fimm af sínum
bestu ráðum með lesendum
Fjölskyldunnar á mbl.is.
1Kennum börnum okkar að fyrirgefaAð fyrirgefa er ein mikilvægasta dyggð
sem manneskja getur vanið sig á og lausn á
mörgum vandamálum í lífinu. Það er þó ekki
svo að fyrirgefning þýði að hægt sé að ganga
yfir viðkomandi, af því að hann fyrirgefur allt-
af, þar af leiðandi er mikilvægt að kenna börnum að setja mörk. Að sama skapi og í
raun ekki síður mikilvægt er að kenna börnum að brjóta odd af oflæti sínu og biðj-
ast fyrirgefningar þegar við á. Fyrirgefning er svo tilfinningalega gildishlaðið orð
sem bæði börn og fullorðnir mættu nota oftar í samskiptum.
2Peningar vaxa ekki á trjánum Ég áttaði mig einu sinni á því að börninmín héldu að peningar yxu í Mary Poppins-töskunni minni ásamt óendanlegri
þolinmæði gagnvart suði og skítugum sokkum á gólfinu, það var því kominn tími
til að kenna þeim örlítið á peninga. Peningar eru jú orka sem bæði er hægt að nota
til góðs og ekki eins góðs. Við tókum því upp á því á mínu heimili að skoða í sam-
einingu hvernig börnin gætu aflað tekna á viðeigandi máta og safnað þannig fyrir
því sem þau eru með á óskalistanum. Hingað til hafa þau safnað dósum, borið út
blöð og selt dót fyrir utan fjölfarna staði að ógleymdum afmælispeningum. Ég hef
tekið eftir því að þau verða töluvert ánægðari með þá hluti sem þau kaupa sér fyrir
afraksturinn en ef ég kaupi þá.
3Að greina tilfinningar. Öll erum við foreldrar sek um það að vera mismun-andi upplögð og börnin okkar líka. Ég hef vanið mig á það, þegar ég er eitt-
hvað óvenju öfugsnúin, að biðja börnin mín að afsaka hegðun mína og skýra út af
hverju mér leið svona eða hinsegin í dag. Þetta hefur reynst mér vel til að fá þau til
að gera slíkt hið sama og geta þá betur tengt við tilfinningar sínar og greint frá
þeim. Mér finnst líka mikilvægt að þau geri sér grein fyrir og séu meðvituð um að
slæmar tilfinningar eiga alveg jafn mikinn rétt á sér og þær góðu, að það sé eðli-
legt að upplifa mismunandi tilfinningar. Það er víst hluti af því að vera manneskja.
4Hin hliðin á málunum Eitt af því sem ég ræði um við börnin mín, þegarþannig aðstæður koma upp, er að setja sig í spor annarra. Ef einhver kemur
illa fram við þig í dag snýst það ekkert endilega um þig, nema þú hafir vísvitandi
gert eitthvað slæmt á hlut viðkomandi. Við erum alltaf að endurspegla okkar innri
líðan í samskiptum við annað fólk og oft er það nú þannig að fólk sem kemur illa
fram við aðra er að berjast við innri vanlíðan sem brýst út á mismunandi máta.
5Leyfum börnunum að elda Ég var óskaplega heppin í æsku að eigamömmu sem var óhrædd að prófa eitthvað nýtt í eldhúsinu og hvatti mig til að
gera slíkt hið sama frá unga aldri. Eldri strákurinn minn er ansi lunkinn og hug-
myndaríkur í eldhúsinu. Oftast tekst honum vel upp en stundum fara tilraunirnar
út um þúfur en þá gæti ég alltaf þess að minna hann á að enginn verði óbarinn
biskup. Hvatningin skiptir miklu máli og það er afskaplega gefandi að sjá hana í
verki og oft á tíðum gómsætum útkomum.
5
UPPELDISRÁÐ
Rikku
63
MORGUNBLAÐIÐ FIMMTUDAGUR 31. MAÍ 2018
flísar fyrir vandláta
PORCELANOSA
Skútuvogi 6 - Sími 568 6755
Matur
Fasteignir