Víkurfréttir - 17.12.1981, Side 28

Fimmtudagur 17. desemoer 1981
JÓLABLAÐ
VÍKUR-fréttir
Strákar í draumaferð
Ferð 5. flokks KFK til Færeyja
Dagana 1.-7. júlisl. var 18manna hópurlrá Knattspyrnufélagi Kefla-
vikur i Fær eyjum, í boöi færeyska liösins Kyndils í Þórshöfn. Þátttak-
endur i þessari ferö voru 14 strákar 11-12 ára úr 5. flokki KFK i knatt-
spyrnu, tveir fararstjórar ásamt tveimur aöstoöarmönnum 13 og 14
ára. Þessi ferö var öllum sem i henni voru, eftirminnileg og móttökur
alveg frábærar i alla staöi, öllum færeyingum til mikils sóma.
FLOGIÐ/EKKI FLOGIO/
FLOGIÐ
Ekki virtist þessi ferð aetla að
takast vel í upphafi, alla vega
varð að stytta ferðina um einn
dag, þar sem ekki var hægt að
fljúga út eins og áætlaö hafði
verið, 30. júní, vegna þoku. En
daginn eftir var ekkert til fyrir-
töðu og urðu strákarnir að von-
um ánægðir. Eftir ekki alltof
langa flugferð var lent í Færeyj-
um á eyju sem heitir Vágar. Á
flugvöllinn var mættur rútubíl-
stjóri sem sagðist vera kominn til
að sækja okkur. Hann ók okkur
að ferjustaðnum, en þá hittist illa
á, ferjan full, svo við urðum að
bíða í meiraeneinaklukkustund.
Svo kom ferjan og flutti okkur
yfir Vestmannasund, sem er
mjög straumhart og verður
ferjan aðsnúastefni upp ístraum
inn og siglir sannast aö segja á
hlið yfir til bæjarins Vestmanna á
Streymoy. Þaðan var ekið sem
leiö lá til Þórshafnar og farið
beint upp í íþróttahöll. Þar var
tekið vel á móti okkur og boðið
upp á pylsur og gos, sem var vel
þegið eftir erfiða ferð.
HANDKNATTLEIKUR,
HVAÐ ER ÞAÐ?
En eins og menn muna var
Adam ekki lengi í Paradísog ekki
heldur strákarnir i friði að borða
pylsurnar. Þeir misstu nærri mat-
arlystina er okkur var tilkynnt að
þeir yrðu að vera tilbúnir að leika
handknattleik eftir 25 mínútur!
Kom þá í Ijós, að liöið var
óvænt orðiö þátttakandi í 25 ára
afmælismóti Kyndils, og varð því
að leika handknattleik, en ferðin
jú aðallega keppnisferð í knatt-
spyrnu og strákarnir aðeins
búnir undirþað. Varnemavonað
einum yröi að orði: „Handknatt-
leikur, hvað er þaö?‘‘. En strák-
arnir létu þetta ekki hafa slæm
áhrif á sig og keppt bara í hand-
knattleik án þess að kunna mikið
í þeirri íþróttagrein. f þessum
fyrsta leik mættu þeir liði gest-
gjafanna og lauk honum með
góðum sigri Kyndils, 8:3, eftir að
staðan hafði verið um tíma 3:3.
Ekki var hægt að ætlast til mikils
meira af strákunum eftir allar
þessarflug-, ferju-og bilferðirog
auk þess gott pylsuát.
Eftir leikinn kom að sjálfsögðu
rúsínan í pylsuendanum, ef rús-
ínu ætti að kalla, því þá kom í Ijós
að hópurinn átti ekki að sofa
saman í skóla, heldur einn og
tveir saman á heimilum. Nú sló
þögn á strákana, svo þutu þeir
allir í felur inn i fatahengi og
þegar kom í Ijós að nokkrir áttu
að sofa á heimilum stelpna, guf-
uðu þeir allir upp! Eftir nokkrar
fortölur fararstjóra tóku strák-
arnir aftur trú á þetta jarðlif og
var hægt að skipta þeim niður á
heimilin. Fóru nú allirtil sínsnýja
„heimilis", einn eða tveir yfir-
leitt, en á eitt heimilið 4 saman.
Um kvöldiðhugðustfararstjór-
ar hughreysta sína stráka og var
ekið á öll heimilin, en strákarnir
höfðu bara ekki tíma til að tala
við þá, sögðust bara hitta þá á
morgun. Þá var augljóst að
Adam var kominn aftur í Paradís.
VIÐ VINNUM DANI
Að morgni næsta dags var
leikið við Færeyjameistarana
Neistan og þetta vel samhæfða
lið vann strákana 11:2. Seinna
um daginn léku strákarnir við
danska liðið Næsby, og nú voru
það stoltir litlir Islendingar sem
gengu inn á völlinn, ákveðnir íað
gera það sem íslendingar sækj-
ast hvað mest eftir, þ.e.a.s. vinna
Þátttakendurnir i Færeyjaferðinni
Dani! Já, og gerðu meira en bara
merja sigur, þeir unni Næsby 8:3,
og geri aðrir betur án samæfing-
ar. Eftir leikinn báðu strákarnir
um að fá að losna við að spila
fleiri handknattleiki, sögðust
heldur vilja reyna sig í knatt-
spyrnu.
Morguninn eftir var farið með
ferju til Eysturoy og leikið á móti
félagi sem heitir Toftir. I þeim
leik réðu strákarnir öllu en tókst
samt ekki að skora fleiri mörk en
6:1. Eftir leikinn var strákunum
deilt niður á heimili í mat áður en
lagt var af stað með ferjunni um
kvöldið. Næstamorgunvarleikið
við strákalið fra HB, sem er eitt
frægasta félag Færeyja, og þeim
leik lauk með góðum sigri KFK,
3:0. Þetta var sérlega góður
leikur hjá strákunum, þó þeim
tækist ekki að skora fleiri mörk.
Um kvöldið var lagt af stað
með ferju í langa siglingu til
syðstu eyjar Færeyja, Suöuroy,
og ekið siðan til bæjarins Vágur í
boði íþróttafélagsins þar, og
sofið í fyrsta skipti í sal saman.
Og nú vildu strákarnir heldur
sofa á heimilum.
REGNLEIKIR
Strax eftir aö snæddur hafði
verið morgunverður, var ekiö til
syðstu byggðar Færeyja, Sumba
og þar var komiö á móti þriggja
liða. Þessi lið vory aum KFK,
Vágur og Sumba. Bæði þessi liö
mættu að miklu leyti með 4.
flokks stráka. Mótið hófst með
leik KFK-Vágur, og lauk honum
með jafntefli, 3:3, þrátt fyrir að
KFK væri í nær látlausri sókn.
Síðan fór fram leikur Vága og
Sumba. Þeim leik lauk með yfir-
burðasigri Sumba, 9:1.
Á meöan leikirnir fóru fram var
úrhellis rigning og urðu KFK-
strákarnir að bíða í óupphitaöri
rútu þegar leikurinn Vágur-
Sumba fór fram. Það voru því
kaldir strákar sem þurftu að fara
að spila sinn leik við Sumba.
Þrátt fyrir bleytu og kulda fóru
þeir út, eftir að hafa gert samn-
ing við fararstjórn um að ef þeim
tækist að vinna þennan erfiða
leik, fengju allir kjúkling og kók!
Augljóst var að þessi samningur
hafði áhrif, strákarnir börðust og
staðan í hálfleik var3:0fyrir KFK!
Við þessa mótspyrnu gafst lið
Sumba upp og mætti ekki til leiks
í síðari hálfleik. Það voru slæptir
leikmenn sem ekið var til Vágur
til að taka saman og náferjunni á
Tvöroyri til Þórshafnar um
kvöldið. Þangað var komið um
miðnætti. Daginn eftir var leikið
við lið HB aftur, en nú kom í Ijós
þreyta hjá strákunum og leik-
gleöin sem verið hafði allan tim-
ann var horfin, og létu þeir HB
komast í 2:2.
FERÐALOK
Næsta morgun var lagt af stað
til Islands, en ekki komið til
Keflavikur fyrr en um kvöldið
vegna seinkunar flugs. Ferðin
gekk vel i alla staði og frábærar
voru móttökur Færeyinga. Strák-
arnir voru KFK og Islandi til
sóma jafnt i leik sem og utan vall-
ar. Færeyingar sögðust vilja fá
fleiri slíka hópa, alltof oft kæmu
hópar með öðru hugarfari.
Þess er vert að geta í lokin, að
gott og mikilvægt samstarf var
haft við foreldra varðandi undir-
búning ferðarinnar, m.a. haldnir
tveir fundir fyrir ferðina og siðan
haft myndakvöld með foreldrum
eftir ferðina.
Matthias Viktorsson
Brugðiö á leik
Á meöan leikirnir í Sumba fóru fram var úrheliis rigning