Morgunblaðið - 01.06.2018, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 1. JÚNÍ 2018
Lax
í brunchinn
Söluaðilar:
10-11, Hagkaup, Iceland verslanir,
Kvosin, Melabúðin, Nettó, Samkaup,
Sunnubúðin, Pure Food Hall flug-
stöðinni Keflavík.
Með því að velja
hráefnið af kostgæfni,
nota engin aukaefni og
hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Baldur Arnarson
baldura@mbl.is
Fasteignamat íbúðarhúsnæðis á
höfuðborgarsvæðinu heldur áfram
að hækka. Dæmi eru um rúmlega
14% hækkanir milli ára.
Þetta má lesa úr nýju fasteigna-
mati á vef Þjóðskrár Íslands. Nýja
matið fyrir árið 2019 verður form-
lega kynnt á blaðamannafundi í dag
en hægt er á vef stofnunarinnar að
sjá hver hækkun matsins fyrir
hverja fasteign verður.
Til að fá vísbendingu um hækk-
anir milli ára var 31 eign valin af
handahófi. Þær skiptast milli sex
sveitarfélaga á höfuðborgarsvæðinu.
Að meðaltali hækkaði fasteigna-
mat eignanna um rúm 10% milli ára.
Valdar voru íbúðir í fjölbýli og sér-
býli. Eignirnar eru frá því að vera
nýjar yfir í að vera áratuga gamlar.
Hefur hækkað um fjórðung
Til samanburðar hækkaði fast-
eignamat á sérbýli á höfuðborgar-
svæðinu um 17,5% í fyrra og um
15,4% í fjölbýli. Utan höfuðborgar-
svæðisins hækkaði sérbýli um 12,2%
og fjölbýli um 13,7%. Samanlagt
hækkar fasteignamat fyrir árin 2018
og 2019 því að líkindum um að
minnsta kosti fjórðung. Til dæmis
samsvara 15% og 14% hækkanir
þessi tvö ár um 30% hækkun.
Þessar breytingar munu birtast í
fasteignagjöldum. Þau eru enda
reiknuð sem hlutfall af fasteignmati.
Heildarmat fasteigna á Íslandi
hækkaði um 13,8% í fyrra og var
7.288 milljarðar króna. Miðað við
áðurnefndar hækkanir á eignum
sem valdar voru af handahófi er
heildarmatið orðið rúmlega 8.000
milljarðar í fasteignamati 2019. Þá
að því gefnu að atvinnuhúsnæði hafi
hækkað jafn mikið og íbúðirnar. Til
samanburðar var heildarmat fast-
eigna á Íslandi 5.755 milljarðar 2016.
Væntanleg hækkun fasteignamats
2016-2019 á nafnvirði samsvarar um
6,4 milljónum á hvern íbúa í landinu.
Fasteignamatið á Íslandi
heldur áfram að hækka
 Dæmi um 14% hækkun á íbúðum á höfuðborgarsvæðinu
Morgunblaðið/Sigurður Bogi
Höfuðborgarsvæðið Fasteignaverð hefur hækkað mikið síðustu ár.
Breyting á fasteignamati 2018-2019
Dæmi úr sveitarfélögum á höfuðborgarsvæðinu 0-5% 5-10% 10-15%
Laufásvegur
4,6%
Miðbraut
8,0%
Miðvangur
11,0%
Þórðarsveigur
7,8%Lundur
7,1%
Arnarhraun
14,3%
Dalsbyggð
10,0%
Reykjafold
12,4%
Norðurbakki
9,7%
Hávallagata
10,4%
Bollasmári
11,5%
Vefarastræti
4,0%
Hrólfsskálamelur
13,8%
Mosagata
11,1%
Asparfell
10,5%
Akurhvarf
8,7%
Stuðlaberg
14,0%
Gnoðarvogur
7,9%
Birkigrund
10,8%
Brattholt
14,3%
Hraunbær
10,2%
Lindarflöt
13,2%
Mávahlíð
8,4%
Kópavogsbraut
8,9%
Hnoðravellir
13,3%
Hraunteigur
13,0%
Garðatorg
12,4%
Þrastarhöfði
14,5%
Bakkavör
9,8%
Egilsgata
7,1%
Engihjalli
9,5%
Meðalhækkun alls
10,4%
Ómar Friðriksson
omfr@mbl.is
Meirihluti efnahags- og viðskipta-
nefndar telur að áður en ráðist er í
breytingar á skattkerfinu sem boðað-
ar eru í fjármálaáætlun fjármála- og
efnahagsráðherra verði að liggja fyrir
nákvæmar greiningar á hvaða áhrif
þær hafa á hag heimila og fyrirtækja
og samkeppnishæfni atvinnulífsins til
lengri tíma.
Nefndarmeirihlutinn hefur skilað
ítarlegri umsögn við áætlunina og
sendir ýmsar ábendingar um breyt-
ingar til fjárlaganefndar.
Þak á fjölda ferðamanna á
viðkvæmustu svæðunum?
„Meirihlutinn telur nauðsynlegt að
huga að breytingum á persónu-
afslætti þannig að hann nýtist fyrst
og fremst þeim sem eru á lægstu
laununum og fari lækkandi eftir því
sem laun hækka og falli niður hjá
þeim sem njóta hæstu launa. Breyt-
ingum af þessu tagi verður ekki
hrundið í framkvæmd án víðtæks
samráðs og stuðnings aðila vinnu-
markaðarins,“ segir m.a. um endur-
skoðun skattkerfisins.
Í umfjöllun um gjaldtöku í ferða-
þjónustunni og áform um að kanna
möguleika á komu- eða brottfarar-
gjaldi sem taka hefjist á árið 2020
bendir meirihlutinn á að huga þurfi
sérstaklega að stöðu innanlandsflugs,
ef til gjaldtöku af þessu tagi kemur.
„Til greina kemur að gjaldið sé mis-
hátt eftir lengd flugs líkt og þekkist í
sumum ríkjum Evrópu,“ segir þar.
Meirihlutinn telur brýnt að settur
verði skýr lagarammi um gjaldtöku á
helstu ferðamannastöðum sem eru í
opinberri eigu. ,,Meirihlutinn telur
skynsamlegt að verð geti verið breyti-
legt í samræmi við aðsókn og hve
mikið viðkomandi staðir þola. Þá
beinir meiri hlutinn því til umhverfis-
og auðlindaráðherra og ferðamála-
ráðherra að huga að því hvort rétt sé
að innleiða ítölu (þak á fjölda) fyrir
viðkvæmustu svæðin.“
Þá er varað við því að gangi þjóð-
hagspá ekki eftir muni það hafa veru-
leg áhrif, ekki síst á tekjur ríkissjóðs,
afkomu og þróun skulda. Er sérstak-
lega vakin athygli á óvissu um þróun
ferðaþjónustunnar. Óli Björn Kára-
son, formaður nefndarinnar, segir í
samtali að hér sé síst of sterkt til orða
tekið. Komið hafi fram neikvæð merki
um þróun mála í ferðaþjónustunni
sem menn verði að huga að og geta
haft gríðarleg áhrif.
Komið verði á fót sjálfstæðu
hagsýslusviði á Alþingi
Bent er á í umsögninni að ýmsir
hnökrar hafi komið fram við þinglega
meðferð fjármálaáætlunarinnar líkt
og í fyrra. Er bent á ýmsar úrbætur
og þung áhersla lögð á að styrkja
þurfi starfsemi nefndasviðs Alþingis
,,og telur [meirihlutinn] nauðsynlegt
að koma á fót sjálfstæðu hagsýslu-
sviði með sérfræðiþekkingu á efna-
hagsmálum, skattamálum og reikn-
ingsuppgjöri ríkissjóðs og
ríkisstofnana.“
Afslátturinn lækki upp launastigann
Við Goðafoss Meirihluti þingnefndarinnar telur að gjaldtaka á ferða-
mannastöðum geti orðið mikilvægt tæki til aðgangsstýringar.
 Skoðað verði að komugjaldið verði mishátt eftir lengd flugs  Meirihluti efnahags- og viðskipta-
nefndar Alþingis sendir fjárlaganefnd ítarlegar ábendingar um breytingar á fjármálaáætluninni
Búist er við því að jáeindaskanninn
á Landspítalanum komist fljótlega í
notkun en beðið er eftir leyfi frá
Lyfjastofnun fyrir framleiðslu
geislavirks efnis á spítalanum.
Um miðjan apríl gerði Lyfja-
stofnun úttekt á framleiðslu geisla-
virks efnis, merkiefnis, sem fram-
leiða þarf á spítalanum og er síðan
notað við rannsókn á sjúklingum í
sjálfum skannanum. Lyfjastofnun
skilaði skýrslu um úttektina 30
dögum síðar með athugasemdum
um það sem þyrfti lagfæringar við.
Pétur H. Hannesson, yfirlæknir
á röntgendeild Landspítalans, segir
að samstarf við Lyfjastofnun hafi
verið með ágætum og hafi þau
fengið upplýsingar fljótlega eftir
úttektina um þætti sem betur
mættu fara. „Við höfum nú svarað
athugasemdum stofnunarinnar.
Nokkur atriði eru í vinnslu en við
teljum stöðu mála slíka að stofn-
unin ætti að geta gefið út leyfi
fljótlega. Lyfjastofnun hefur gefið
út að niðurstaða berist í síðasta
lagi 90 dögum frá úttekt,“ segir
Pétur.
Öllum undirbúningi við skannann
er nú lokið og leyfi Lyfjastofnunar
vegna lyfsins er það eina sem
stendur eftir. Þetta ferli í kringum
jáeindaskannann er í samræmi við
það sem þekkist í nágrannalönd-
unum að sögn Péturs, um er að
ræða starfsemi sem er háð mjög
ströngum kröfum og gæta verður
fyllstu nákvæmni í vinnubrögðum.
ingveldur@mbl.is
Morgunblaðið/Eggert
Jáeindaskanni Skanninn er að stærstum hluta gjöf Íslenskrar erfðagrein-
ingar til þjóðarinnar, heildarkostnaður verkefnisins er 1.038 milljónir kr.
Búist við leyfi fljótlega
 Jáeindaskanninn brátt í notkun