Morgunblaðið - 01.06.2018, Blaðsíða 15

Arion banki hf. birtir lýsingu í tengslum við:
• Umsókn um að hlutabréf verði tekin til viðskipta á Aðalmarkaði Nasdaq Iceland
• Umsókn um að hlutabréf í formi heimildarskírteina, Swedish Depository Receipt (SDR)
verði tekin til viðskipta á Aðalmarkaði Nasdaq Stockholm
• Almennt útboð á allt að 724.000.000 hlutum í bankanum í formi almennra hlutabréfa eða SDR
Heildarfjöldi útgefinna hluta í Arion banka er 2.000.000.000 og á bankinn 190.000.000 hluti.
Hver hlutur er 1 króna að nafnverði og hafa hlutirnir verið gefnir út í samræmi við íslensk lög. Viðskipti með
hlutina verða í íslenskum krónum í kerfum Nasdaq Iceland undir auðkenninu ARION (ISIN: IS0000028157)
en viðskipti með SDR verða í sænskum krónum í kerfum Nasdaq Stockholm undir auðkenninu ARIONs
(ISIN: SE0010413567).
Alþjóðlegt útboð 31. maí til 13. júní
Kaupskil og Trinity Investments Designated Activity Company (fjárfestingafélag sem er í stýringu Attestor
Capital LLP) hyggjast selja hlut í Arion banka í alþjóðlegu útboði. Markmið útboðsins er að gera félaginu
kleift að uppfylla skilyrði Nasdaq Iceland og Nasdaq Stockholm um dreifingu hlutafjár, að auka við breidd
hluthafahópsins og að félagið verði ákjósanlegur fjárfestingarkostur á eftirmarkaði auk þess sem seljendur
horfa til þess að selja eign sína á sem hagstæðustu verði.
Grunnstærð útboðsins er að lágmarki 452.500.000 en að hámarki 724.000.000 hlutir (hlutafé eða SDR)
eða sem nemur 25,0–40,0% af útistandandi hlutafé í bankanum. Seljendur geta tekið ákvörðun um að selja
67.875.000–108.600.000 hluti til viðbótar til að mæta mögulegri umframeftirspurn sem þýðir að heildar
söluandvirði yrði að lágmarki 35,4–41,1 milljarðar króna.
Útboðið nær til áður útgefinna hlutabréfa, hvort sem þau eru í formi hlutafjár eða SDR, og skiptist í þrennt:
1. Almennt útboð til íslenskra fjárfesta
2. Almennt útboð til sænskra fjárfesta
3. Alþjóðlegt útboð til fagfjárfesta sem uppfylla ákveðin skilyrði samkvæmt lögum
Allir hlutir í útboðinu verða seldir á sama útboðsgengi sem verður á bilinu 68–79 kr. á hlut/SDR.
Seljendur munu taka einhliða ákvörðun um úthlutun en gert er ráð fyrir að niðurstöður útboðs verði birtar
opinberlega 15. júní 2018.
Útboðið er með fyrirvara um að hlutir í bankanum verði teknir til viðskipta á Aðalmarkaði Nasdaq Iceland
og hlutir í formi heimildarskírteina (SDR) á Nasdaq Stockholm en báðar kauphallir hafa samþykkt skráninguna
með fyrirvara um að kröfum um dreifingu hlutafjár verði náð. Gert er ráð fyrir að kauphallirnar birti opinberlega
endanlegt samþykki sitt þann 15. júní 2018. Eindagi kaupverðs í almenna útboðinu er áætlaður 18. júní 2018 og
er gert ráð fyrir að skilyrt viðskipti geti hafist 15. júní 2018. Með skilyrtum viðskiptum er átt við viðskipti sem
eru háð þeim fyrirvara að hlutirnir (hvort sem þeir eru í formi hluta eða SDR) verði teknir til viðskipta.
Fjárfestingabankasvið Arion banka ásamt Carnegie, Citigroup og Morgan Stanley hafa umsjón með útboðinu
en Deutsche Bank, Goldman Sachs International, Handelsbanken Capital Markets, Íslandsbanki, Landsbankinn
og Fossar eru einnig söluaðilar í útboðinu.
Helstu skilmálar almenns útboðs á Íslandi
• Hver áskrift að andvirði 150.000–15.000.000 kr.
• Tekið við áskriftum á vef Arion banka frá 31. maí 2018 kl. 12.00 til 13. júní 2018 kl. 15.00
• Fjárfestar hafa heimild til að bæta við áskrift sína eða fella hana niður á útboðstímabilinu
• Aðstoð vegna almenna útboðsins má nálgast hjá verðbréfaráðgjöf Arion banka í síma 444 7000
og tölvupóstfanginu arion-utbod@arionbanki.is.
Minnt er á að fjárfesting í hlutabréfum felur í sér áhættu og að áskrift í útboðinu er bindandi við lok
útboðstímabilsins. Fjárfestar eru hvattir til að kynna sér vel upplýsingar um Arion banka og skilmála útboðsins
í lýsingu bankans og er sérstaklega bent á kafla um áhættuþætti.
Nánari upplýsingar
Útgefandi lýsingar er Arion banki hf., 581008-0150, Borgartúni 19, Reykjavík. Nánari upplýsingar um Arion
banka, hlutabréf bankans og skilmála útboðsins má finna í lýsingu bankans sem dagsett er 31. maí 2018 og birt
er á arionbanki.is/IPO. Þar má nálgast lýsinguna næstu 12 mánuði. Innbundin eintök af lýsingunni má nálgast
hjá Arion banka í Borgartúni 19, Reykjavík frá og með 5. júní 2018.
Reykjavík, 1. júní 2018 —— Stjórn Arion banka hf.arionbanki.is
Tilkynning um
birtingu lýsingar