Morgunblaðið - 07.06.2018, Síða 16

16 FRÉTTIRInnlent
MORGUNBLAÐIÐ FIMMTUDAGUR 7. JÚNÍ 2018
BAKSVIÐ
Baldur Arnarson
baldura@mbl.is
Fasteignaauður, sjóður í umsjón
Kviku banka, hefur hafið sölu nýrra
íbúða á Hverfisgötu 94-96. Alls verða
38 íbúðir í húsinu, en þær verða af-
hentar í desember á þessu ári.
Tryggvi Tryggvason, arkitekt hjá
arkitektastofunni Opus á Akureyri,
teiknaði fjölbýlishúsið en verk-
takafyrirtækið SA Verk byggir hús-
ið. Sömu aðilar
teiknuðu og
byggðu Skugga
hótel sem er að-
eins ofar á
Hverfisgötunni.
Daníel Þór
Magnússon,
sjóðsstjóri Fast-
eignaauðs, segir
fermetraverðið að
meðaltali um 670
þúsund krónur.
Íbúðirnar séu 59-186 fermetrar og
meðalstærðin um 99 fermetrar.
Verðið er 42-145 milljónir og er
fermetraverðið hæst í þakíbúðum.
Þær eru enda eftirsóttastar, að sögn
Daníels Þórs.
Hverfisgata 94-96 er steinsteypt,
u-laga fjölbýlishús. Undir því er bíla-
kjallari með 45 bílastæðum. Eitt
stæði fylgir hverri íbúð og verður
mögulegt að kaupa annað stæði.
Geymslur eru við hvert bílastæði.
Daníel Þór segir það koma sér vel
fyrir eigendur rafbíla. Auðvelt verði
að komast í rafmagn.
Klæðning með 40 ára ábyrgð
Daníel Þór segir mikið lagt í hönn-
un og frágang hússins. Til dæmis
verði það klætt með álklæðningu frá
þýska fyrirtækinu Prefa, sem bjóði
40 ára ábyrgð. Þá verði vandaðar við-
arinnréttingar og gólfhiti í öllum
íbúðum, en gólfsíðir gluggar í
sumum. Vaskar séu undirlímdir á
kvarsstein, sem sé fallegra og auð-
veldi þrif. Svalir séu forsteyptar sem
tryggi góða endingu. Íbúðir afhend-
ist fullbúnar en án gólfefna. Gert sé
ráð fyrir þvottavél og þurrkara í
þvottarými í hverri íbúð.
Daníel Þór segir íbúðirnar vel
skipulagðar. Hver fermetri nýtist því
vel. Berglind Berndsen og Helga
Sigurbjörnsdóttir, innanhúsarkitekt-
ar, sjái um innanhúshönnun. Þá sé
uppbrot á útveggjum. Fyrir vikið líti
fjölbýlishúsið út fyrir að vera nokkur
sambyggð hús.
Húsið er fimm hæðir. Uppsetning
glugga er langt komin og er byrjað
að setja upp milliveggi og raflagnir.
Þakgarðar fylgja íbúðum á fimmtu
hæð og snúa þeir bæði til norðurs að
Hverfisgötu og til suðurs að Lauga-
vegi. Lokaður bakgarður verður í
miðju hússins.
Fjögur atvinnurými á jarðhæð
Á jarðhæð verða rými fyrir þrjár
verslanir og eitt veitingahús. Rýmin
fjögur eru laus. Íbúðarýmin eru um
3.800 fermetrar. Fasteignasölurnar
Miklaborg og Miðbær munu sjá um
sölu íbúða og hefur nýr vefur,
Hverfisgatan.is, verið opnaður fyrir
verkefnið.
Á lóðinni var lengi bílastæði sem
meðal annars var ætlað starfsmönn-
um Landsbankans á Laugavegi 77.
Vestan við fjölbýlishúsið er félagið
Rauðsvík að byggja fjölbýlishús. Þá
er Rauðsvík að byggja fjölbýlishús
hinum megin við götuna, Hverfis-
götu 85-93, sem er skemmra á veg
komið en Hverfisgata 94-96.
Daníel Þór segir staðsetningu
fjölbýlishússins einstaka. Stutt sé í
verslun og þjónustu. Þá sé fjöldi
vinnustaða í göngufæri.
Ferðamönnum mun fjölga
Hann kveðst aðspurður ekki hafa
áhyggjur af því að hægt hafi á hag-
kerfinu. Þótt tímabil veldisvaxtar í
ferðaþjónustu sé að baki sé fjöldi
ferðamanna sem heimsækja Ísland
engu að síður mikill og muni vænt-
anlega fara vaxandi áfram næstu ár.
„Það er einkennilegt að ræða um
samdrátt í ferðaþjónustu þegar
ferðamönnum er ekki að fækka.
Rætt er um samdrátt þegar hlutfalls-
leg aukning er ekki jafn mikil. Það er
villandi orðræða. Við höfum fulla trú
á markaðnum miðsvæðis í Reykja-
vík. Við höfum fulla trú á þéttingu
byggðar og þessar íbúðir verða allar
vel staðsettar. Ég tala nú ekki um
þegar og ef borgarlínan kemst ein-
hvern tímann á kopp. Við sjáum fyrir
okkur litríkt og skemmtilegt svæði
fyrir íbúa. Íbúðirnar eru af fjöl-
breyttri stærð.“
Daníel Þór er að sama skapi bjart-
sýnn á að góð eftirspurn verði eftir
þjónusturýmum á jarðhæð. Um 400
nýjar íbúðir séu að koma á markað
milli Lækjartorgs og Höfðatorgs.
Miðað við tvo í íbúð þýðir það 800
nýja íbúa. „Þétting byggðar verður
til þess að auka eftirspurn íbúa eftir
verslun og þjónustu í hverfinu,“ segir
Daníel Þór. Stærri íbúðirnar henti
fólki sem er að flytja úr sérbýli. „Við
höfum fundið fyrir því í öðrum verk-
efnum að fólk er að gefast upp á
garðinum og flytja í fjölbýlishús. Því
það er mikil vinna að vera með garð.“
Lúxusíbúðir á Hverfisgötu
 Fasteignaauður, sjóður í umsjón Kviku, setur 38 íbúðir á Hverfisgötu í sölu  Kosta 42-145 milljónir
 Þakgarðar fylgja íbúðum á fimmtu hæð  Veitingahús og verslunarrými verða á jarðhæð hússins
Hverfisgata 94-96 Nýbyggingin er á horni Hverfisgötu og Barónsstígs. Bílakjallari er undir húsinu. Stefnt er að því að afhenda íbúðirnar fyrir áramót.
Bakhliðin Húsið er u-laga og er bakgarður fyrir íbúa. Hann snýr í suður.
Breyting Vestan við Hverfisgötu 94-96 er að rísa annað fjölbýlishús.
Daníel Þór
Magnússon
Teikningar/Onno
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Full búð af
fallegum
sundfötum