Morgunblaðið - 28.06.2018, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 28. JÚNÍ 2018
Teitur Gissurarson
teitur@mbl.is
„Þessar niðurstöður segja okkur að
það eru aðrir kostir mögulegir,“
segir Ingibjörg Birna Erlingsdóttir,
sveitarstjóri Reykhólahrepps, í sam-
tali við Morgunblaðið. Niðurstöður
úr rýni á tillögum að endurbótum á
Vestfjarðavegi, sem norska verk-
fræðistofan Multiconsultant kemst
að, voru kynntar á opnum fundi í
gærkvöldi, en í niðurstöðunum kem-
ur fram tillaga sem ekki hefur litið
dagsins ljós áður. Sveitarstjórn og
Vegagerðin höfðu ákveðið að fara
svokallaða Þ-H leið en sú ákvörðun
hafði mætt andspyrnu, meðal annars
vegna þess að leiðin liggur um nátt-
úruverndarsvæðið Teigsskóg, sem
hefði orðið fyrir talsverðu raski
vegna framkvæmdanna. „Teigs-
skógur er náttúruverndarsvæði sem
nýtur verndar 61. greinar náttúru-
verndarlaga,“ segir Ingibjörg, en í
lögunum stendur m.a. að forðast beri
að raska vistkerfum og jarðminjum
nema brýna nauðsyn beri til. „Við
töldum okkur vera búin að finna
þessa brýnu nauðsyn en nú er spurn-
ing þegar þessi kostur er kominn
sem þarna er lagður fram hvort sá
rökstuðningur sé farinn,“ segir Ingi-
björg og bætir við: „Þarna er hægt
að fara aðra leið sem kostar svipað
mikið án þess að fara yfir náttúru-
verndarsvæði.“
Ásamt því að fara yfir kosti og
galla fyrirliggjandi tillaga leggur
Multiconsultant til að lögð verði brú
yfir mynni Þorskafjarðar, milli
Skálaness og Reykjaness. Norska
tillagan er frábrugðin tillögum sem
áður hafa verið kynntar að því leyti
að hinn nýi vegur myndi liggja í
gegnum Reykhóla um Reykhólaveg-
inn sem þar er fyrir. Þá segir í gögn-
unum að umbóta væri þörf á nokkr-
um stöðum á veginum en samkvæmt
útreikningum ætti framkvæmdin að
kosta um 6,9 milljarða en Þ-H leiðin
um Teigsskóg myndi kosta um 6,6
milljarða.
Þá myndi hinn nýi vegur stytta
aksturstíma um rúman hálftíma en
þær tillögur sem teknar eru fyrir í
norsku rýninni gera allar ráð fyrir
svipuðum aksturstíma.
Jarðgöng í kortunum?
Vegagerðin hafnaði fyrir nokkrum
árum hugmyndum um að vegurinn
yrði lagður í jarðgöngum undir
Hjallaháls. Þeim hugmyndum hefur
þó verið af sumum haldið á lofti, sér-
staklega vegna þess að Teigsskógur
yrði þá ekki fyrir hnjaski, og fá þær
hugmyndir nokkra athygli í rýninni
frá Multiconsultant. Þar er m.a. lagt
til að stytta jarðgöngin og að þvera
Djúpafjörð innar í firðinum. Ingi-
björg segir að þrátt fyrir þessa
greinargóðu rýni komi þetta ekki til
greina. „Hún er eiginlega bara að
rökstyðja það hversu dýrt þetta er.
Jú, það er hægt að gera styttri göng
en þá lengist vegurinn og þeir eru
því aðallega að staðfesta kostnað-
inn,“ segir Ingibjörg og bætir við að
kostnaðurinn við slíka framkvæmd
hafi ætíð verið stærsta hindrunin í
málinu en einnig að gangagerð taki
að jafnaði langan tíma.
Verður að gerast sem fyrst
Umræða um umbætur á Vest-
fjarðavegi hefur í áraraðir verið á
vörum margra íbúa Reykhólahrepps
og fleiri íbúa á Vesturlandi. Eins og
áður segir hefur náttúruverndar-
svæði Teigsskógur verið helsta
þrætueplið, en árið 2008 voru háð tvö
dómsmál fyrir Hæstarétti vegna
áætlaðra framkvæmda á svæðinu.
Ingibjörg segir að þrátt fyrir að
ýmis álitaefni séu uppi um vegafram-
kvæmdir á svæðinu séu íbúar sam-
mála um eitt; breytinga sé þörf sem
fyrst.
„Í upphafi þessarar vinnu [rýni-
vinnu Multiconsultant] vorum við
með íbúafund þar sem fólk fékk
tækifæri á að koma og hitta ráðgjaf-
ana áður en þeir færu af stað. Þá
voru þeir bara búnir svona rétt að
rýna þetta og vildu fá að heyra frá
fólkinu hvað það sæi fyrir sér og þá
kom í ljós að það voru allar raddir
uppi. Eitt sameiginlegt atriði kom úr
fundinum og það var að þetta yrði að
gerast strax. Það var eini sameigin-
legi punkturinn.“
Teikning/Multiconsultant
Mannvirki Norska verkfræðistofan Multiconsultant leggur til að um 800 metra löng brú verði lögð frá Reykjanesi yfir á Skálanes.
Leggja til brú yfir fjörðinn
 Norsk verkfræðistofa kynnti nýjar leiðatillögur um Vestfjarðaveg  Teigs-
skógur fær að vera í friði samkvæmt nýjustu tillögum  Brú yfir Þorskafjörð
Ljósmynd/Reykhólahreppur
Fundað Íbúar í Reykhólahreppi eru duglegir að ræða málin sín á milli.
Ríkisstjórnin samþykkti í morgun
að forgangsraða 65 af 169 und-
irmarkmiðum heimsmarkmiða
Sameinuðu þjóðanna við innleið-
ingu þeirra á Íslandi, skv. vef
Stjórnarráðsins. Þá samþykkti rík-
isstjórnin að opnuð yrði samráðs-
gátt á vef Stjórnarráðsins um
heimsmarkmiðin þar sem öllum
verður frjálst að koma áherslum,
verkefnum og hugmyndum sínum
tengdum heimsmarkmiðunum á
framfæri til verkefnastjórnar
heimsmarkmiða Sameinuðu þjóð-
anna.
Stjórnvöld stefna að því að öll
markmið sem eiga við um Ísland
náist fyrir árið 2030. Mannkynið,
jörðin, hagsæld, friður og samstarf
eru fimm meginstef markmiðanna
og með þeim er jafnframt lögð
áhersla á allar þrjár stoðir sjálf-
bærrar þróunar; hina félagslegu,
efnahagslegu og umhverfislegu.
Samráðs-
gátt verði
opnuð
Íþróttafrétta-
maðurinn Hjört-
ur Hjartarson
hefur óskað eftir
starfslokum hjá
fjarskiptafélag-
inu Sýn. Uppsögn
Hjartar kemur í
kjölfar þess að
hann var sendur
heim frá HM í
Rússlandi eftir að
hafa orðið uppvís að óæskilegri
hegðun.
Hjörtur greinir frá þessu á Face-
book. Þar kveðst hann skilja vel þau
hörðu viðbrögð sem framkoma hans
hafi vakið og að áfengisneysla sé
engin afsökun fyrir slíkri hegðun.
Tugir fjölmiðlakvenna höfðu krafist
aðgerða vegna máls Hjartar.
„Ég hyggst einbeita mér að því að
bæta fyrir framkomu mína, bæði
gagnvart nákomnum og öðrum,“
segir Hjörtur.
Hjörtur sagði
sjálfur starfi
sínu lausu
Hjörtur
Hjartarson
ið leiðrétt. Óskaði hún eftir því að
forsætisnefnd skoðaði að grípa til
viðeigandi ráðstafana.
Í yfirlýsingu Mörtu frá því í gær
hafnar hún því að hafa brotið siða-
Höskuldur Daði Magnússon
hdm@mbl.is
„Minnisblaðið talar í raun fyrir sig
sjálft. Það er ekkert sem kemur
fram í yfirlýsingu Mörtu sem hrek-
ur það sem kemur fram í minn-
isblaðinu. Það er það sem skiptir
mestu máli,“ segir Helga Björk
Laxdal, skrifstofustjóri borgar-
stjórnar Reykjavíkur, í samtali við
Morgunblaðið.
Marta Guðjónsdóttir borgar-
fulltrúi sendi í gær frá sér yfirlýs-
ingu þar sem hún gagnrýndi
minnisblað Helgu Bjarkar sem lagt
var fram á fundi forsætisnefndar
borgarstjórnar í byrjun vikunnar.
Sagði Marta að skrif Helgu Bjarkar
væru „fáheyrt frumhlaup háttsetts
embættismanns“ og ekki til þess
fallin að auka traust milli kjörinna
fulltrúa og embættismanna.
Í minnisblaðinu kom fram að
Helga telur að ákvæði sveitarstjórn-
arlaga um réttindi og skyldur kjör-
inna fulltrúa og siðareglur kjörinna
fulltrúa hjá Reykjavíkurborg hafi
verið brotin á fyrsta fundi nýrrar
borgarstjórnar þegar starfsmenn
borgarinnar voru sakaðir um trún-
aðarbrest og brot á starfsskyldum
sínum án þess að það hafi síðar ver-
reglur gegn starfsmönnum Reykja-
víkurborgar. „Svokallað „minnis-
blað“ skrifstofustjóra borgar-
stjórnar er að mínum dómi fáheyrt
frumhlaup háttsetts embættis-
manns sem á um fram allt að gæta
hlutleysis og vera ekki að skipta sér
af pólitískum umræðum kjörinna
fulltrúa,“ segir Marta. „Þó skrif-
stofustjórinn telji að starfsheiðri
sínum vegið með einhverjum um-
mælum kjörinna fulltrúa, hefur hún
ekkert umboð né aðrar lagaheim-
ildir til að setja sig á stall ákæru- og
úrskurðarvalds yfir kjörnum
fulltrúum, með pólitísku „minnis-
blaði“ sem er ætlað að gera lítið úr
tilteknum kjörnum fulltrúum og
heldur í þokkabót fram alvarlegum
rangfærslum.“
Helga Björk telur málið í eðlileg-
um farvegi. „Ég var bara að vinna
vinnuna mína. Ég upplýsi að þarna
hafi verið misskilningur í gangi í
borgarstjórn og fór þær leiðir sem
ég hef til þess. Ég treysti forsæt-
isnefnd fullkomlega til að taka á
þessu máli.“
Hafnar ásökunum um „fáheyrt frumhlaup“
 Skrifstofustjóri borgarstjórnar segist „bara hafa verið að vinna vinnuna sína“ með minnisblaði
 Marta Guðjónsdóttir hafnar því að hafa brotið siðareglur og segir minnisblaðið pólitískt og frumhlaup
Morgunblaðið/Kristinn Magnússon
Átakafundur Hart var tekist á á fyrsta fundi nýrrar borgarstjórnar.
Marta
Guðjónsdóttir
Helga Björk
Laxdal.