Morgunblaðið - 28.06.2018, Page 35

FRÉTTIR 35Innlent
MORGUNBLAÐIÐ FIMMTUDAGUR 28. JÚNÍ 2018
Sigurður Bogi Sævarsson
sbs@mbl.is
„Nýja göngubrúin er afar þörf og
mikilvæg framkvæmd sem greiðir
götu fólks um svæði sem er æ fjöl-
farnara. Við erum satt að segja
mjög stolt af þessari framkvæmd,
sem er afar skemmtilega útfærð,“
segir Helgi Kjartansson, oddviti
Bláskógabyggðar. Um síðastliðna
helgi var formlega tekin í notkun
ný göngubrú yfir Svartá við Árbúð-
ir á Biskupstungnaafrétti. Þetta er
vestan við Kjalveg og skammt fyrir
norðan Bláfellsháls og Hvítárvatn.
Mun brúin auðvelda gangandi og
hjólandi fólki að komast yfir Svartá
þegar farið er á milli Árbúða og
Hvítárness, en þar er vel þekktur
skáli í eigu Ferðafélags Íslands.
Milli þessara skála eru örfáir kíló-
metrar.
Byggt í sjálfboðaliðsstarfi
Að koma upp brú yfir Svartá er,
að sögn oddvitans, hluti af þeirri
viðleitni heimamanna að vernda
viðkvæma náttúru hálendisins, sem
felst meðal annars í því að stýra
umferð ferðafólks um ákveðnar
leiðir til að draga úr óþarfa álagi á
viðkvæman gróður.
Brúarsmíðin er frumkvæðisverk
og sjálfboðastarf tveggja manna í
Biskupstungum, þeirra Lofts Jón-
assonar í Myrkholti og Guðmundar
Ingólfssonar vélvirkjameistara á
Iðu. Guðmundar hannaði og smíð-
aði brúna, sem er 17 metra löng, en
burðarvirki hennar er gamall
byggingarkrani. Undir brúnni eru
svo öxlar með hjólum, svo draga
má hana á þurrt land á hverju
hausti. Það verður raunar gert, því
áin bólgnar svo upp af krapa og ís á
veturna að yfirborð hennar getur
hækkað um marga metra svo allt
sem í nágrenninu er flýtur út.
Loftur Jónasson, sem sér um
rekstur fjallaskálans í Árbúðum,
lagði svo timburgólf brúarinnar.
Allt var þetta unnið á ódýrasta
máta, en Ferðafélag Íslands
styrkti efniskaup enda fara hópar á
þess vegum oft um þessar slóðir.
Afréttur er fólki kær
„Biskupstungnaafréttur er okk-
ur kær og að mínu mati eru engir
betur fallnir til þess að gæta
óbyggðanna en einmitt heimamenn
á hverjum stað. Hér í sveit sækir
fólk mikið inn á fjöll og sinnir ýmsu
sem kemur landinu til góða. Þarna
hefur til dæmis verið ekið miklu af
heyi í rofabörð, sem hefur haldið
aftur af uppblæstri og sandfoki. Þá
hafa verið byggðir þarna upp
fjallaskálar og þjónusta verið efld,
enda er svæðið áhugavert og gam-
an að fara þar um,“ segir Helgi
Kjartansson.
Breytti gömlum byggingar-
krana í göngubrú á hjólum
 Nýstárlegt mannvirki á Biskupstungnaafrétti  Milli Árbúða og Hvítárness
Ljósmynd/Aðsend
Mannvirki Brúin var smíðuð eftir máli inn í staðhætti við Svartá. Nú kemst fólk þurrum fótum yfir ána en þessar
slóðir á afréttinum eru fjölfarnar og nú í júnílok er greið leið um Kjalveg sem er þarna skammt frá.
Tungnamenn Frá vinstri: Guðmundur Ingólfsson á Iðu, Helgi Kjartansson,
oddviti Bláskógabyggðar, og Loftur Jónasson í Myrkholti.
Lísbet Sigurðardóttir
lisbet@mbl.is
Yfirlýsing um aukna áherslu á
vatnsöryggi meðal smáríkjanna Ís-
lands, Andorra, Kýpur, Lúxem-
borgar, Möltu, Mónakó og Svart-
fjallalands var undirrituð á
smáríkjafundi Alþjóðaheilbrigðis-
málastofnunarinnar, WHO, sem
fram fór í gær og fyrradag í Reykja-
vík. Yfirlýsingin miðar að því að
bregðast við auknum áhrifum lofts-
lagsbreytinga á vatn og vatnsöryggi.
Í yfirlýsingunni kemur fram að
ríkisstjórnir og valdhafar á öllum
stjórnsýslustigum landanna beri al-
menna ábyrgð á að standa vörð um
umhverfismál, þvert á flokkslínur.
Svandísi annt um umhverfismál
Áhrif loftslagsbreytinga og marg-
víslegar ógnir sem af þeim stafa
voru meðal þess sem rætt var á
fundinum. Dr. Zsuzsanna Jakab,
framkvæmdastjóri Evrópuskrif-
stofu WHO, og Svandís Svav-
arsdóttir heilbrigðisráðherra héldu
erindi á fundinum en að auki sækja
fundinn heilbrigðisráðherrar þátt-
tökuþjóðanna, framkvæmdastjóri
Evrópuskrifstofu WHO, embætt-
ismenn og sérfræðingar.
„Sem fyrrverandi ráðherra um-
hverfismála er mér ofarlega í huga
hvernig áhrif loftslagsbreytinga
ógna heilbrigði þjóða,“ sagði Svandís
meðal annars í opnunarávarpi sínu.
WHO hefur undanfarin ár staðið
fyrir fundum smáríkja um heilbrigð-
ismál, en öll ríkin eiga það sam-
eiginlegt að íbúafjöldi þeirra er
minni en milljón. Á þessum fundum
er meðal annars fjallað um það
hvernig smáríki geti skapað for-
dæmi og verið fyrirmynd annarra
þjóða á sviði sjálfbærra verkefna í
þágu velferðar og heilsu.
Morgunblaðið/Árni Sæberg
Fundur smáríkja Ríkin vilja skapa
fordæmi í umhverfismálum.
Yfirlýsing um
vatnsöryggi
 Smáríkjafundur WHO í Reykjavík
Börn af leikskólanum Krílakoti
tóku skóflustungu að nýju frysti-
húsi Samherja á Dalvík fyrir
skömmu og var starfsfólk Sam-
herja þeim til halds og trausts.
Undanfarið hefur verið unnið að
landfyllingu á svæðinu og er henni
nú að mestu lokið. Skrifað var und-
ir lóðaleigusamning á milli Dalvík-
urbyggðar og Samherja í maí í
fyrra og við það tilefni sagði Þor-
steinn Már Baldvinsson, forstjóri
fyrirtækisins, að þar með væri stig-
ið stórt skref í átt að nýrri og full-
komnari vinnslu fyrirtækisins í
bænum.
Við sama tilefni sagði hann að
með nýrri vinnslu á Dalvík og smíði
Björgúlfs EA væri Samherji að fjár-
festa í veiðum og vinnslu á Dalvík
fyrir a.m.k. 6.000 milljónir króna.
Í frétt á vef Dalvíkurbyggðar
segir að svæðið sé nú tilbúið fyrir
næsta áfanga framkvæmdarinnar.
Leikskólabörn tóku
fyrstu skóflustung-
una að frystihúsi
Landsréttur hefur dæmt karlmann
í þriggja ára fangelsi fyrir þrjár
líkamsárásir, hótanir, ólögmæta
nauðung, nauðgun og stórfelldar
ærumeiðingar gagnvart þáverandi
sambýliskonu sinni.
Landsréttur mildar þar með dóm
Héraðsdóms Reykjavíkur úr
þriggja og hálfs árs langri fangels-
isvist vegna tafa á útgáfu ákæru.
Manninum er einnig gert að
greiða konunni 2 milljónir króna í
miskabætur auk vaxta, en héraðs-
dómur hafði gert honum að greiða
3 milljónir.
Brotin sem ákærði er sakfelldur
fyrir voru framin í mars og apríl
2014, en ákæra var gefin út 28 mán-
uðum seinna og því mildaði Lands-
réttur dóm héraðsdóms.
Í dómi Landsréttar kemur meðal
annars fram að við skýrslutöku hafi
brotaþoli lýst því að ákærði hafi
reynt að drekkja henni í baðkari,
reynt að sættast við hana og í fram-
haldi haft við hana samræði gegn
vilja hennar. Framburður brota-
þola þótti trúverðugur en fram-
burður ákærða misvísandi og óljós.
Þriggja ára dómur
fyrir ofbeldi gegn
sambýliskonu