Skírnir - 01.09.2015, Blaðsíða 36

Ísland hefðu lengi verið náin og góð. Hann sjálfur hefði sem forseti
Íslands heimsótt Kína fimm sinnum á síðustu sex árum — og verið
gestgjafi fleiri sendinefnda frá Kína heldur en Bandaríkin, Bretland,
Þýskaland, Frakkland, Ítalía og Spánn samanlagt. Kína og Indland
hefðu reynst sannir vinir Íslendinga í þrengingum. Bandaríkin
hefðu ekki sýnt neinn áhuga á málefnum Íslands eftir lokun her -
stöðvar sinnar í landinu. Ráðamenn Evrópusambandsins hefðu al -
farið neitað Íslendingum um afstoð eftir hrunið, tekið eindregna
afstöðu með Bretum og Hollendingum og „beint byssum sínum að
Íslandi“ í Icesave-deilunni („Iceland’s President …“ 2011).
Í viðtali við Morgunblaðið skömmu síðar upplýsti forsetinn að
hann teldi að Icesave-samningarnir hefðu verið Íslendingum mjög
óhagstæðir. Í stað þess að semja hefðu íslensk stjórnvöld átt að bíða
og sjá hvað fengist fyrir eignir gamla Landsbankans til að greiða
upp í kröfur vegna Icesave-reikninganna. Íslensk stjórnvöld hefðu
hafnað þessari leið og hreinlega gefist upp:
Menn beygðu sig fyrir þessu ofbeldi af hálfu Evrópuþjóðanna og sam -
þykktu fyrst samning sem var svo óheyrilegur að ekki aðeins hrópaði ís-
lenska þjóðin hann af heldur hlupu Bretar og Hollendingar frá honum […]
… ef haldið hefði verið á málum af skynsemi frá upphafi þá var bara algjör
óþarfi að setja íslenska þjóð og samstarf okkar við Evrópuríkin í þessa
spennitreyju. („Forsetinn segir stjórnvöld …“ 2011)
Í ræðu í september 2011 virtist forsetinn hafa endurheimt fyrra
sjálfstraust og fullvissu um Ísland sem fyrirmynd annarra þjóða:
Ólafur Ragnar Grímsson var nú kominn í kunnuglegan gír sem for-
seti Íslands (Ólafur Ragnar Grímsson 2011b). Orðin voru ekki hin
sömu en meginstefið hið sama og á blómatíma útrásarinnar: Ís-
lendingar eru hæfileikarík þjóð sem á að treysta fyrst og fremst á
sjálfa sig. Aðild Íslands að ESB er beinlínis skaðleg. Við eigum ekki
samleið með þjóðum sem reyna að kúga okkur þegar við eigum um
sárt að binda.
Stjórnlagaráð skilaði tillögum að nýrri stjórnarskrá til Alþingis
í júlí 2011. Forsetinn gerði þær að eina umtalsefninu í þingsetning-
arræðu sinni um haustið (Ólafur Ragnar Grímsson 2011c). Hann
sagði að tillögurnar fælu í sér veigamiklar breytingar á stjórnskipun
336 svanur kristjánsson skírnir
Skírnir Haust 2015 NOTA ÞESSA.qxp_Layout 1 19.10.2015 10:51 Page 336