Skírnir - 01.09.2015, Blaðsíða 194

nægja að svo miklu leyti sem í mínu valdi stendur. (Magnús Eiríksson
1857: 140)
Þrátt fyrir fjárhagslegan vanda sinn gat því Magnús ekki samvisku
sinnar vegna tekið við prestsembættinu og gengið til liðs við kirkj-
una. Magnús skrifar:
En nú er þessi freistíng, með guðs hjálp, yfirunnin og yfirsjónin er, að mínu
áliti, lítið að reikna hjá því, ef eg hefði gjört það, sem eg ekki gat gjört með
góðri samvizku. (Magnús Eiríksson 1857: 140)
Til þessara orða er vitnað í nánast öllum þeim greinum sem skrif aðar
hafa verið um Magnús. Bæði andstæðingar hans og fylgjendur telja
þau mjög virðingarverð. Magnús seldi ekki samvisku sína.
II. Illdeilur við Íslendinga um Jóhannesarguðspjall
(1864–1869)
Árið 1863 gaf Magnús Eiríksson út bókina Er Johannes-Evangeliet
et apostolisk og ægte Evangelium …? Tveimur árum síðar kom
einnig út styttra ágrip af bókinni á íslensku undir heitinu Jóhann-
esar guðspjall og Lærdómur kirkjunnar um guð, nokkrar athuga-
semdir til yfirvegunar þeim Íslendíngum, sem ekki vilja svívirða og
lasta guð með trú sinni. Í þessum ritum gagnrýnir Magnús Jóhann-
esarguðspjall og telur það allt annars eðlis en hin þrjú guðspjöll
Biblíunnar. Magnús færir rök fyrir því að í Jóhannesarguðspjalli
komi fram sú hugmynd að Jesús sé sonur Guðs eða jafnvel Guð
sjálfur í mannsmynd. Þetta segir Magnús að standist ekki því það sé
aðeins einn Guð og Jesús sé einungis þjónn hans og spámaður.
Hann færir jafnframt rök fyrir því að Jóhannesarguðspjall sé skrifað
eftir dauða Jóhannesar postula og því sé það falsað. Á Íslandi mættu
þessi rit harðri andstöðu og margir skrifuðu á móti þeim.
Í fyrstu, áður en hin íslenska gerð bókarinnar kom út, gagn -
rýndu tveir ónafngreindir höfundar þetta rit Magnúsar, annar
skamm stafar nafn sitt E.Th.3 en hinn er algjörlega hulinn. Báðir
494 vilhjálmur árnason og jón b. pálson skírnir
3 Síðar hefur komið fram að hans rétta nafn var Einar Thorlacius.
Skírnir Haust 2015 NOTA ÞESSA.qxp_Layout 1 19.10.2015 10:51 Page 494