Skírnir - 01.09.2015, Side 215

515falskennandi eða einherji sannleikans?
sem birtist í Lesbók Morgunblaðsins sama ár. Auk þess kom út fjög-
urra binda verkið Kristni á Íslandi árið 2000 þar sem Magnúsar er
eingöngu minnst sem kvenréttindafrömuðar.
Á nýrri öld tekur viðtökusaga Magnúsar hins vegar nýja stefnu.
Þá fara fræðimenn að rannsaka samband Magnúsar við trúarhugs -
uðinn og heimspekinginn Søren Kierkegaard en það hafði verið
nánast órannsakað á Íslandi fram að þessu. Þrjár greinar hafa verið
ritaðar um þetta og mynda þær síðasta meginstefið í viðtökusögu
Magnúsar Eiríkssonar á Íslandi. Í öllum þessum greinum er fjallað
um það hvernig Magnús hreifst af baráttu Kierkegaards gegn helstu
guðfræðispekingum í Danmerkur en gagnrýndi jafnframt margar
af hans meginröksemdum gegn trúarhugmyndum þeirra.
Hér ber fyrst að nefna grein Jóhönnu Þráinsdóttir (2000), „Er
trúin þverstæða: Gagnrýni Magnúsar Eiríkssonar á trúarskoðunum
Kierkegaards í Ugg og ótta“ sem hún vann í tengslum við loka-
verkefni sitt í guðfræði við Háskóla Íslands. Í öðru lagi kemur gagn-
rýni Magnúsar á Kierkegaard við sögu í enskri grein Vilhjálms
Árnasonar (2009: einkum 221f) um þær viðtökur sem Kierkegaard
hlaut meðal Íslendinga. Vilhjálmur skipulagði einnig málstofu um
Magnús Eiríksson á norrænni ráðstefnu sem haldin var í Háskóla Ís-
lands á vegum Heimspekistofnunar Háskóla Íslands og Rann-
sóknaseturs um Søren Kierkegaard vorið 2013. Aðalræðumaður á
þeirri málstofu var Þjóðverjinn Gerhard Schreiber sem vinnur nú að
greinasafninu Magnús Eiríksson: A Forgotten Contemporary of
Kierkegaard sem mun koma út á vegum Rannsóknaseturs um Søren
Kierkegaard á þessu ári. Schreiber hefur helgað sig rannsóknum á
ritum Magnúsar og hélt málstofu um þau við námsbraut í heim-
speki á vormisseri 2015. Í vorhefti Skírnis 2014 birti Schreiber grein-
ina „Magnús Eiríksson: Vanræktur samtímamaður Sørens Kierke -
gaard“. Það er við hæfi að þessi lærða málsvörn fyrir Magnús Ei-
ríksson skyldi birtast í Skírni sem hafði verið vettvangur þeirra
tveggja fyrri ritsmíða, eftir Hafstein Pjetursson og Ágúst H. Bjarna-
son, sem hafa verið hvað áhrifamestar í viðtökusögu Magnúsar
Eiríkssonar meðal Íslendinga.
Nýjustu atburðir í þessari viðtökusögu Magnúsar Eiríkssonar
meðal Íslendinga sýna að rit hans eru nú „í metum höfð“, svo segja
skírnir
Skírnir Haust 2015 NOTA ÞESSA.qxp_Layout 1 19.10.2015 10:52 Page 515