Skírnir - 01.09.2015, Blaðsíða 68

Lengsti hluti kaflans um ástina í Viaticum fjallar um það hvernig
lækna skuli þetta ástand. Helstu ráðleggingar eru kynmök, vín-
drykkja, baðferðir, samtöl, tónlist og ljóðlist (Constantine 1990:
192–193). Wack (1990: 45) segir tilganginn hafa verið þann að endur -
heimta jafnvægi líkamsvessanna en um leið átti þetta að hressa sjúk-
linginn við og rjúfa sjálfskipaða einangrun hans. Ráðleggingarnar
gátu verið ansi nákvæmar. Þannig segir Konstantín að víndrykkja í
góðra og gáfaðra vina hópi muni lyfta anda sjúklingsins en bætir við
að best sé ef víndrykkjan eigi sér stað í björtum ilmandi ávaxta-
görðum — ef það sé ekki hægt skuli velja fallegt herbergi þar sem
búið sé að dreifa rósablöðum (Constantine 1990: 193). Konstantín
mælir enn fremur sterklega með baðferðum, en telur hinsvegar rétt
að sjúklingnum sé hlíft við að sjá ógeðfellt fólk við böðunina. Ef vel
til takist fari sjúklingurinn aftur á móti að syngja (Constantine 1990:
193). Sjúklingnum skal halda uppteknum svo athygli hans beinist að
öðru en ástkonunni og í viðauka er jafnvel lagt til að konan sé rægð
í návist hans. Best sé að fá til þess verks eldri konu sem geti sagt
lítil lækkandi og niðrandi hluti um hana (Gerard of Berry 1990: 203).
Þessi aðferð — að kynda undir andúð á konunni — endurómar
leiðbeiningar Óvíðs í Remedia amoris þar sem hann mælir með að
elskhuginn heimsæki konuna óvænt snemma morguns:
Proderit et subito, cum se non finxerit ulli, 341
Ad dominam celeres mane tulisse gradus.
[…]
Improvisus ades, deprendes tutus inermem: 347
Infelix vitiis excidet illa suis.8
(Það er gagnlegt að heimsækja hana óundirbúið að morgni til áður en
hún hefur haft tíma til að snyrta sig. […] Komdu óvænt, bjargaðu
sjálfum þér, þú nærð henni óvopnaðri og gallar hennar verða nægir til
að steypa henni af stóli.)9
368 brynja þorgeirsdóttir skírnir
8 Allar tilvitnanir í Remedia amoris eru úr útgáfu Georgs Patricks Goold (Ovid
1979). Framvegis er vísað til þeirrar gerðar. Línunúmer fylgja tilvitnunum.
9 Allar íslenskar þýðingar úr Remedia amoris eru gerðar af höfundir þessarar
greinar eftir enskri þýðingu Johns Henrys Mozley, eins og hún birtist í útgáfu
Georgs Patricks Goold (Ovid 1979).
Skírnir Haust 2015 NOTA ÞESSA.qxp_Layout 1 19.10.2015 10:51 Page 368