Jökull - 01.06.2000, Qupperneq 95

Magnús T. Guðmundsson
botn Virkisjökuls í Öræfasveit. Annar hópur á veg-
um háskólans í Keele í Englandi vann í samstarfi við
Óskar Knudsen jarðfræðing að rannsóknum á setlög-
um á Skeiðarársandi, einkum í tengslum við Skeiðar-
árhlaupið 1996.
Framhlaup í Hagafellsjöklum
Síðastliðið haust varð vart við ókyrrð í Hagafellsjökl-
um sem ganga suður úr Langjökli. Töluverðar sprung-
ur mynduðust á efri hluta jöklanna og framskrið náði
sporði ofarlega við Jarlhettur. Ekki er fullljóst hver
framþróunin hefur orðið en í desember var svo að
sjá að framhlaupið hefði hægt á sér eða jafnvel hætt.
Nauðsynlegt er að huga að þessum jöklum á næstunni
til að fylgjast með framvindunni.
Eldgos í Grímsvötnum
Í febrúar á síðasta ári kom smáhlaup í Skeiðará.
Hlaupið varð við lága vatnsstöðu og náði rennslið
500-600 m

/s. Leki var stöðugur úr Vötnunum fram á
vor en í sumar hófst vatnssöfnun aftur. Þann 18. des-
ember hófst svo eldgos í Grímsvötnum og stóð það
til í 10 daga. Töluvert öskufall varð á Vatnajökli og
varð þess reyndar vart víða um landið. Í lok gossins
hafði hlaðist upp myndarlegur gígur. Félagið stóð fyrir
rannsóknarferð í Grímsvötn til að rannsaka ummerki
um gosið fyrir 3 vikum.
FUNDIR
Aðalfundurinn var haldinn 24. febrúar og að lokn-
um venjulegum aðalfundarstörfum og kaffidrykkju
sýndi Ástvaldur Guðmundsson myndir úr gullastokki
sínum. Vorfundurinn var haldinn 28. apríl og hélt
Magnús Tumi Guðmundsson erindi um innri gerð og
eðli Grímsvatna en eftir hlé sýndu þeir Freyr Jónsson
og Jón Svanþórsson myndir úr ferð sinni með jeppa
á Suðurskautslandið. Á haustfundinum, sem haldinn
var 3. nóvember, sagði Helgi Björnsson frá íssjármæl-
ingum á Langjökli en þær voru unnar vorið 1997. Eftir
hlé sýndi Árni Kjartansson myndir frá fyrri tíð og rakti
þar lauslega sögu ferða félagsins fyrstu 30 árin. Var
það erindi stórfróðlegt og skemmtilegt fyrir þá sem
vegna óhagstæðrar kennitölu misstu af þessum árum í
starfseminni.
ÚTGÁFA JÖKULS
Tveir árgangar Jökuls komu út á árinu. Í nóvember
kom 45. árgangur út með stórum greinum um jökla-
breytingar á síðustu áratugum og afkomu Vatnajök-
uls. Þá er rétt að nefna einnig ýtarlega grein Jóns Ísdal
með skrá yfir allar þekktar ferðir á Vatnajökul fram
til 1953. Í desember fylgdi svo 46. árgangurinn í kjöl-
farið. Útgáfustjóri Jökuls var Einar Gunnlaugsson en
Tómas Jóhannesson var ritstjóri jöklaheftisins. Rit-
stjórarnir Áslaug Geirsdóttir og Bryndís Brandsdóttir
höfðu á hendi faglega ritstjórn hins heftisins og vinna
nú að frágangi allmargra greina sem koma munu út
í næstu árgöngum Jökuls. Vonast er til að hægt verði
að gefa út tvo árganga bæði þetta ár og það næsta. Ef
það tekst mun 50. árgangur Jökuls koma út á réttu ári,
afmælisárinu 2000.
FRÉTTABRÉF
Oddur Sigurðsson varaformaður félagsins sá um út-
gáfu fréttabréfsins eins og undanfarin ár. Fimm frétta-
bréf komu út á árinu.
SUMARFERÐ
Farin var sumarferð á svæðið sunnan Langjökuls helg-
ina 11.-12. júní. Þátttakendur voru tæplega 40 en gist
var í góðum skála Guðmundar Þórðarsonar og félaga
við Tjaldfell norðan Skjaldbreiðs. Litið var inn í að-
stöðu Langjökulsferða norðan Geitlandsjökuls og ek-
ið um Húsafell og Borgarfjörð til Reykjavíkur.
HAUSTFERÐ
Venjubundin haustferð í Jökulheima var helgina 12.-
13. september. Til stóð að leggja af stað á föstudags-
kvöldi en mikið norðanveður með sandfoki olli því
að brottför var frestað til laugardagsmorguns. Þá gekk
allt óskum og undi fólk sér vel í öræfastemmningu
Jökulheima. Þátttakendur voru 36 en heimleiðis var
farið um Veiðivötn.
ÁRSHÁTÍÐ
Árshátíð félagsins var haldin í Fáksheimilinu í Víðidal
18. nóvember og sóttu hana um 70 manns. Þótti hún
takast með afbrigðum vel en nokkur halli varð þó á
hátíðinni. Skemmtinefndin sá um árshátíðina og þótti
standa sig með mikilli prýði.
94 JÖKULL No. 49