Breiðfirðingur - 01.04.1955, Qupperneq 39

BREIÐFIRÐINGUR
37
syni, sem nú er látinn, 75 ára að aldri. Hann andaðist í
Landakotsspítala sunnudaginn 2. október 1955. Fór útför
hans fram frá Fossvogskirkju mánudaginn 10. október, að
viðstöddum fjölmennum hópi vina og vandamanna.
Sveinbjörn Pétur Guðmundsson fæddist í Skáleyjum á
Breiðafirði 23. apríl 1880, sonur búenda þar, Steinunnar
Sveinbjörnsdóttur og Guðmundar Jóhannessonar, merkis-
hjóna og gáfaðra, komin af eyja og Vestfjarðaættum í
bæði kyn.
I foreldrahúsum ólst Sveinbjörn upp, elzti sonur í stór-
um systkinahópi.
Snemma varð augljóst andlegt atgervi hans og fjölþættar
gáfur, en örlögin rufu allar vonir um skólanám, því að
faðir hans lézt er Sveinbjörn var á fermingaraldri. Þurfti
hann því að beita starfsorku sinni til styrktar móður og
systkinahópnum. En til þess að seðja sárasta námshungrið,
fór hann í Olafsdalsskóla og útskrifaðist þaðan innan tví-
tugs.
Torfi í Ólafsdal mun hafa séð hvað í sveininum bjó,
því að í stað þess að skipa honum til verka með öðrum
námssveinum, að vetrum, utan bóknámstíma, lét hann Svein-
bíörn kenna börnum sínum. Var það fyrsti grundvöllurinn
að kennslustörfum hans, er hann iðkaði síðan, öðru hverju,
alla ævina.
Að loknu búfræðinámi hvarf Sveinbjörn úr átthögunum
og fluttist austur á land til séra Jóhanns Lúthers, móður-
hróður síns, prests að Hólmum í Reyðarfirði.
Hvort dulin von um möguleika til framhaldsnáms hefur
falizt bak við þessa brottför hans frá æskustöðvunum, veit
ég ekki með vissu, en mig grunar það.
Austan lands, eða í Reyðarfirði, lifði hann og starfaði
öll beztu ár ævi sinnar, að undanskilinni ársdvöl í Breiða-
fjarðareyjum, sem á er minnzt í upphafi þessara orða.