Breiðfirðingur - 01.04.1956, Side 74

72
BREIÐFIRÐINGUR
utan til á Snæfellsnesi, encla eru þau í miklurn framföruni
og útgerðin þar í blóma.
Breiðfirðingafélagið gekkst fyrir allfjölmennri skemmti-
ferð í byrjun júlímánaðar 1956 „fyrir Jökul“, ferðin þótti
skemmtileg og hin nýja leið fögur og tilkomumikil. Jóhannes
Olafsson var fararstjóri.
Nýjar brýr.
Margar ár við Breiðafjörð hafa verið brúaðar hin síðustu
ár. Má þar einkum nefna Sælingsdalsá, Hvolsá í Saurbæ,
Búðardalsá á Skarðsströnd og Fagradalsá. Ennfremur verð-
ur bráðlega gjörð brú yfir Skálmardalsá, sem nú er einn
helzti farartál’mnn, sem eftir er á langleiðinni Reykjavík
—Patreksfjörður.
Skóli á Laugum.
Veitt hefur verið fé til að reisa vandaðan barnaskóla að
Laugum í Dalasýslu, bæ Guðrúnar Ósvífursdóttur. Eru þar
hin ágætustu skilyrði til skólahalds. Þar er jarðhiti nægur
og samkomustaður víðlends héraðs og sundlaug.
Stórskipabryggja í Skarðsstöð.
Bráðlega verður hafin smíði á stórskipabryggju í Skarðs-
stöð. Mun sú framkvæmd leiða af sér aukin og bætt verzl-
unarskilyrði við innanverðan Breiðafjörð.
Framfarir og fólksfjölgun í Olafsvík.
Utgerðin í Ólafsvík og hið glæsilega nýbyggða frystihús
þar dregur að sér fólk víðsvegar úr héruðum Breiðafjarðar,
og eru nú nær tuttugu ný íbúðarhús í smíðum í Ólafsvík.
Fossárvirkjunin.
Búið er nú að reisa raforkustöð í Fossá við Ólafsvík.
Er fallhæðin þar 200 metrar og stöðin öll hið glæsilegasta