Breiðfirðingur - 01.04.1956, Page 77

BREIÐFIRÐINGUR
75
um hafa frá fornu fari átt margt sameiginlegt og eiga enn.
Verstöðvarnar á Snæfellsnesi og í Breiðarfjarðareyjum
voru sóttar hvaðanæfa úr byggðum Breiðafjarðar og svo er
enn. Hvergi myndi þetta byggðasafn betur í sveit sett en
í Stykkishólmi. Ef nokkur staður er samgöngumiðstöð
Breiðafjarðar þá er það Stykkishólmuí og auk þess er hann
stærsti kaupstaðurinn. Þar, sem tvær sýslurnar ná nokkuð
út fyrir takmörk Breiðafjarðar mætti nefna þetta byggða-
safn: Byggðasafn Vesturlands. Breiðifjörður er miðbyggð
hins forna vestur vesturamts, og lítil hætta er á að þessu
verði ruglað saman við Vestfirði, sem æfinlega eru nefndir
svo en ekki Vesturland. Að þessari nafngift stuðlar og hið
gagnmerka rit Lúðvíks Kristjánssonar og nafngift þess
„Vestlendingar“. Þess er að vænta að allir „Vestlendingar“
heima og heiman bregðist vel við, þegar til kastanna kem-
ur og láti allar gamlar væringjar niður falla sjálfum sér
og átthögum sínum til heilla og menningarauka.
/. /. S.
Fossárvirkjiuiin.