Breiðfirðingur - 01.04.1958, Qupperneq 62

Horfnir jelagar;
Guðmundur Einarsson
Hann andaðist hinn 25,
ágúst 1958 í Landspítalan-
um eftir þunga legu og var
jarðsunginn 30. ágúst.
Guðmundur var fæddur
23. des. 1890 á Hnúki í
Dalasýslu, sonur hjónanna
Einars Oddssonar, Jónas-
sonar og Guðrúnar Stur-
laugsdóttur í Akureyjum,
Tómassonar. Ölst hann upp
hjá foreldrum sínum á
H núki til 9 ára aldurs og
síðar í Dagverðarnesseli, er
þau fluttu þangað búferl-
um. Olst hann upp við kröpp kjör, eins og víðast átti sér
stað á þeim árum. Ungur fór hann að stunda sjómennsku á
sumrum. Innan við tvítugsaldur dvaldist hann við nám í
unglingaskólanum í Hjarðarholti 3 vetur. Eftir það hafði
hann á hendi barnakennslu á vetrum. Árið 1916 fluttist
hann til Þingeyrar og vann þar að ýmsum störfum. Var
verzlunarmaður, símstöðvarstjóri, afgreiðslumaður Eim-
skips og ríkisskipa. Fékkst við búskap og sjávarútveg jafn-
framt. Einnig var hann umboðsmaður brezkra og þýzkra
vátryggingarfélaga togaraeigenda. Arið 1936 fluttist hann
til Reykjavíkur og var þar fornbókasali um hríð. Síðan
starfaði hann sem fulltrúi hjá ríkisféhirði, þar til á síðastl.
vetri, er heilsan bilaði.