Dagblaðið Vísir - DV - 05.10.2018, Síða 18

18 SPORT 5. október 2018
BLÓMIN SEM TÓKU SÉR TÍMA
Í AÐ VAXA OG DAFNA
n Það er engin ein rétt leið á toppinn n Knattspyrnumenn blómstra á mismunandi tíma
Hörður Snævar Jónsson
hoddi@433.is
Við gömlu höfnina
EILÍF HAMINGJA
GRILLAÐ ÞORSKSPJÓT,
HUMARSÚPA & BRAUÐ
HÁDEGIS TILBOÐ
VIRKA DAGA
2.850
Þ
að er engin ein rétt leið
til að springa út sem
knattspyrnumaður,
margir gera það snemma
og verða fljótt stjörnur. Aðrir
taka sér tíma í að vaxa og dafna
áður en stóri draumurinn
verður að veruleika. Allir
knattspyrnumenn eiga sér
þann draum að verða atvinnu-
menn í sinni íþrótt, margir af
bestu knattspyrnumönnum Ís-
lands verða mjög ungir að at-
vinnumönnum. Aðrir blómstra
síðar, margir af fremstu
knattspyrnumönnum síð-
ustu ára, hafa farið þá leið.
DV fékk til liðs við sig öfl-
uga menn til að velja
knattspyrnumenn sem
fóru leiðina erfiðu, sem
börðust fyrir sínu til að kom-
ast út í hinn stóra heim. Listinn
af nöfnum var langur og þurftu
sumir frá að hverfa.n
Brynjar Björn Gunnarsson
Fyrsta ár í atvinnumennsku – 22
ára
Það áttu ekkert alltof margir von á því
að Brynjar Björn yrði atvinnumaður í
fótbolta. Hann gat hlaupið mikið og
barðist vel en boltatækni og slíkt var
aldrei hans besti vinur. Brynjar sprakk
hins vegar út nokkuð fljótt eftir tvítugt
og náði að búa sér til ótrúlegan feril.
Hann var atvinnumaður í 15 ár, átti góð
ár í ensku úrvalsdeildinni. Brynjar virtist
þó aldrei lifa eins og fólk ímyndar sér
að atvinnumaður í fótbolta geri. Hann
keyrði ekki um á dýrum bílum og þegar
hann kom heim til Íslands tók hann oftar
en ekki strætó. Brynjar lék 74 A-lands-
leiki og stóð yfirleitt fyrir sínu.
Guðni Bergsson
Fyrsta ár í atvinnumennsku – 21 árs
Varnarmaðurinn var alltaf öflugur sem ungur drengur
en ekki var víst að hann myndi velja fótboltann. Guðni
var mjög efnilegur í handbolta og hefði getað valið þá
leið. Guðni stoppaði stutta stund í atvinnumennsku
21 árs gamall en hann fór þó ekki í hana af alvöru fyrr
en tveimur árum síðar. Guðni komst að hjá stórliði
Tottenham sem þótti merkilegur áfangi. Hann gekk
menntaveginn samhliða fótboltanum og kláraði
nám í lögfræði þegar hann atvinnumaður. Guðni var
atvinnumaður í 15 ár og lék 80 A-landsleiki, hann er í
dag formaður Knattspyrnusambands Íslands.
Matthías Vilhjálmsson
Fyrsta ár í atvinnumennsku – 24 ára
Matthías hafði verið yfirburðaleikmaður á Íslandi
með FH áður en hann fékk tækifæri erlendis, fyrst
um sinn voru það lánsdvalir áður en Start í Noregi
fékk þennan öfluga leikmann. Matthías var að
verða 26 ára þegar hann var atvinnumaður að fullu,
þessi nagli af Vestfjörðum gafst aldrei upp. Hefur
hann nú í rúm þrjú ár spilað fyrir Rosenborg, sem er
langstærsta félag Noregs. Þar hefur hann upplifað
góða tíma. Matthías hefur ekki náð að koma sér
inn í A-landsliðið af krafti en hann á 15 landsleiki
að baki.
Rúnar Kristinsson
Fyrsta ár í atvinnumennsku – 25 ára
Rúnar hefði getað farið út miklu fyrr en kaus að bíða. Hann hafði
hæfileika en þroskaðist líkamlega aðeins seinna en jafnaldrar
hans. Hann treysti aldrei á hraða eða styrk, en það var leikskiln-
ingur Rúnars sem gerði hann að frábærum knattspyrnumanni.
Leikjahæsti leikmaður í sögu Íslands og átti frábæran feril sem
atvinnumaður. Lék í tólf ár erlendis og hvar sem Rúnar kom við
þá skildi hann eftir sig góðar minningar.
Grétar Rafn Steinsson
Fyrsta ár í atvinnumennsku – 23 ára
Siglfirðingurinn var alltaf nokkuð efnilegur en hann lék iðulega sem miðjumaður. Grétar
sá að það gæti orðið erfitt að komast í fremstu röð sem slíkur. Hann ákvað því í kringum
tvítugt, hjá ÍA á Akranesi, að gerast bakvörður og það reyndist besta ákvörðun sem Grét-
ar gat tekið. Hann átti 13 ár í atvinnumennsku en hans besti tími var með Bolton í ensku
úrvalsdeildinni. Hann átti flottan feril með landsliðinu og starfar í dag sem yfirmaður
knattspyrnumála hjá Fleetwood Town í þriðju efstu deild Englands.
Alfreð Finnbogason
Fyrst í atvinnumennsku – 21 árs
Ef það mætti líkja Alfreð við blóm, þá var hann
alltaf blóm sem flestir héldu að mynda springa
út á endanum. Það komu hins vegar tímabil
þar sem fólk fór að efast, hann var lengur
en aðrir að festa sig í sessi í meistaraflokki
Breiðabliks og þá hélt hann í nám til Ítalíu og
setti fótboltann hér á landi í pásu. Hann kom
svo heim og varð stjarna Breiðabliks á stuttum
tíma, tvítugur var hann í liði Blika sem varð
bikarmeistari og svo var hann langbesti leik-
maður Pepsi-deildarinnar sumarið 2010, þegar
Breiðablik vann sinn eina Íslandsmeistaratitil,
til þessa. Hann hefur síðan 2011 leikið erlendis
og átt frábæran feril.
Birkir Már Sævarsson
Fyrst í atvinnumennsku –
23 ára
Vindurinn af Hlíðarenda hefur
átt frábæran feril, í raun hefur
ferill hans verið eins og í lygasögu
miðað við það sem flestir áttu
von á. Birkir var ekki talinn neitt
sérstakt efni þegar hann ólst upp
en þegar upp kom í meistaraflokk
þá fór að sjást að þarna gæti orðið
öflugur leikmaður á ferð. Hann
varð Íslandsmeistari með Val árið
2007 sem lykilmaður, ári síðar hélt
hann í atvinnumennsku þar sem
hann var í tíu ár. Birkir á að baki 84
A-landsleiki þar sem hann hefur
leikið stórt hlutverk í besta árangri
í sögu landsliðsins.