Dagblaðið Vísir - DV - 05.10.2018, Side 28

28 MATUR 5. oktober 2018
RÁIN
Hafnargata 19a
Keflavík
S. 421 4601
FERSK OG FALLEG
ÞJÓNUSTAR
ÞIG Í MAT OG
DRYKK
Hádegismatur fyrir 1.000 krónur eða minna
Ódýrir valkostir finnast á veitingastöðum í Reykjavík; súpur, pítsa, fiskur og brauð
Það er sífellt skrafað um
að matarverð á Íslandi sé
hátt og finna landsmenn
flestir fyrir því. Nýr matar-
vefur DV fór því á stúfana
og fann hádegismat fyrir
þúsund krónur eða minna
á veitingastöðum Reykja-
víkurborgar. Það skal tekið
fram að verðið á þessum
réttum var athugað dag-
ana 2. og 3. október og er
listinn alls ekki tæmandi.
Klassísk pylsa og gos
Verð: Á bilinu 450 til 600 kr.
Hún er kölluð þjóðarréttur Íslendinga,
blessuð pylsan með öllu, engu eða sumu.
Þekktasti pylsustaður borgarinnar
er eflaust Bæjarins beztu, en sökum
gríðarlegra vinsælda þessa einfalda réttar
meðal erlendra ferðamanna væri kannski
tímasparnaður í að stoppa í næstu sjoppu
og grípa með sér eina ylvolga.
Núðlunasl
Verð: 960 kr.
Á Noodle Station í Reykjavík og
Hafnarfirði er hægt að fá núðlusúpu
með grænmeti á minna en 1.000 krón-
ur, en þess ber að geta að staðurinn
er einnig á Selfossi. Fyrir 680 krónur
til viðbótar er hægt að hafa kjötmeti
í súpunni.
Mexíkó kallar
Verð: 950 kr.
Staðurinn Local í Reykjavík, Hafnarfirði og Kópavogi býður upp
á úrval af salati, samlokum og djús, en á matseðlinum er einnig
mexíkósk kjúklingasúpa sem kostar 950 krónur.
Núðlur dagsins
Verð: 990 kr.
Hægt er að fá lítinn skammt af núðlum
dagsins fyrir minna en 1.000 krónur á
veitingastöðum Nings í Reykjavík og
Kópavogi.
Ein, jafnvel tvær pítsusneiðar
Verð: 550 til 970 kr.
Skyndibitastaðurinn The Deli
er staðsettur við Banka-
stræti og býður upp á
eina pítsusneið á 550
krónur og tvær
sneiðar á tæpar
1.000 krónur.
Heil pítsa fyrir svanga
Verð: 1.000 kr.
Vinsæli pítsastaðurinn Domino’s fær
að fylgja með, en aðeins á þriðju-
dögum fæst miðstærð af pítsu með
þremur áleggstegundum á einn
fjólubláan.
Þinn eigin kafbátur
Verð: Frá 649 kr.
Hægt er að bregða sér á
Subway um allt land og
næla sér í sex tommu
kafbát fyrir minna en
1.000 krónur. Taco-bát-
ur er til dæmis á 929
krónur, bátur með rifnu
grísakjöti á 859 krónur,
grænmetisbátur á 649
krónur og skinkubátur
á 759 krónur. Þá er
bryddað upp á litlum
báti mánaðarins sem er
á 499 krónur.
Hamborgari og franskar
Verð: 1.000 kr.
Klassískur hamborgari, franskar og
gos kostar 1.000 krónur á borgara-
staðnum Metro.
Smurbrauð og
heimilismatur
Verð: 695 til
995 kr.
Þeir sem eiga
leið hjá IKEA í
Garðabæ geta
gætt sér á heitum
heimilismat
fyrir 995 krónur. Ef
heimilismaturinn
heillar ekki er hægt
að gúffa í sig smur-
brauði fyrir 695 til
795 krónur.
Súpa sem hitar í skammdeginu
Verð: 990 kr.
Á kaffihúsinu Brikk í Hafnarfirði er hægt
að slafra í sig súpu og brauði með á
tæpar 1.000 krónur.
Fylgist með tilboðum
Svo má ekki gleyma þeim aragrúa af til-
boðum sem eru í gangi í matvöruverslunum
og bensínstöðvum hverju sinni. Í bakaríum
er einnig hægt að næla sér í eitthvert
hnossgæti sem fer ekki með fjárhaginn og í
ýmsum sjoppum borgarinnar er boðið upp á
meira en bara pylsu.
Samlokur, pylsur og naggar
Verð: 489 til 999 kr.
Á skyndibitastaðnum Aktu Taktu
er ýmislegt hægt að fá sem kostar
minna en þúsund krónur. Meðal
þess sem fer vel með budduna eru
sex kjúklinganaggar á 999 krónur,
ristuð samloka með skinku og
osti á 899 krónur, pylsa með öllu
á 489 krónur og baguette með
skinku og osti á 799 krónur.
Fisk-
inn
minn,
nammi
nammi
namm
Verð: 1.000 kr.
Á fiskistaðnum Fish
& Co við Aðalstræti í
Reykjavík er hægt að fá
fisk og meðlæti á litlar
1.000 krónur.
Lilja Katrín Gunnarsdóttir
lilja@dv.is