Litli Bergþór - 01.07.2017, Blaðsíða 19
Litli-Bergþór 19
Drífa Kristjánsdóttir:
Geysissvæðið 2010-2014
Samvinna, hugmyndasamkeppni, deiliskipulag
2. hluti
Í frásögn minni í síðasta blaði Litla-Bergþórs
um vinnu fyrir Geysissvæðið, var þar komið að
landeigendur höfðu stofnað formlegt félag þann
5. september 2012, Landeigendafélag Geysis
ehf. Ríkinu var boðið að koma að stofnun
landeigendafélagsins en hafnaði því. Ríkið á um
34% af svæðinu en aðrir eigendur eiga um 66%.
Tilgangur með félaginu var m.a. skv. samþykkt-
um þess: „að leigja af landeigendum í Haukadal
sameignarland þeirra, hverasvæðið í Haukadal,
(Geysissvæðið innan girðingar), að byggja upp
og reka svæðið, stuðla að umhverfisvænni nýtingu
svæðisins, þar sem sjálfbærni verði höfð að
leiðarljósi, að varðveita náttúruminjar svæðisins
og þjónusta ferðamenn. Við rekstur svæðisins
skal arðsemissjónarmiða gætt. Heildarstærð
svæðis innan girðingar er tæplega 20 ha.“.
Þetta var að mínu mati mjög mikilvægur
gjörningur. Nú lá fyrir formlegur félagsskapur
og því var hægt að ræða saman og taka til
skoðunar málefni staðarins. Í samtölum mínum
við stofnanir ríkisins var iðulega sagt við mig
að það þýddi ekkert að tala við, né semja við
landeigendur. Nú þegar búið var að stofna félag
var ekki lengur hægt að bera slíkt á borð. Síðar
kom í ljós að það voru stofnanir ríkisins sem voru
dragbítar í samningaviðræðum og umræðum um
Geysissvæðið, en ég kem að því síðar.
Ég sagði frá því í fyrri grein minni hér í Litla-
Bergþóri að okkur var úthlutað 20 milljóna króna
styrk til Geysissvæðisins í lok janúar 2013 úr
Framkvæmdasjóði ferðamannastaða. Styrkinn
vildum við nota til að skipuleggja Geysissvæðið
og fá góðar hugmyndir.
Ég fór því strax í það að undirbúa hugmynda-
samkeppni um Geysissvæðið. Nú þurfti að
funda með fulltrúum allra landeigenda. Í
framhaldi af því var skipað í dómnefnd fyrir
hugmyndasamkeppnina.
Fjármálaráðuneytið tilnefndi Halldóru Vífils-
dóttur núverandi forstjóra Framkvæmdasýslu
ríkisins, sinn fulltrúa. Þar fengum við mjög flottan
liðsmann og hennar seta í dómnefndinni skipti
mjög miklu máli fyrir framgang verkefnisins.
Arkitektafélögin tilnefndu sína fulltrúa, þau
Birgi Þröst Jóhannsson og Úllu R. Pedersen.
Sigurður Másson var fulltrúi Landeigendafélags
Geysis ehf. og Bláskógabyggð skipaði Pétur
Inga Haraldsson, skipulagsfulltrúa Uppsveita í
dómnefndina. Allt voru þetta afbragðs fulltrúar og
höfðu margt uppbyggilegt til málanna að leggja.
Ég sat alla fundi dómnefndarinnar, ritaði
fundargerðir og hélt utan um verkefnið; fylgdi
eftir framgangi þess og dreif það áfram ef upp
komu hindranir. Allir tóku höndum saman, en
sætta þurfti sjónarmið eins og gengur.
Undirbúningsfundir voru haldnir fyrir hina
eiginlegu dómnefndarfundi. Þeir voru alls
fimm, haldnir frá 8. febrúar til 9. apríl, 2013.
Dómnefndarfundirnir urðu svo fjórir fram til
4. júní. Aðalvinna dómnefndar var að gera
keppnislýsinguna og þar var í mörg horn að líta.
Allt gekk þetta hratt og vel fyrir sig og fólk vann af
miklum heilindum og dugnaði. Keppnislýsingin
var tilbúin af hálfu dómnefndar í júní og var vilji
til að auglýsa keppnina þá strax.
En þá kom smá babb kom í bátinn. Hindrunin
var ein setning sem erfitt var fyrir ríkisvaldið að
samþykkja. Læt fljóta með eitt dæmi um pósta
sem voru í gangi vegna þessa (þessi var frá mér):
Takk fyrir svar ykkar beggja. Setningin
er ekkert vandamál að mínu mati, en það er
vandamál að aðilar í ráðuneytinu geta ekki
(vilja ekki) ganga með okkur þá leið að koma
málum áfram á Geysi. ... Allt er komið á hreint
og samþykkt. Tímasetning keppninnar, nið-
urstaða dómnefndar keppnislýsingin,
allt nema samþykki embættismanna fyrir
setningunni: Hönnunin taki mið af mögulegri
gjaldtöku í framtíðinni og aðgangsstýringu.
Ráðherra fjármála verður að taka af skarið
og gefa Halldóru Vífilsdóttur bakland en
henni þótti mikilvægt að koma þessari
setningu til sinna umbjóðenda til samþykktar.
Ég verð í bænum á morgun og mun gefa mér tíma