Litli Bergþór - 01.07.2017, Page 37
Elizu Reid, Óttarri Proppé heilbrigðisráðherra,
starfsfólki Heilsugæslunnar, sveitarstjórn og
fleirum. Í stýrihóp, sem vann að undirbúningi
samningsins undir stjórn Helgu Kristínar
Sæbjörnsdóttur, voru fulltrúar skólastofnana
sveitarfélagsins, sveitarstjórnar, heilsugæslu-
stöðvar og eldri borgara.
Afmæli Bláskógabyggðar 9. júní 2017.
Bláskógabyggð hélt upp á 15 ára afmæli sitt
með pompi og prakt þ. 9. júní, með samkomu í
Aratungu. Þar heiðruðu forsetahjónin, þau Guðni
Th. Jóhannesson og frú Eliza Reid samkomuna
með nærveru sinni, eins og sagt er frá á öðrum stað
í blaðinu. Að lokinni dagskrá bauð sveitarstjórn
upp á veitingar. Steinunn Lilja Hreiðarsdóttir,
meistarakokkur í Aratungu, reiddi fram ljúffenga
smárétti úr heimafengnu hráefni, allt úr héraði, og
Kvenfélagskonur sáu um að bera fram og ganga
frá.
Andlát
Guðmundur Indriðason frá Lindarbrekku,
elsti maður í Biskupstungum, lést 101 árs að aldri
á Dvalar- og hjúkrunarheimilinu Lundi á Hellu
15. desember 2016. Hann var jarðsunginn frá
Skálholtsdómkirkju 30. desember.
Már Sigurðsson frá Geysi Haukadal lést
á heimili sínu 3. maí, 2017. Már hlaut
riddarakrossinn árið 2005 fyrir frumkvæði í
uppbyggingu ferðaþjónustu. Útför Más fór fram
frá Skálholtsdómkirkju 19. maí og var hann
jarðsettur í Haukadal.
Pálmar Þorgeirsson á Flúðum lést að
heimili sínu 20. maí. Útför hans fór fram frá
Skálholtsdómkirkju 27. maí og var hann jarðsettur
í Hrunakirkjugarði. Hann var kvæntur Ragnhildi
Þórarinsdóttur frá Spóastöðum.
Jóhann Vilbergsson frá Felli lést á heimili sínu
í Reykholti 2. júní 2017. Útför hans var gerð
frá Skálholtsdómkirkju laugardaginn 10. júní.
Jarðsett var í Haukadal.
Njörður Marel Jónsson bóndi í Brattholti lést á
gjörgæsludeild Landspítalans í Fossvogi þann 19.
júní. Útför hans var gerð frá Sálholtsdómkirkju
1. júlí.
Litli-Bergþór 37
viðtöl við sex umsækjendur, í nefndinni sátu
Bryndís Ásta Böðvarsdóttir, Helgi Kjartansson
og Óttar Bragi Þráinsson. Nefndin vann málið
með aðstoð og ráðgjöf Ingvars Sigurgeirssonar
og Valtýs Valtýssonar, sveitarstjóra. Nefndin
lagði til að Hreinn Þorkelsson yrði ráðinn í
starfið og sveitarstjórn samþykkti tillöguna á
fundi þann 23. maí. Hreinn, sem er fæddur árið
1959, er ættaður frá Laugarvatni, sonur hjónanna
Þorkels Bjarnasonar og Esterar Guðmundsdóttur.
Hann er föðurbróðir Elfu Birkisdóttur, skólastjóra
Bláskógaskóla á Laugarvatni.
Helstu lykiltölur ársreiknings Bláskógaveitu
2016 eru þær að rekstrarniðurstaða er 25.473.000
kr., eignir samtals eru 175.276.000 kr., eigið fé
og skuldir eru samtals 175.276.000 kr., nettó
fjárfestingar ársins voru 9.795.000 og handbært
fé um áramót var 18.230.000 kr.
Börn í 5. bekk Bláskógaskóla í Reykholti fengu
í vor fyrstu verðlaun, fyrir myndband, sem
þeir sendu inn í Siljuna, myndbandasamkeppni
fyrir grunnskólanema, á vegum Barnabókaseturs.
Verkefnið var liður í þema á miðstigi skólans
um Barnasáttmála Sameinuðu þjóðanna. Ásta
Kristjana Guðjónsdóttir umsjónarkennari þeirra
vann verkefnið með þeim.
Íbúafundur var haldinn í Aratungu þ. 8. maí
á vegum sveitarstjórnar. Þar höfðu framsögu:
Kjartan Þorkelsson lögreglustjóri, um löggæslu í
uppsveitum, Valtýr Valtýsson sveitarstjóri um góða
stöðu sveitarsjóðs, Guðmundur Daníelsson um
stöðu ljósleiðaramála í sveitarfélaginu, Ásmundur
Friðriksson alþingismaður um samgöngumál,
Halldór Páll Halldórsson skólameistari ML
um íþróttamannvirkin á Laugarvatni og Bjarni
Daníelsson um framkvæmda- og viðhaldsmál í
Bláskógabyggð. Eins og ráða má af fjölda mála
gafst ekki mikill tími til umræðna eða fyrirspurna
um hvert mál. Undir liðnum önnur mál kvaddi sér
hljóðs Sigríður Jónsdóttir, einn þeirra kennara,
sem hafa verið frá kennslu í Bláskógaskóla vegna
veikinda í framhaldi af samstarfsörðugleikum
innan skólans.
Heilsueflandi samfélag í Bláskógabyggð. Þann
9. júní skrifuðu Helgi Kjartansson oddviti og
Ingibjörg Guðmundsdóttir lýðheilsufræðingur
undir samning milli Bláskógabyggðar og
Landlæknisembættisins um heilsueflandi
samfélag í Bláskógabyggð. Athöfnin fór fram á
Heilsugæslustöðinni í Laugarási, að viðstöddum
forseta Íslands, Guðna Th. Jóhannessyni, frú