Litli Bergþór - 01.07.2017, Side 32

32 Litli-Bergþór
Aðalfundur Kvenfélags Biskupstungna 2017 var
haldinn í Bergholti þ. 22 mars s.l. Samkvæmt
lögum félagsins átti að kjósa gjaldkera, ritara og
einn meðstjórnanda til næstu tveggja ára. Svo
vildi til að sitjandi stjórnarkonur gáfu allar kost á
sér áfram, sem og varakonurnar tvær, svo stjórnin
er óbreytt frá fyrra ári:
Formaður er Agnes Geirdal, Galtalæk, gjaldkeri
Bryndís Malmo Bjarnadóttir frá Helgastöðum,
búsett á Selfossi, ritari Geirþrúður Sighvatsdóttir,
Miðhúsum, meðstjórnendur: Herdís Friðriksdóttir,
Daltúni og Oddný Kr. Jósefsdóttir, Brautarhóli.
Varakonur eru Margrét Baldursdóttir, Króki og
Margrét Sverrisdóttir, Hrosshaga.
Í veitinganefnd eru nú: Jórunn Svavarsdóttir,
Drumboddsstöðum, Oddný Jósefsdóttir, Braut-
arhóli og Sigríður Jónína Sigurfinnsdóttir, Hross-
haga. Varakona er Mardita Andini, Furubrún.
Gaman var að finna hve mikill og jákvæður
áhugi var meðal fundarkvenna fyrir því að starfa
innan kvenfélagsins og var ekki vandi að fá
frambjóðendur í nefndirnar. Til dæmis gáfu tvær
nýjar konur kost á sér í Skógræktarnefnd í stað
Siggu Jónu í Hrosshaga, sem gekk úr nefndinni.
Í Skógræktarnefnd eru því fjórar konur í ár:
Herdís Friðriksdóttir, Agnes Geirdal, Bryndís
Malmo Bjarnadóttir og Regína Rósa Harðardóttir,
Reykholti. Ingulundur í Spóastaðalandi er því í
góðum málum.
Í nefnd vegna ferðar með eldri borgum í ár, eru
þær Elinborg Sigurðardóttir og Elín Siggeirsdóttir.
Sex nýjar konur bættust í hópinn á árinu og eru
þær allar boðnar hjartanlega velkomnar.
Starf Kvenfélagsins var að öðru leyti hefðbundið
á síðasta starfsári. Frá því síðasti pistill birtist í
sumarblaði Litla-Bergþórs 2016 tók kvenfélagið
að vanda þátt í sveitarhátíðinni „Tvær úr
Tungunum“, sem haldin var í Aratungu þ.
13. ágúst. Þar sáum við um kaffiveitingar,
sumarmarkaðinn, tombólu og hoppukastalana
og einnig komu kvenfélagskonur að vinnustofu
með gömlum handiðnaðaráhöldum, vefstólum,
rokkum o.fl., í bílskúrnum hjá Guðna Lýðssyni,
sem opin var á sama tíma.
Kvenfélagspistill
Kvenfélagskonur í sumarbústaðarferð í febrúar 2017. Talið f.v.: Bryndís, Agnes, Ingunn Birna, Sirrý, Sigrún Elfa, Sigga
Jóna, Mardita og Oddný. Þrúða tók myndina.