Litli Bergþór - 01.07.2017, Qupperneq 20
20 Litli-Bergþór
til að hitta aðila ef það getur orðið til hjálpar.
Við erum fallin á tíma en e.t.v. má redda málum
á morgun. Ég bið alla sem geta aðstoðað að vera
innan handar og hjálpa til. Það skiptir mjög miklu
máli fyrir ferðaþjónustu okkar Íslendinga.
Það gekk þó ekki að ná þessu í júní svo að
dómnefndin fundaði enn þann 16. september og nú
lá loks fyrir niðurstaða á orðalagi setningar, sem
ríkið gat samþykkt og landeigendur voru sammála
um, varðandi gjaldtökumál. „Keppendur taki
í tillögum sínum mið af mögulegri gjaldtöku í
framtíðinni og nauðsynlegri aðgangsstýringu.
Útfærsla á gjaldtöku liggur ekki fyrir.“
Dómnefndin hafði stefnt að því að auglýsa
hugmyndasamkeppnina og kynna niðurstöður
sínar fyrir lok árs 2013. Það dróst aðeins, en
dómnefndin náði þó að ganga frá sinni niðurstöðu
í lok febrúar 2014 og kynnti síðan tillögurnar
og vinningshafana með mikilli viðhöfn á Geysi
þann 6. mars 2014. Það var okkur öllum mikill
gleðidagur.
Hér er smá úrdráttur úr ræðu, sem ég hélt á
Geysi að því tilefni:
„Ég býð ykkur hjartanlega velkomin hingað að
Geysi og gleðst sannarlega yfir hvað margir sáu
sér fært að mæta.
Dómnefndinni þótti við hæfi að verðlauna fyrir
keppnistillögurnar hér við Geysi en það setti
okkur reyndar í óvissu með hve margir sæju sér
fært að mæta. Nú liggur fyrir að hingað eruð þið
öll komin og við erum mjög sæl með það. Nú
höldum við uppskeruhátíð.
Ég kem oft með gesti mína hingað á Geysi
og í hvert sinni lýsir fólk ánægju sinni með
allan viðurgjörning, hér eru meistara kokkar og
metnaður í allri framsetningu á veitingum eins og
þið sjáið og ég bið ykkur að njóta veitinganna.
Ég hef notið þess að vera oddviti Bláskóga-
byggðar í tæp 4 ár. Mitt fyrsta verk var að
hefja samtal við heimamenn og landeigendur
hér í Haukadal og fá fram afstöðu þeirra til
uppbyggingar og lagfæringar á Geysissvæðinu.
Samtölin voru mörg og öll mjög skemmtileg og
uppbyggjandi. Umhverfisstofnun kom að málum
um leið og þess var óskað og saman og í samvinnu
var farið í að gera nauðsynlegustu lagfæringar
á svæðinu; sett voru upp ný bönd og komið fyrir
fínlegum merkingum fyrir gesti.
Starfsmaður, heimamaður á Geysi, var ráðinn
í hálft starf við að þrífa svæðið og nú sést ekkert
rusl á svæðinu ekki einn einasti sígarettustubbur
og engir peningar í Blesa. Alveg dásamlegt.
Landeigendur sáu mikilvægi þess að mynda
með sér félagsskap og þann 5. september 2012 var
Landeigendafélag Geysis ehf. stofnað. Vonir stóðu
til þess að ríkið yrði með í landeigendafélaginu
en úr því varð ekki. Ríkið stendur því utan land-
eigendafélagsins.
Ég tók marga snúninga á því við ríkisvaldið að
finna út hver bæri ábyrgð á Geysissvæðinu af hálfu
ríkisins. Ég átti fundi með ferðamálaráðherra,
ráðuneytisstjórum, forstjóra ferðamálastofu,
forstjóra og starfsmönnum Umhverfisstofnunar,
fjármálaráðherra og sendi forsætisráðherra bréf.
Erfitt var að fá svar við spurningunni um hver
bæri ábyrgðina, en eftir margar hringferðir fékkst
niðurstaða. Hún var sú, að fjármálaráðherra og
ráðuneyti hans fer með Geysissvæðið fyrir hönd
ríkisins.
Hér á Geysi hafa rekstraraðilar byggt upp
af miklum metnaði. Aldrei hefur verið slakað á
með gæði og metnaður 100 prósent í öllu tilliti,
matur, aðstaða og þjónusta. Allt tipp topp. En
Geysissvæðið sjálft hefur setið eftir. Nú breytist
það vonandi.
Nú getum við hafið uppbyggingu og verndun
svæðisins og fólk fær að njóta þess í heild sinni
og allra hveranna.
Bláskógabyggð og Landeigendafélagið sóttu
um styrk í Framkvæmdasjóð ferðamannastaða.
Okkur var úthlutað 20 milljónum. Ég þakka inni-
lega fyrir það. Strax var hafist handa við að skipa
dómnefnd og hún vann hratt og vel.
Nú liggja fyrir tillögur keppenda, dómnefnd
hefur lokið störfum og hennar niðurstöður verða
kynntar hér á eftir.
Grunnur hefur verið lagður að áframhaldandi
vinnu. Barnið er fætt en nú þarf að koma því á
legg, sinna því og móta til framtíðar.
Ég heiti á ríkisstjórn Íslands að grípa nú
tækifærið og koma myndarlega að málum og
vinna hratt og vel með landeigendafélaginu
Geysir ehf. og Bláskógabyggð að uppbyggingu
Geysissvæðisins. Tækifærið er komið því má
ekki glata. Nú þurfum við öll að róa í sömu átt og
koma Geysissvæðinu í þann búning sem því hæfir.
Búning sem við getum verið stolt af. Búning sem