Morgunblaðið - 28.02.2019, Side 10

10 FRÉTTIRInnlent
MORGUNBLAÐIÐ FIMMTUDAGUR 28. FEBRÚAR 2019
E
N
N
E
M
M
/
S
ÍA
/
N
M
9
2
1
4
3
VERIÐ VELKOMIN Í REYNSLUAKSTUR
BMW 225XE
PLUG-IN HYBRID.
MEÐ xDRIVE FJÓRHJÓLADRIFI.
Sheer
Driving Pleasure
Dakota leðuráklæði, vetrardekk, upphitað stýri, aðfellanlegir og birtutengdir speglar, lykillaust
aðgengi, rafdrifinn afturhleri með snertilausri opnun, bakkmyndavél og nálgunarvarar framan
og aftan, skyggðar afturrúður, 9 hátalara hljómkerfi, LED aðalljós og inniljós, rafdrifin framsæti
með minni á ökumannssæti, leggja í stæði hjálp og þakbogar o.m.fl.
BMW 225xe xDrive. Verð: 5.390.000 kr. með LUXURY LINE aukahlutapakka.
BL ehf
Sævarhöfða 2 / 110 Reykjavík
525 8000 /www.bl.is
Sigurður Bogi Sævarsson
sbs@mbl.is
Tónninn var gefinn og talið í fyrir
matarhátíðina Food & Fun þegar
matreiðslumeistarar sem taka þátt
hittust í kennslueldhúsi Mennta-
skólans í Kópavogi í gær. Hátíðin
stendur til 3. mars og venju sam-
kvæmt tekur þar þátt stór hópur
matreiðslumeistara víða frá.
„Kokkarnir hafa frjálsar hendur
um uppskriftir og aðferðir. Íslenskt
hráefni er nú sem endranær haft í
hávegum og það má útbúa á svo
marga vísu. Þannig skapast líka sú
fjölbreytni sem þessi hátíð er þekkt
fyrir,“ segir Óli Hall, matreiðslu-
maður og framkvæmdastjóri keppn-
innar, í samtali við Morgunblaðið.
Komið Íslandi á kortið
Að þessu sinni taka alls 19 kokkar
þátt, en margir þeirra hafa með sér
aðstoðarfólk þannig að þeir sem
koma til landsins gagngert vegna
Food & Fun eru um 40 talsins. Eru
þá erlendir matargestir ekki taldir
með. Þetta er í 18. skipti sem hátíðin
er haldin og hefur hún fest sig í sessi
sem stærsta matarveisla Íslands.
„Hátíðin nýtur mikilla vinsælda í al-
þjóðlegum heimi matreiðslumenn-
ingar og þetta er viðburður sem svo
sannarlega hefur komið Íslandi vel á
kortið,“ segir Óli.
Meðal meistarakokka sem nú eru
mættir til landsins eru nokkrir af
þeim fremstu í Lundúnum sem sér-
hæfðir eru í bökugerð. Einnig þeir
vinsælustu í Washington, frægir
andakjötsmeistarar og snillingar frá
Ítalíu. Margir þátttakenda hafa
sömuleiðis unnið sér inn Michelin-
stjörnur, en þær eru mikils metnar í
matargerðarlist.
Erlendu gestakokkarnir útbúa
fjögurra til fimm rétta matseðil í
samstarfi við veitingahús í Reykja-
vík og Garðabæ. Eftirtaldir veitinga-
staðir taka þátt í ár: Apótek, Ess-
ensía, Geiri Smart, Grand Hótel,
Hótel Holt, Kolabrautin, Kopar, La
Primavera, Mathús Garðabæjar,
Mímir/Grillið Hótel Saga, Nostra,
Reykjavik Meat, Skelfiskmarkaður-
inn, Sumac og Vox Hilton Nordica.
Ennfremur er nýjung á Food &
Fun sem kallast Off Menu þar sem
barir og götuveitingahús taka þátt.
Þar verður kynntur matur sem er
bæði matreiddur og framborinn á
frjálslegum og óhefðbundnum nót-
um. Í ár eru með undir þessum for-
merkjum Kore Mathöll Grandi,
Brass Hótel Alda, Public House og
Bjórgarðurinn Fosshóteli.
Upprennandi kokkar
og reyndir meistarar
Food & Fun var sett á laggirnar
fyrir allmörgum árum sem markaðs-
átak til að vekja áhuga erlendra
ferðamanna á Íslandi og matar-
menningunni hér. Með árunum hef-
ur hátíðin svo undið upp á sig og er
nú orðin menningarviðburður sem
beðið er eftir með eftirvæntingu.
„Við höfum yfirleitt reynt að fá til
landsins unga og upprennandi kokka
sem margir hverjir hafa öðlast
frægð og frama. Að venju koma að
sjálfsögðu líka hinir eldri og reynd-
ari meistarar og nokkrir þeirra hafa
komið áður. Hátíðin hefur skapað
sér gott orðspor á erlendri grundu
og er talinn mikill heiður að vera
boðið að koma til Íslands og taka
þátt í matarveislunni. Þessir kokkar
bera síðan hróður og heiður Íslands
og vegsama matargerð og gæði ís-
lensks hráefnis út um heim allan,“
segir Siggi Hall, framkvæmdastjóri
og einn af stofnendum Food & Fun.
Sama verð alls staðar
Á Food & Fun gefst öllum kostur
á að eiga góða matarupplifun hvort
sem um er að ræða þá sem lifa og
anda fyrir nýjar matarminningar
jafnt og þá sem eru að stíga sín
fyrstu spor í sælkeraheiminum. Öll-
um er gert jafnt undir höfði og er
sama verð á öllum veitingahúsum,
8.900 krónur fyrir matseðilinn.
Morgunblaðið/Eggert
Hótel og veitingaskóli Íslands Matarhátíðin Food & Fun er byrjuð og stendur til 3. mars. Erlendu matreiðslu-
meistararnir hittu nema og kynntu sér íslenskt hráefni í kennslueldhúsi Menntaskólans í Kópavogi í gær.
Viðburður sem beðið er eftir
 Heimskokkarnir mættir til Íslands á Food & Fun  Fjölbreytni og frjálsar hendur  Mikill heiður