Morgunblaðið - 28.02.2019, Blaðsíða 28

28 FRÉTTIRInnlent
MORGUNBLAÐIÐ FIMMTUDAGUR 28. FEBRÚAR 2019
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.
Ágúst Ingi Jónsson
aij@mbl.is
Talsverðar tilfæringar þurfti til að koma 100
metra skipi inn í skrokk 140 metra fljótandi
flotkvíar við Hvaleyrarbakkann í Hafnarfjarð-
arhöfn í gærmorgun. Smátt og smátt gleypti
Rolldock Sea flutningaskipið Fjordvik og um
hálftvö var skipið, sem strandaði við höfnina í
Helguvík í byrjun nóvember komið í heilu lagi
inn í kvína. Flotkvíin fljótandi, öflugt og vel
búið skip frá Hollandi, lyfti sér síðan að nýju
upp frá botninum.
Um 30 manna hópur úr áhöfn Rolldock Sea,
eftirlitsmenn og aðrir á vegum útgerðar
Fjordvik, menn frá Skipatækni, starfsmenn
Hafnarfjarðarhafnar og hafnsögumenn frá
Hafnarfirði og Faxaflóahöfnum á hafn-
sögubátunum Hamri, Þrótti og Magna hófu
vinnu á háflóði í gærmorgun. Sjó var dælt í
tanka Rolldock svo skipið sökk niður undir
botn, um 11,5 metra, en dýpið var tólf metrar.
Fjordvik var síðan dregið í áföngum með spil-
um inn í flotkvína, en bátarnir studdu við
Fjordvik og voru til taks ef eitthvað færi úr-
skeiðis.
Verulega var farið að falla út
Að sögn Lúðvíks Geirssonar, hafnarstjóra í
Hafnarfirði, gekk vinnan vel og veður var eins
og best varð á kosið. Þó mátti ekki tæpara
standa því verkinu lauk ekki fyrr en verulega
var farið að falla út. Um helgina var hærra í
sjó, en veður kom í veg fyrir að hægt væri að
sinna þessu verkefni á mánudag eins og fyrir-
hugað var.
Lúðvík segir að Rolldock Sea láti tæpast úr
höfn með Fjordvik innanborðs fyrr en á laug-
ardag þegar búið verður að loka skipinu
tryggilega, festa allt og stífa áður en siglt verð-
ur af stað yfir Atlantshafið til Gent í Belgíu.
Þar endar Fjordvik væntanlega daga sína í
brotajárni á næstunni.
Fimmtán manns bjargað
Það var aðfaranótt 3. nóvember sem sem-
entsflutningaskipið Fjordvik strandaði við
hafnargarðinn í Helguvík. Áhöfn á þyrlu
Landhelgisgæslunnar, TF-GNA, tókst að
bjarga 15 manns frá borði við erfiðar að-
stæður, en skipið lamdist við stórgrýttan hafn-
argarðinn meðan á aðgerðum stóð.
Tæpri viku síðar tókst að draga skipið af
strandstað og inn til Keflavíkur. Þaðan var það
síðan dregið yfir til Hafnarfjarðar 15. nóv-
ember. Allar þessar aðgerðir tókust giftu-
samlega. Fjordvik var tekin upp í þurrkví
Orms og Víglundar þar sem meðal annars var
soðið upp í gat á síðunni og skipið gert flothelt.
Nú fjórum mánuðum síðar er hins vegar komið
að brottför þessa rúmlega 40 ára gamla skips
frá Hafnarfirði.
Morgunblaðið/Kristinn Magnússon
Í Hafnarfirði Sementsflutningaskipið Fjordvik var dregið með skutinn á undan inn í Rolldock Sea, sem er fljótandi flotkví. Hafnsögubátarnir Þróttur, Hamar og Magni aðstoðuðu við verkið.
Fjordvik í heilu
lagi inn í fljót-
andi flotkví
 Fer í brotajárn í Belgíu eftir strand í Helguvík
Síðasta ferðin Fjordvik er 40 ára gamalt flutningaskip sem fer í brotajárn í Belgíu.
Öllum bjargað Fjordvik á strandstað við Helguvík fyrir fjórum mánuðum síðan.