Morgunblaðið - 28.02.2019, Qupperneq 54

54 UMRÆÐAN
MORGUNBLAÐIÐ FIMMTUDAGUR 28. FEBRÚAR 2019
Barnið mitt fæddist
eðlilega, en síðar átti
eftir að koma í ljós að
það yrði langveikt. Ég
fékk hlutverk sem ég
réð ekki við ein, ég
þurfti að reiða mig á
kerfið. En þú kemst að
því að ekkert úrræði
er til og engar reglur
til að fara eftir.
Leiðin okkar hefur
verið löng og ströng, eins og flestra
annarra í samskonar stöðu. Tilfinn-
ingar eins og áhyggjur, kvíði og
hræðsla naga mann. Þú kemst að
því með tímanum að þetta er bar-
átta við kerfið að fá þá þjónustu
sem þarf til, maður uppsker and-
vökunætur.
Það er mikil sorg sem fylgir því
að eignast heilbrigt barn sem síðar
fær sjúkdómsgreiningu sem mun
leiða til þess að barnið deyr langt
fyrir aldur fram. Þú sérð barnið
hverfa frá þér smátt og smátt.
Færni til að ganga hverfur, færni
til að borða hverfur, færni til að tjá
sig hverfur. Lífsgæðin verða minni
og minni með hverjum tíma. Barnið
þarf aðstoð við allar athafnir, og
sólarhringsumönnun.
Úrræðið hér var að breyta bíl-
skúrnum okkar í þá aðstöðu sem
þurfti, starfsfólk félagsþjónust-
unnar starfar á vöktum allan sólar-
hringinn. Heimahjúkrun sinnir
reglulegum vitjunum. Heilbrigð-
isstofnunin getur boðið upp á hvíld-
arinnlagnir með góðum fyrirvara.
Hinir ýmsu fagaðilar þurfa að
vera í sambandi við mig vegna um-
sóknar eftir réttu hjálpartækjum,
s.s. sjúkrarúmi, sjúkralyftara,
sturtustól eða baði, sérútbúnum
hjólastól, sogtæki, súrefnistæki,
sondugjafatæki og fylgihlutum.
Það þarf að velja og læra á sér-
útbúinn bíl með hjólastólalyftu. Þú
þarft að læra á þennan búnað.
Hjálpartækin bila og það þarf að
leysa það. Það þarf að panta vörur,
s.s bleiur, undirbreiðslur, sond-
umat og slöngur, svampa, grisjur,
krem o.fl. Ýmiss konar lyf. Það þarf
að passa upp á að öll lyf séu til. Þú
þarft að fylgjast með lagernum.
Lyfjagjafir geta verið 6-8x á sólar-
hring, sem þarfnast undirbúnings,
sondugjafir (matur gefinn beint í
magaop) eru á þriggja tíma fresti
fram á kvöld.
Starfsfólk þarf leiðbeiningu og
fræðslu. Hvernig á að bregðast við
öllu því sem getur birst í tengslum
við sjúkdóminn. Flog, verkir, óró-
leiki, hóstaköst o.fl. Það þarf að út-
búa hjálpargögn fyrir það svo það
sé öruggt hvernig eigi að bregðast
við hinum ýmsum uppákomum.
Hugur þinn er ávallt hjá langveika
barninu allan sólarhringinn. Þú ert
á bakvakt. Hver mun leysa þig af?
Getur þú unnið úti?
Kemst þú í frí? Hefur
þú orku til að halda
áfram?
Foreldrar þurfa að
mæta á marga fundi,
svara mörgum símtöl-
um, tölvupóstum, leita
ráða hjá ýmsum að-
ilum, leita uppi aðstoð
kerfisfræðinga til að
fá kerfið til að hjálpa
manni að annast og
hjúkra langveika
barninu. Úr hvað kerfi á hjálpin að
koma? Sveitarfélögin og heilbrigð-
iskerfið togast á, því óneitanlega er
reikningurinn hár. Er það réttlæt-
anlegt að fjölskyldum langveikra
sé mismunað eftir því í hvaða sveit-
arfélagi fólkið býr. Fjölskyldur
flytja sig á milli svæða, flytja til út-
landa eða leysast upp vegna álags-
ins.
Á 100 ára afmæli félags ís-
lenskra hjúkrunarfræðinga fögn-
uðum við aukinni þekkingu og
framþróun í hjúkrun. Hjúkr-
unarfræðingar starfa á hinum
ýmsu stofnunum, deildum, fyr-
irtækjum og víðar. Ég vil sjá að
fagmennska sé aukin við þjónustu
langveikra barna þar sem þau búa.
Ég þakka fyrir á hverjum degi að
ég sé hjúkrunarfræðingur. Ég hef
oft þurft að grípa inn í umönnun
heima með minni færni og þekk-
ingu.
Ég á mér draum um að foreldrar
langveikra barna verði umvafðir
öryggi, hlýju og trausti í sam-
skiptum sínum við kerfið. Þjón-
ustuna verður að skilgreina á
markvissan hátt. Sveitarfélögin
gegna hér mikilvægu hlutverki. Til
þess að þau geti framkvæmt þjón-
ustuna á jafnvægisgrundvelli um
allt land þarf að skilgreina hana og
útbúa verkferla. Þeir verða auðvit-
að alltaf einstaklingsmiðaðir.
Ríkið á að standa undir kostn-
aðnum. Ég sendi ákall til ríkisins
og sveitarfélagana að vinna saman
af því að útbúa framtíðarstefnu og
verklagsreglur um það hvernig
þjónusta fyrir langveik börn og
fjölskyldur þeirra eigi að vera.
Hlúið að þessum fjölskyldum.
Ég á mér draum …
Eftir Rósu
Víkingsdóttur
Rósa Víkingsdóttir
»Ég sendi ákall til rík-
isins og sveitarfé-
lagana að vinna saman
að því að útbúa framtíð-
arstefnu og verklags-
reglur um það hvernig
þjónusta fyrir langveik
börn og fjölskyldur
þeirra eigi að vera.
Höfundur er móðir
og hjúkrunarfræðingur.
Á meðan íslensk
stjórnvöld hiksta og
hika við áframhaldandi
bráðnauðsynlegar
vegaframkvæmdir,
m.a. jarðgangagerð í
landinu, eru Fær-
eyingar á útopnuðu og
bora og bora eins og
enginn sé morgundag-
urinn. Á hæstvirtu Al-
þingi Íslendinga er rif-
ist um gjaldtöku eða ekki gjaldtöku og
nauðsynlegum samgöngubótum, sem
víða er kallað eftir, er því frestað eða
hætt við. Allir sjá þörfina en færri
vilja borga. Er þetta ekki dæmigert
fyrir okkur Íslendinga sem sagðir er-
um með ríkari þjóðum heims og stát-
um af því að vera mældir ofarlega eða
efstir á topplistum velferðar hjá virt-
um stofnunum víða um heim. Staða
þjóðarskútunnar er sögð vera betri en
nokkru sinni fyrr. Samt getum við
ekki mætt brýnustu samgöngu-
framkvæmdum, sem sumar hverjar
hafa beðið í tæp 50 ár. „Púkinn fitnar
og fitnar í fjósinu“ á meðan fjár-
magnið, sem sannarlega er til staðar,
sárvantar vinnu og hrópar á að taka
þátt í verkefninu. En stjórnvöld ríku
þjóðarskútunnar þrjóskast við, hiksta
og hika og kjarkleysið er algert.
Veggjöld þykja
sjálfsögð í Færeyjum
Færeyingar, vinir okkar, sem búa á
mörgum eyjum skammt undan Aust-
fjörðum eru sammála um að greiðar
og öruggar samgöngur milli allra íbú-
anna á eyjunum, stórra og smárra,
séu sjálfsögð mannréttindi sem eigi
og þurfi að uppfylla sem fyrst. Það
gera þeir skipulega og hika ekki við að
setja sér krefjandi og metnaðarfull
markmið til að ná þeim.
Veggjöld þykja þar sjálf-
sögð og eru inni í þeirra
verkefnum og plönum.
Skoðum málið nánar.
Upplýsingar m.a. heima-
síða Landsverk Fær-
eyjum:
Árið 2014 stofnuðu þeir
Félag, að áeggjan Lög-
þingsins, sem sjá mun um
undirbúning og alla fram-
kvæmd við tvenn neð-
ansjávar-jarðgöng alls að
lengd rúma 22,0 km. Félagið fær 400
milljónir í fjárveitingar frá Lögþinginu
á framkvæmdatíma auk þess sem það
hefur heimild til lántöku til að fjár-
magna framkvæmdirnar. Veggjöld af
umferðinni verða síðan innheimt til að
greiða upp lán sem Félagið tekur. 2016
gerði Félagið samning við verktaka-
fyrirtæki og lánastofnanir um fram-
kvæmdina á báðum þessum jarð-
göngum. Framkvæmdatími er
2016-2024. Austureyjargöngin 11,3
km, sem tengja Þórshöfn (Hvitanes)
neðansjávar við Rúnavik og Strendur,
eru nú á lokametrunum. Byrjað er að
undirbúa Sandeyjar-göngin, 11 km
neðansjávargöng, frá Gömlu rétt við
Kirkjubæ yfir í Traðardal á Sandey.
Og vinir okkar eru sko alls ekki
hættir. Nei, nei. Þeir stefna nú á að
ferðatími frá Þórshöfn til Suðureyjar
verði ekki lengri en ein klukkustund.
Þar horfa þeir til gangaleiðar frá Sand-
ey neðansjávar í suður til Skugveyjar
(9 km) og áfram suður neðansjávar til
Suðureyjar (17,0 km). Metnaðarfullt
verkefni sem sýnir vel hvað góðar
samgöngur fyrir alla eru í skýrum for-
gangi hjá þeim. Að loknum göngunum
til Suðureyjar eru 99% allra íbúa í
Færeyjum í góðu og öruggu vega-
sambandi allt árið. Landsverki (Jarð-
gangaliðið) þeirra Færeyinga, sem
svipar til Vegagerðar okkar, er ætlað
að sjá m.a. um framkvæmd á styttri
jarðgöngum til smærri byggða. Þeir
tala um að framkvæma fyrir ca. 20
millj. árlega sem svarar til 750-800
lengdarmetra í jarðgöngum. Sem
dæmi má nefna að Hvalba-göngin á
Suðuey sem eru 2,5 km að lengd eru
nú í útboði. Framkvæmdatími er
2019-2021.
Já, ólíkt hafast þeir að, félagar okk-
ar í Færeyjum eða stjórnvöld hér á
ríka Íslandi. Seyðfirðingar eru orðnir
langþreyttir á úrræðaleysi og vand-
ræðagangi samgönguyfirvalda.
Landamærastöð sem býr við erfiðar
landsamgöngur um og yfir Fjarð-
arheiði, hefur þjónað landsmönnum á
Seyðisfirði allar götur frá 1975.
Hvað er til ráða ?
Heyrst hefur að bæjaryfirvöld hafi
leitað til Landsverks í Færeyjum um
ráðgjöf. Sagt er að fundað hafi verið
stíft um borð í Norrænu, en hún kem-
ur vikulega til Seyðisfjarðarhafnar frá
Færeyjum.
Mikil leynd hefur hvílt yfir þessum
viðræðum. Kunnugir segja þó að m.a.
hafi verið rætt um neðansjávargöng
frá Seyðisfirði með gangamunna
skammt frá Skálanesi til nágranna
okkar í Færeyjum, með landtöku á
Vaagey skammt frá flugvellinum. En
hvað framtíðin leiðir í ljós er ekki vit-
að, „vandi er um slíkt að spá“ eins og
segir í kvæðinu.
Eftir Þorvald
Jóhannsson
Þorvald Jóhannsson
» Stjórnvöld ríku þjóð-
arskútunnar þrjósk-
ast við, hiksta og hika og
kjarkleysið er algert.
Höfundur er fv. bæjarstjóri en nú
eldri borgari á Seyðisfirði.
brattahlid10@simnet.is
Færeyingar bora og bora
laugavegi 47 www.kokka.is kokka@kokka.is
Pappelina gólfmotta
Verð frá 6.900 kr.
FUNDARBOÐ
Aðalfundur Kviku banka hf., kt. 540502-2930, verður haldinn fimmtudaginn 14. mars 2019, kl. 16:30, á Icelandair hótel Reykjavík Natura,
Nauthólsvegi 52, 101 Reykjavík, í fundarsölum 2 og 3.
Á dagskrá fundarins verða eftirfarandi liðir:
1. Skýrsla stjórnar félagsins um starfsemi þess síðastliðið starfsár.
2. Ársreikningur félagsins fyrir árið 2018 og ákvörðun um meðferð hagnaðar eða taps félagsins á reikningsárinu.
3. Tillaga um starfskjarastefnu félagsins.
4. Tillaga um að heimila félaginu að kaupa eigin hlutabréf.
5. Tillaga stjórnar um breytingar á samþykktum félagsins.
6. Kosning stjórnar og varastjórnar félagsins.
7. Tillaga um að stjórn verði falið að greina kosti og galla skipunar tilnefningarnefndar.
8. Kosning endurskoðenda félagsins.
9. Ákvörðun þóknunar til stjórnarmanna og nefndarmanna í undirnefndum stjórnar.
10. Samantekt stjórnar um hlutafjáreign og samstæðutengsl.
11. Önnur mál.
Tillaga stjórnar um breytingar á samþykktum:
Meirihluti tillagna stjórnar um breytingar á samþykktum er til kominn vegna fyrirhugaðrar skráningar félagsins á Aðalmarkað Nasdaq Iceland.
Tilkynnt hefur verið að stjórn félagsins stefni á skráningu þess á Aðalmarkaðinn fyrir lok fyrsta ársfjórðungs 2019 og eru lagðar til breytingar
á ákvæðum samþykkta til að endurspegla ákvæði laga um hlutafélög nr. 2/1995 sem eiga við um félög skráð á skipulegan verðbréfamarkað,
einkum 31. gr. (viðmiðunartími arðsréttar), 1. mgr. 80. gr. a (bréfleg eða rafræn atkvæðagreiðsla), 2. mgr. 86. gr. (réttur til að fá mál tekið til
meðferðar á hluthafafundi), 1. og 2. mgr. 88. gr. a (fundarboð, tímafrestir), 88. gr. c (fundarboð, efni) og 88. gr. d (upplýsingar fyrir hluthafa-
fund). Jafnframt er lagt til að felld verði út heimild til að gefa út hlutabréf á pappírsformi til hluthafa en hlutir félagsins eru rafrænt skráðir.
Þá leggur stjórn til breytingu á ákvæði síðari málsgreinar gr. 6.1. í samþykktum um skipunartíma endurskoðanda til að endurspegla breytingu á
2. mgr. 90. gr. laga um fjármálafyrirtæki nr. 161/2002, sem tók gildi þann 21. febrúar 2019.
Stjórn leggur einnig til breytingar á bráðabirgðaákvæðum samþykkta um heimild stjórnar til útgáfu og sölu áskriftarréttinda og niðurfellingu
eldri heimildar til kaupa á eigin hlutum. Lagt er til að heimild stjórnar í bráðabirgðaákvæði II, til kaupa á eigin hlutum, verði felld út og stjórn
verði, með nýju bráðabirgðaákvæði II, veitt heimild til aðalfundar félagsins árið 2020 til útgáfu og sölu áskriftarréttinda að 100.000.000 nýjum
hlutum í félaginu. Lagt er til að heimild stjórnar til hækkunar hlutafjár til að mæta útgefnum áskriftarréttindum í þessum flokki gildi til 14. mars
2024. Jafnframt er lagt til að heimild stjórnar til hækkunar hlutafjár vegna áskriftarréttinda sem gefin hafa verið út á grundvelli A og B liðar
bráðabirgðaákvæðis IV í samþykktum, sem gildir til 14. júlí 2022, verði framlengd til loka árs 2022. Er það til að endurspegla nýtingartíma
þegar útgefinna áskriftarréttinda að fullu. Loks er lagt til að hámark útgefinna en ónýttra áskriftarréttinda af heildarhlutafé félagsins, sem kveðið
er á um í C lið bráðabirgðaákvæðis IV, verði lækkað úr 33,3% í 30,0%.
Fundarstörf fara fram á íslensku. Fundargögn eru jafnframt á íslensku utan þess að ársreikningur er á ensku.
Þeim sem hyggjast gefa kost á sér til setu í stjórn ber að tilkynna það skriflega til stjórnar félagsins að minnsta kosti fimm dögum fyrir upphaf
aðalfundar, þ.e. fyrir kl. 16:30 laugardaginn 9. mars 2019.
Í tilkynningu um framboð til stjórnar skal geta nafns frambjóðanda, kennitölu, heimilisfangs, menntunar, upplýsinga um aðalstarf og starfsferil,
hvenær viðkomandi tók fyrst sæti í stjórn félagsins ef við á, önnur trúnaðarstörf (t.a.m. stjórnarstörf í öðrum félögum), hlutafjáreign í félaginu,
beint eða í gegnum tengda aðila. Þá skal einnig upplýsa um önnur tengsl við félagið og hagsmunatengsl við helstu viðskiptaaðila og samkeppni-
saðila félagsins, sem og hluthafa sem eiga, einir eða í samstarfi við aðra, meira en 10% hlut í félaginu. Þeir einir eru kjörgengir sem þannig hafa
gefið kost á sér. Krafa um hlutfallskosningu eða margfeldiskosningu, sbr. 7. mgr. 63. gr. laga um hlutafélög nr. 2/1995, skal hafa borist stjórn
félagsins minnst fimm dögum fyrir aðalfundinn. Upplýsingar um frambjóðendur til stjórnar munu liggja frammi hluthöfum til sýnis á skrifstofu
félagsins, að Borgartúni 25, 105 Reykjavík, sem og á heimasíðu félagsins, eigi síðar en tveimur dögum fyrir aðalfundinn, sbr. 63. gr. a laga um
hlutafélög nr. 2/1995.
Dagskrá, endanlegar tillögur, starfskjarastefna, ársreikningur félagsins og önnur fundargögn munu liggja frammi á skrifstofu félagsins hlut-
höfum til sýnis 14 dögum fyrir aðalfund. Umrædd gögn, ásamt upplýsingum um frambjóðendur til stjórnar, eru einnig birt á heimasíðu félag-
sins, www.kvika.is.
Hluthöfum er heimilt að senda umboðsmann sinn á hluthafafundinn og skal umboðsmaður í slíkum tilvikum leggja fram skriflegt og dagsett
umboð. Umboð má leggja fram á fundinum eða senda á skrifstofu bankans fyrir fundinn.
Atkvæðaseðlar og önnur fundargögn verða afhent á aðalfundardaginn frá kl. 16:00 á fundarstað.
Stjórn Kviku banka hf.